Samvinnan - 01.12.1958, Blaðsíða 34

Snjór
(Framh. aj bls. 16)
Það er velþekkt fyrirbrigði, að snjó-
kornin „takast í hendur“ og vaxa meira
eða minna saman. Það hefur stundum
verið kölluð „hundslappadrífa" á ís-
lenzku og fleiri heiti eru til yfir það.
Lygnan vetrardag árið 1915, féllu snjó-
korn í Berlín, sem mæklust 7—10 cm í
þvermál. Þessir fljúgandi diskar félln til
jarðar án þess að brotna. Þó er það ekki
metið. Stærstu snjóflygsur, sem mældar
hafa verið, voru 30 cm í þvermál og 20
cm á þykkt. Hér á landi er fremnr fátítt.
að mjög stórar snjóflygsur falli heilar til
jarðar.
Snjór hefur mikið einangrunargildi og
veldur þar um, að snjófönn inniheldur
mikið loft. Til samanburðar má geta
þess, að snjóveggur hefur um það bil
60% meira einangrunargildi heldur en
tréveggur af sömu þykkt. Eskimóar gæta
þess, að hafa lag af nýjum snjó utan á
snjókofunum og þá er nægur hiti inni,
jafnvel þótt hitagjafinn sé aðeins mann-
skapurinn, sem þar dvelst. Þegar Græn-
lendingar lenda í hríðarbvl, svo útlit er
fyrir, að þeir komist ekki leiðar sinnar,
þá grafa þeir sig í fönn og gera holu með
staf í gegnum snjóinn til að anda. í
fönninni liggja þeir meðan þeir eru að
safna nýjum kröftum. eða þar til veðrinu
slotar.
íslendingar hafa aftur á móti ekki tíðk-
að það mikið að grafa sig í fönn, þegar
um líf og dauða var að tefla í hríðarbylj-
um á fjallvegum. Hvernig sem á því
stendur hafa ménn oftar kosið að nevta
síðustu kraftanna og freista þess að ná í
áfangastað. Fyrir það hefur fjöldi manns
orðið úti. Nú leggja menn sjaldan í göng-
ur yfir háfjöll og heiðar, þegar tvísýnt er
um veðurútlit, og það er nú orðið mjög
fátítt, að menn verði úti.
Sagnir eru til um nokkra aftakavetur
hér á landi, sem eftir öllu að dæma hafa
tekið langt fram meðalvetri að fannfergi
og hörkum. Frægir eru til dæmis „Lurk-
ur“ og „Langjökull“. Þá varð bæði hor-
fellir á búpeningi og manndauði. Slíkir
vetur mundu að vísu ekki gera nærri svo
mikinn usla nú á dögum, en samt er það
ævinlega brennandi spurning, hvort vet-
urinn verði harður eða í meðallagi. Það
er ekki lengur spurning um manndauða
eða fjárfelli, heldur erfiðleika og kostnað.
G. S.
T V í B Ý
Arkitekt: Jósef S. Reynis
Áður hafa verið birt sýnishorn af ein-
býlishúsum og sambyggingu í Samvinn-
unni og þá er ekki úr vegi að sýna tví-
býlishús. Það form húsbygginga hefur
orðið fremur vinsælt og mikið notað,
einkum í Reykjavík.
Jósef S. Reynis, arkitekt hefur teiknað
þetta tvíbýlishús, sem byggt var við Laug-
arásveg í Reykjavík. Eins og góðum arki-
tekt sæmir hefur hann staðsett svefn-
hlutann sér og daglegan íveruhluta sér.
Teikningin hér er af efri hæð hússins.
Útidyr eru við neðri enda stigans, sem
sézt á teikningunni. Forstofan, sem marg-
ir nefna því leiða nafni „hol“ og arki-
tektinn nefnir skála, er mjög rúmgóð, ef
til vill óþarflega. Þaðan og einnig úr stofu
er gengt í skrifstofu húsráðanda og stór
gluggi nær þvert yfir suðurvegginn. Á
gólffleti hússins er ca. hálfs meters hæð-
armismunur og kemur hann fram á milli
borðstofu og stofu. Sér þá niður í stofuna
úr borðstofu og gefur þetta skemmtileg-
an svip. Eldliúsið er vel staðsett við hlið-
ina á borðstofunni. Þar er borðkrókur og
búr við hliðina. Úr eldhúsinu er gengt
niður í kjallara hússins, en þar eru
geymslur, þvottahús, kynding og nokkur
LISH ÚS
herbergi. Úr forstofu er gengt beint til
eldhúss og svefnherbergja, en á gangin-
um er litlu salerni vel fyrir komið.
Svefnhlutinn er vel skipulagður og þar
er gnægð skápa. Inn af hjónaherbergi
hefur arkitektinn teiknað lítið snyrti-
herbergi. sem eins mætti nota fyrir
barnaherbergi.
Þetta hús er að vísu 176 fermetrar, en
Jósef segir, að auðveldlega megi minnka
það niður í 120 ferm. með því að minnka
aðeins öll herbergin, en ganga þó mest á
forstofu og stofu. Einnig mætti gera ein-
býlishús eftir þessari teikningu og hafa
þá kjallara til þeirra nota, sem hann er.
Þá mætti ef vildi gera bakdyrainngang í
eldhúsið, þar sem búrið er. Slíkt er auð-
vitað heimilt að gera, en því aðeins að
leyfi arkitektsins komi til.
Ytra útlit hússins hefur heppnazt sér-
lega vel og eiga litimir ekki minnstan
þátt í því. Aðalfletir eru gráir, bekkur-
inn undir þakskeggi brúnn, rammar
hvítir og mjög fölur gulgrænn Iitur inni í
rammanum utan um stofugluggana. Eftir
þessari teikningu mætti byggja hvort sem
væri í kaupstað eða á tvíbýlisjörð í sveit.
34 SAMVINNAN