Samvinnan - 01.06.1980, Síða 9

• Skuldir þrefölduðust
— Og hvernig gekk rekstur kaupfé-
lagsins á síðasta ári?
— Segja má, að rekstur félagsins
hafi gengið nokkuð vel á síðasta ári,
rekstrarafgangur varð um sjö milljón-
ir króna. Árferði var slæmt á árinu
1979, sérstaklega á Norður- og Norð-
austurlandi; heyskapur gekk með af-
brigðum illa og fallþungi var lítill,
þannig að skuldasöfnun bænda var til-
finnanleg á þessu svæði. Hjá okkur
var hún svo mikil, að viðskiptaskuldir
þrefölduðust frá fyrra ári.
• Flutningskostnaðurinn erfiður
— Hvernig eru horfurnar núna?
Ertu bjartsýnn eða svartsýnn á út-
komuna á þessu ári?
— Það er erfitt að spá um rekstur
þessa árs, en margt bendir til að af-
koma verzlunarinnar fari versnandi.
Kostnaðarhækkanir hafa verið mikl-
ar það sem af er árinu, en sölulaun
verzlunarinnar hafa ekki verið lag-
færð í samræmi við það. Það sem
veldur dreifbýlisverzluninni hvað
mestum örðugleikum fyrir utan of
lítinn veltuhraða er hinn mikli flutn-
ingskostnaður frá Reykjavik. Sannar-
lega er mikil nauðsyn á, að komið
verði á einhvers konar flutningsjöfn-
un.
• Allir hafa sama rétt
— Hvernig kynntist þú samvinnu-
hreyfingunni fyrst, og á hverju bygg-
ist trú þín á hugsjón hennar?
— í rauninni kynntist ég samvinnu-
hreyfingunni ekki að neinu marki, fyrr
en ég fór í Samvinnuskólann, en þar
var ég i fjóra vetur. Ég vissi að sjálf-
sögðu um tilvist hreyfingarinnar áður,
en hafði lítið kynnt mér hugsjónir og
starf hennar. Það er trú min, að sam-
vinnuhugsjónin eigi ekki síður erindi
Á stóru myndinni hér efst á síðunni sjást
bátar við bryggju á Þórshöfn, og hér að
neoan er hraðfrystihús staðarins.
til þjóðarinnar nú en áður. Félags-
skapur, sem stuðlar að bættum hag
almennings, þar sem allir hafa sama
rétt án tillits til efnahags eða starfs,
hlýtur að hafa margt framyfir einka-
rekstur, sem hefur ágóðasjónarmið að
leiðarstjörnu.
• Atvinnuuppbygging vanrækt
— Aff lokum: Hvemig kanntu viff
þig á Þórshöfn?
— Ég get sagt, að ég kunni nokkuð
vel við mig hér. Og fyrst við erum
farnir að spjalla saman, langar mig
að víkja að einu atriði: Atvinnuupp-
bygging á Þórshöfn hefur orðið á eft-
ir miðað við önnur sjávarþorp á Norð-
ur- og Austurlandi. Um ástæður þess
get ég ekki fullyrt, en mér er ekki
grunlaust um, að nálægð við her-
stöð sem rekin var á Heiðarfjalli fram
á áttunda áratuginn, eigi þar veru-
legan þátt í. Með þessu er ég ekki að
leggja dóm á veru varnarliðsins í
landinu, heldur hitt, að menn hafi
sofið á verðinum gagnvart atvinnu-
legri uppbyggingu.
Það þarf þvi að herða róðurinn, ef
atvinnulífið hér á að verða sambæri-
legt við það, sem gerist í öðrum sjáv-
arþorpum. Verkefnin eru sem sagt
næg, og ekki ástæða til verulegrar
svartsýni, ef haldið er á málum af
festu og hóflegri bjartsýni. 4
9