Samvinnan - 01.04.1983, Blaðsíða 30

Svolítið FRÉTTABLAÐ um samvinnumál
Nýir forstjórar á Norðurlöndum
I lok þessa árs og byrjun hins næsta
taka nýir forstjórar við störfum hjá
fjórum Noröurlandanna, Dönum,
Svíum, Finnum og Norðmönnum - og
er óhætt að fullyrða, að sjaldan hafa
jafn mörg norræn samvinnusambönd
skipt um forstjóra á jafn skömmum
tíma.
I Finnlandi lætur Viljo Luukka af
störfum hjá samvinnusambandinu
SOK fyrir aldurs sakir, eftir að hafa
starfað hjá finnsku samvinnuhreyfing-
unni samfleytt í 40 ár.
Þegar ársþing NAF var haldið hér
í Reykjavík 30. júní 1975 var þess
minnst með stuttri athöfn á Hótel
Sögu, að þá urðu forstjóraskipti hjá
tveimur norrænum samvinnusam-
böndum samtímis. Þá tók einmitt
Viljo Luukka við forstjórastarfi af
Martti Musonen - og Gunnar Christ-
ensen varð forstjóri danska samvinnu-
sambandsins og tók við af Ebbe Gro-
es eftir langan og giftudrjúgan feril
þess mæta manns.
Hjá Norðmönnum lætur Knut Moe
af starfi forstjóra eftir fimmtán ára
starf, en hann hefur oft komið hingað
til lands og er íslenskum samvinnu-
mönnum aö góöu kunnur.
Hið sama má segja um sænska
forstjórann Karl Erik Persson, en
hann hefur stjórnað KF á tímabili
mikilla erfiðleika, sem nú eru bless-
unarlega um garð gengnir. Fjárhags-
leg afkoma sænska samvinnusam-
bandsins var óvenju góð á síðasta ári
og útlitiö fyrir þetta ár er einnig gott.
Loks lætur Gunnar Christensen af
störfum hjá danska samvinnusam-
bandinu.
En hverjir taka við?
Hér á eftir kynnir Samvinnan hina
fjóra nýju forstjóra norrænna sani-
vinnumanna í örfáum orðum, en þeir
eiga væntanlega eftir að koma mikið
við sögu í fréttum af norrænu sam-
vinnustarfi á næstu árum.
NKL, norska samvinnusambandið,
hefur nýlega ráðið sér nýjan forstjóra.
Hann heitir Knut Værdal og er 41 árs.
Hann hefur starfað hjá norsku sam-
vinnufélögunum frá 1967, og undan-
farin sex ár hefur hann verið fram-
kvæmdastjóri kaupfélagsins í Þránd-
heimi, en það hefur vaxið hröðum
skrefum undir hans stjórn.
Hjá SOK, sem er annað tveggja
samvinnusambanda í Finnlandi, tók
nýr forstjóri við í júnímánuði. Hann
heitir Juhani Pesonen og er 55 ára
gamall, verkfræðingur að mennt. Und-
anfarin ár hefur hann getið sér gott
orð fvrir vasklega framgöngu við
rekstur iðnfyrirtækja, sein eru í eigu
tmnskra samvinnumanna.
KF, sænska samvinnusambandið,
skiptir um forstjóra um næstu áramót.
Við hinu ábyrgðarmikla starfi tekur
Leif Lewin og er 46 ára ganiall. Hann
hefur langan og happasælan starfsferil
að haki innan sænsku samvinnuhreyf-
ingarinnar og var síðast forstjóri OK,
sem er olíufélag samvinnumanna þar í
landi.
Og loks hefur FDB, danska sam-
vinnusamhandið, ráðið sér nýjan for-
stjóra. Hann heitir Bent le Févre og er
47 ára gamall. Ólíkt hinum þremur
hefur hann ekki fyrr starfað innan
samvinnuhreyFingarinnar, heldur verið
forstjóri hjá hyggingarfyrirtækinu
Brödrene Dahl A/S, og auk þess aflað
sér reynslu á fleiri sviðum viðskipta-
lífsins.
30