Spegillinn - 01.04.1951, Síða 48

BO
SPEGILLINN
Bibbidi-babbidi-boo
Tvíritað o í ljóðum lesist ,
sem langt og seindregið ú.
„Strákarnir syngja, stelpurnar syngja:
Bibbidi, babbidi, boo“.
Og viltar meyjar og voða gæar
vöngunum saman nú
og gala í ölvaðri gleði sinni:
Bibbidi, babbidi, boo.
Og þetta vort jarðlíf var aldrei áður
jafn interesserant og nú:
•—- Ellin raular og æskan dansar:
Bibbidi, babbidi, boo.
Og vesæl og stúrin vinnukona
og velmetin coaktail-frú
Lausavísur og brot
eftir Hræbjörn.
Nú er illt við Njörvasund,
nötra saltfisksjarlar.
Eru að halda útifund
öskuvondir karlar.
Eitt sinn fengu á sinn disk,
er þeim lengst í minni,
býsnaljótan blautan fisk
frá Bæjarútgerðinni.
Ólafur sækir suður fast
að siða þessa kóna,
sem að eru að andskotast
úti í Barselóna.
Mælir vaskur Væringi:
„Vitið hvar þið standið,
ef Hafstein vill á Hæringi
hafnbann setja á landið“.
Bjarni er með annan fót í útlandinu.
Það er út af ástandinu.
syngja nú báðar í sælli vímu:
Bibbidi, babbidi, boo.
Og stjórnmálamennirnir skammast og skammast,
en skoðun mín er sú,
að þeim væri sæmra að syngja eins og aðrir:
Bibbidi, babbidi, boo.
Og þótt örlögin sendi í yztu myrkur
ást mína, von og trú,
þá syng ég mér bara til sálubótar:
Bibbidi, babbidi, boo.
Dóri.
LÖGREGLAN
í höfuðstaðnum er að hugsa um að fá sér sporhund, sem hún á kost
á að kaupa í danmörk — en ekki er enn vitað, hvort hún fær fjárfest-
ingarleyfi til þess arna. Er þetta Sjeferhundur, en þeir þykja hunda
þefvísastir, og kemur sér vel, þegar farið verður að leita í bílunum. Er
helzt talað um að hafa þetta tik og reyna að koma henni í kynni við
Carlo, hinn ágæta Vatnajökulshund, sem hefur þegar sýnt nokkra til-
burði til að fjölga hundkyninu. Er talið, að þetta muni geta haft mikla
þýðingu við framkvæmd nýju þefaralaganna.
SPÍRITUSBLANDA,
grunsamlegrar náttúru, hefur fundizt í vörzlum bilstjóra eins, er
leitað var hjá honum, eftir nýju lögunum. Var flaskan skreytt ein-
kennismiðum AVR á belg og stút, en drykkurinn reyndist svo göróttur,
að jafnvel sterkustu menn fengu pípandi niðurgang af honum. Er við-
búið, að sökudólgurinn fái margfalda refsingu fyrir þessa starfsemi
sína; fyrst og fremst almenna hlerasekt fyrir að hafa áfengi í fórum
sínum, auk þess fangelsi bg jafnvel líflát — nema þyngri refsing liggi
við samkvæmt öðrum lögum — fyrií- smúl, brugg og þjófnað á hinum
smekklegu miðum, sem Brandúr hefur einkaleyfi á. Auk þess er von-
andi, að einhver sérstakur paragraff sé til, höndlandi um áhleypingar.
Að minnsta kosti ætti hann að koma í næstu útgáfu áfengislaganna.
BREZK KONA,
sem verið hafði þingmaður, hefur nýskeð sókt bílstjóra einn til
stórra skaðabóta, ekki þó fyrir að selja henni svikið brennivin, heldur
hafði hann keyrt hana, en lenti í ástími og braut kvenmanninn svo illi-
lega, að hún náði ekki kosningu næst á eftir, því að brezkir kjósendur
vilja helzt óbrotna þingmenn. Svo virðist af þessu, að þingmennska
þyki arðvænlegur atvinnuvegur þar í landi, eins og annarsstaðar —
nema meiningin sé sú, að bílstjórinn eigi að greiða kjördæminu skaða-
bæturnar fyrir að verða af þingmennsku þessarar brezku Rannveigar.
Riistjóri: Páll Skúlason
Teiknari- Halldór Pétursson
Ritstjórn og aígreiðsla: Smáragötu 14 - Reykjavík
Sími 2702 (kl- 12-13 dagl-)
Árganguiinn er 12 blöð - um 240 bls. - Áskriítarverð kr. 50
Einstök blöð kr. 5.00 - Áskriftir greiðist fyriiíram - Áritun :
SPEGILLINN, Pósthólf 594 - Reykjavík - Blaðið er prentað
í Isafoldarprentsmiðju h.f.