Fálkinn - 26.12.1962, Blaðsíða 31

það hefði ekki verið snert í síðustu
tuttugu árin. Læknirinn var einn hinna
nöldursömu gamalmenna, sem ekki er
hægt að toga vingjarnlegt orð út úr, og
í þokkabót urra við manni, ef þeim er
sýnd kurteisi.
Nú rumdi hann: „í kvöld hef ég sann-
arlega verið heppinn. Þetta er í fyrsta
sinn í sex mánuði, sem ég hef getað
setið og snætt óbreyttan kvöldverðinn
minn, án þess að barið hafi verið að
dyrum, áður en ég hef geta borið fyrstu
súpuskeiðina að vörunum. Kærar þakkir
fyrir að þér gáfuð mér færi á að ljúka
við matinn.“
Hann var frekjulega háðskur, en
jafnframt fjandsamlegur.
„Nú, hvert er erindið? Hvað er að
yður? Ekkert, þori ég að veðja. Það er
aldrei neitt að fólki hér um slóðir, sem
einn skammtur af amerískri olíu eða
aspiríntöflur geta ekki læknað, — nema
gigtin auðvitað. Segið eitthvað, maður!“
„Það er ekki neitt að mér. Ég kem
til að fá yður til að komá til fólks í
Wagnalls hlöðunni. Þar er maður, sem
hefur öklabrotnað, og stúlka með
lungnabólgu. Takið tös!.u yðar og kom-
ið með.“
Hann glefsaði til mín eins og skjald-
baka og sagði: „Og hver eruð þér, að
þér getið sagt mér, hvað er að þeim?
Ég er að minnsta kosti ekki starfandi
læknir. Ég hef dregið mig í hlé. Sonur
minn gegnir störfum mínum, og hann
er í vitjun vegna fæðingar.....Bölv-
aður hundurinn, nú geltir hann aftur!“
Og loðhundurinn gelti vissulega
ákaflega og hélt áfram að krafsa í að-
aldyrnar.
„Veslings fólkið er í hræðilegum
vandræðum, læknir.“
„Það eru alltaf til vesalingar. Og
hver ætlar að borga reikninginn?“
„Það geri ég,“ sagði ég og dró veskið
upp úr vasanum.
„Stingið því í vasann aftur, stingið
því í vasann. Ef þér hafið í hyggju að
borga fyrir allt þetta hyski, sem liggur
í hlöðunum hér í kring, þá endið þér á
fátækrahælinu.“ Hann stóð á fætur
með erfiðismunum og andvarpaði: „Al-
ex er úti með vagninn. Guð gefi okkur
þrótt til að bera þetta. Ég hef svarið
eiðinn og neyðist til að koma. Guð
hjálpi okkur!“
„Við verðum að flýta okkur, læknir.“
Geðvonzkulega fleygði hann lyfjum
og umbúðum í svörtu töskuna sína, og
ég hjálpaði honum í viðamikinn regn-
frakka. „Ungi maður, ég er sjötíu og sjö
ára gamall, og æðar mínar eru kalkað-
ar, svo að ég get ekki flýtt mér, jafnvel
þótt dómsdagur væri yfir okkur.“
Litli hundurinn gelti af hrifningu,
þegar við komum út. Og að lokum vor-
um við komnir í dimm trjágöng, sem
lágu að hlöðunni.
Læknirinn var með vasaljós. Við
gengum inn. Hann beindi ljósgeislunum
frá horni til horns, unz hann staðnæmd-
ist við jakkann minn.
Hann lá eins og ég hafði lagt hann,
yfir veslings Dolores, en það var enginn
undir honum!
Ég hrópaði: „Alpha! Ég er kominn
með lækninn!"
Bergmálið svaraði: „. . . .ækninn.“
Ég gat aðeins sagt: „Þau hljóta að
vera farin.“
Framhald á bls. 34.
Kæri Astró.
Ég hef áhuga á að vita eitt-
hvað um framtíðina og þá
helzt ástamálin. Ég er fædd
kl. 11.45 e. h. Ég lauk ágætis
gagnfræðaprófi s.l. vor, en
hef ekki hugsað til að halda
námi áfram. Núna sem stend-
ur hef ég stundað afgreiðslu-
störf í búð og líkar mér það
vel. Ég hef aðallega veriö
með tveim piltum í sumar og
á nú erfitt með að velja á
milli þeirra. Hvað segja
stjörnurnar um framtíð mína?
Skipta þessir piltar mig ein-
hverju í framtíðinni? Giftist
ég? og þá hvnær og hvernig
verður hjónabandið? Vinsam-
lega sleppið öllum fæðingar-
dögum, ártölum og fæðingar-
stöðum.
Guðbjörg.
Svar til Guðbjargar.
Þú fæddist þegar sól var
13° 10’ í merki Nautsins. Mán-
inn var 27° í merki Steingeit-
arinnar og hið rísandi merki
var 2° Bogmannsmerkið. Ef
við snúum okkur strax að
þeirri spurningu, sem þér var
efst í huga í bréfi þínu þ. e.
a. s. makaval þá má segja að
mjög erfitt sé að dæma um
hver mundi falla þér betur,
en það er nokkuð eftir því
viðhorfi, sem þú hefur til lífs-
ins. Sá sem er fæddur undir
merki Steingeitarinnar þ. e. a.
s. 1. janúar mundi hafa heilla-
rík áhrif á fjármálin og
mundi vafalust gera þig efn-
aðri heldur en sá, sem er fædd-
ur undir merki Nautsins eða
10. maí. Hins vegar mundi
sá, sem fæddur er undir merki
Nautsins verða miklu skemmti
legri maki. Þ. e. a. s. að mikið
nánara ástasamband mundi
ríkja milli ykkar. Steingeitar-
merkismaðurinn mundi hins
vegar mikið frekar einbeita
sér að velgengni í hinum ytri
heimi og sækjast eftir fé og
frama. Þannig hefurðu höfuð-
eðli þessara pilta þinna og
síðan er þitt að velja, en ég
þykist þess fullviss að þú átt
erfitt með að ákveða þig í
þessum efnum, þar eð merki
Tvíburanna er á geisla sjö-
unda húss hjá þér eða húsi
hjónabandsins. Af því leiðir
að þú átt mjög erfitt með að
taka ákvörðun um endanleg-
an maka. Hitt er svo annað
mál ef litið er á ástandið í
sjöunda húsi. en þar eru Úr-
anus í 11°26’ Tviburamerkis-
ins og Satúrn í 6° 48’ Krabba.
Þannig að ekki er beinlínis
hægt að segja að ástandið sé
gott í ástamálunum hjá þér.
Þessar plánetur hér benda til
þess að þú getir verið ur hófi
áhrifagjörn og að öllum lík-
um muntu stofna til fyrra
hjónabands þíns fyrir sakir
stundarhrifningar, sem þó er
óafsakanlega óhyggilegt, þvi
að sú hi'ifning sem skapast
hjá þér er ekki nægilega var-
anleg. Þetta stfara af áhrifum
Úranusar. Þegar svo gleraugu
ástarinnar eru falin og grá-
kaldur veruleikinn opnast
fyrir þér (Satúrn) er hætt að
nokkurs konar „kalt stríð“
skapist, sem svo leiðir aftur
til skilnaðar þegar viss
spenna hefur skapast. Ég
mundi ráðleggja þér að gifta
þig í fyrsta lagi þegar þú ert
orðin 24 ára sakir þessara
afstaðna og þá þarftu náin
kynni af tilvonandi maka þín-
um í að minnsta kosti eitt
til tvö ár. Annars er 17 ald-
ursár þitt 21 og 25 talsvert á-
berandi í þessum málum þar
sem margt getur átt sér stað.
Mars, Venus og Merkúr í
þriðja húsi hafa stuðlað mjög
að velgengni þinni í náminu.
Þessar plánetur hér benda
einnig til þess að. þú hafir val-
ið þér hentugt starf. Skrif-
stofustörf mundu einnig
vera mjög passandi fyrir þig.
Eftir þessum afstöðum að
dæma þá ættirðu að gera sem
mest að því að kynna þér bók-
menntir fornar og nýjar, sér-
staklega ævisögur stríðshetja
og bardagamanna (Hrúts-
merkið). Yfirleitt stríðshetj-
ur í heimi vopnanna og and-
ans.
Horfur eru á að yfirleitt sé
heilsufarið þitt gott og að þú
þurfir ekki að hafa tiltakan-
legar áhyggjur af því. Hins
vegar er merki Nautsins
aðaláhrifamerki í því tilliti og
hefur áhrif á hálsinn, hjartað
og má segja efri hluta brjóst-
holsins, þó ekki lungun. Þess-
um líffærum hættir því mest
við kvillum, og stafa þeir
hvað hjartað áhrærir títt út
frá ofneyzlu matar.
Um fjármálin er það að
segja að þau koma undir áhrif
Mánans og eru talsvert breyti-
leg eins og sýnilegt lag hans
er á himninum. Þú munt því
lifa góðæri öðrum meir og svo
einnig hið gagnstæða.
FALKINN
31