Fálkinn - 23.01.1963, Blaðsíða 8
Mikið hefur verið rætt um námskeið fyrir karlmenn, sem Tízkuskólinn
heldur um þessar mundir. FÁLKINN fékk að vera viðstaddur eina kennslu-
stund og á næstu fjórum síðum lýsum við henni í máli og myndum. Þátt-
takendur eru tíu og við segjum frá hvernig þeirn er kennt að ganga, fara
úr og í frakka og fleira.
í fyrravetur brugðum við okkur í heimsókn í
Tízkuskólann að Laugavegi 133 og ræddum við
skólastýruna, frú Sigríði Gunnarsdóttur, en skól-
inn hafði þá starfað í hálft ár og eingöngu kennt
kvenfólki. Þá spurðum við Sigríði hvort hún
hyggðist ekki kenna karlmönnum líka. Hún sagð-
ist hafa það 1 huga og nú er það orðið að raun-
veruleika. Námskeið stendur yfir um þessar
mundir þar sem karlmönnum er kennd sómasam-
leg framkoma og sitthvað fleira.
Þar sem þessi starfsemi hefur verið talsvert
til umræðu, datt okkur í hug að lesendum þætti
gaman að kynnast henni ögn nánar og þá ekki
sízt karlmönnunum. Við gerðum því ferð okkar
þangað og fengum að vera viðstaddir eina
kennslustund.
Þegar við komum voru frímínútur og nemend-
ur að spóka sig frammi á gangi og spjalla saman.
Okkur gafst því tóm til að ræða við skólastýruna
áður en tíminn hófst.
— Og hvað er það svo sem karlmönnum er
kennt hér?
— Það er nú fyrst og fremst framkoma. Við
kennum þeim að ganga rétt og koma fram án
þess að vera þvingandi eða óeðlilegir. Við bend-
um þeim á heilsusamlegt mataræði og kennum
þeim almenna borðsiði. Þá kennum við þeim
kurteisi og látlausa framkomu. Þeim er leiðbeint
um hreinlæti og rakari kemur og segir til um
hársnyrtingu. Þá eru tímar þar sem þeim er
leiðbeint í sambandi við klæðnað og leikari kem-
ur hér og segir til í framsögn. í síðasta tímanum
ganga þeir svo undir nokkurs konar próf og þeir
gagnrýna þá um leið hver annan, og koma þá
með fyrirspurnir sem þeim liggur á hjarta.
— Hvað stendur námskeiðið lengi yfir?
— Það stendur í þrjár vikur og er um fimmtán
tímar. Ég geri þó ráð fyrir að næsta námskeið
verði aðeins lengra því við höfum hug á að bæta
við lítils háttar leikfimi.
— Og hvað er námsgjaldið?
— Það er um fjórtán hundruð krónur.
— Hvernig er aðsóknin?
— Þetta er fyrsta námskeiðið og þátttakendur
eru um tíu. Við byrjum fljótlega með annað og
það eru komnar nokkrar pantanir í það. Ég held
að þetta muni verða vinsælt hjá karlmönnum
ekki síður en konum.
— Eru menn nokkuð feimnir?
— Nei, ekki mundi ég segja það, nema þá
helzt í fyrsta tímanum, en það lagast fljótlega.
— Heldurðu ekki, að menn setji nafnið á skól-
anum fyrir sig?
— Það má vel vera að svo sé. Ég man t. d.
eftir manni, sem hringdi og vildi gjarna vera
með, en hann vildi fá að koma inn bakdyra-
megin. Þegar við stofnuðum þennan skóla var
ekki gert ráð fyrir að hér yrði annað en kven-
fólk. Það var dálítið erfitt að velja nafnið og
við hringdum í norrænufræðing o$ spurðum
hann ráða með þetta. Af þeim nöfnum sem til
greina komu leizt honum bezt á þetta. Tilgang-
ur skólans væri sá að kenna fólki fágaða og lát-
lausa framkomu og slíkt væri alltaf 1 tízku.
Erlendis eru skólar sem þessi ekki síður vinsælir
hjá karlmönnunum og víða sitja þeir fyrir störf-
um sem slíka skóla hafa sótt. Einkum þeir sem
vinna við afgreiðslustörf.
— Þið eruð ekki með einkatima?
— Nei, og ég er mjög andvíg slíku. Menn hafa
ekki eins gott af að sækja einkatíma og námskeið.
Þegar þeir eru í einkatíma eru þeir eins og við
viljum hafa þá en gleyma svo öllu þegar út á
götuna er komið. Sæki þeir námskeið yfirvinna
þeir feimnina, því þeir þurfa að æfa sig hver
frammi fyrir öðrum og fá þannig örugga og
eðlilega framkomu.
— Eru karlmenn yfirleitt feimnir?
— Þeir eru það margir, en þetta er nú upp og
ofan eins og gengur. Ég þekki t. d. mann, sem
er ákaflega illa við að ferðast einsamall í strætis-
vagni. Hann gengur heldur heim, en að fara
einn. Ef við verðum varar við það, að þeir séu
feimnir, þá reynum við að hjálpa þeim að vinna
bug á þvi. En ég held að þessi feimni sé mjög
að hverfa hjá íslenzkum karlmönnum. Þeir
mættu stundum vera glaðari á svipinn. Ég held
að það sé mjög heppilegt fyrir foreldra að senda
börnin sín á dansskóla. Þar læra þau óþvingaða
framkomu.
— Kennið þið nokkrum hópum hér eins og
t. d. þjónum?
— Nei, við höfum ekki verið beðin um það.
Og nú fer tíminn senn að hefjast og við spyrj-
um hvað sé á dagskrá.
— Það er gönguæfing.
— Kennir þú ein í þessum tíma?
fágiií og Iéos fr
8 FÁLKINN