Fálkinn - 19.06.1963, Blaðsíða 10
4
Drengurinn
bak við
dyrnar
DRENGURINN með dapurlega andlitið gekk
inn í kjörbúðina og tók að róta í vösum sínum.
Hann sneri við báðum vösum á hvítum bómullar-
buxunum og fiskaði síðan í brjóstvasanum á hvítu
skyrtunni, sem var óhneppt, en hnýtt um mittið.
„Nú, hvar í fjandanum lét ég hann?“ sagði hann.
„Léztu hvern?“ spurði Angie vinur hans, ber-
fættur í vinnubuxum.
„Hérna er hann,“ sagði hann og dró pappírs-
miða upp úr einum vasanum. „Heyrðu,“ sagði hann
við Angie, „þú ferð og pantar flöskurnar. Ég ætla
að líta inn í matardeildina.“
„Matardeildina?“ sagði Angie.
„Já. Fáðu þrjár flöskur af bourbon. Hafðu þær
fjórar.“ Hann gekk í áttina til gangsins, sem var
merktur „Matardeild“, og Angie rölti yfir í áfengis-
deildina.
Tvær konur, léttklæddar og litfríðar, voru sem
dolfallnar yfir vöruvalinu í matardeildinni, skoð-
uðu krukkur í hillum, hristu þær, athuguðu mið-
ana og létu þær aftur á sinn stað. Drengurinn
tvísteig fyrir aftan þær andartak, gægðist yfir
axlir þeirra, og gaf frá sér lágt suð milli tannanna.
„Viltu komast að hérna?“ spurði önnur konan
og sneri sér að honum.
„Nei, takk.“ Hann skundaði niður ganginn
áleiðis til brauðgerðarinnar.
Þegar hann hitti Angie aftur í áfengisdeildinni,
hafði hann kökukassa og tvær stengur af sælgæti
meðferðis. „Héma“, sagði hann við afgreiðslumann-
inn. „Bættu þessu við.“
Hann leit á það, sem Angie hafði pantað. „And-
skotinn, maður. Hún vill ekki þetta ódýra rusl.
Kaupir þú svona lagað? Hún vill þetta góða, þarna.
Fjórar flöskur,“ sagði hann við afgreiðslumanninn,
sem tók flöskurnar og kom með hinar í staðinn.
„Er þetta allt?“
Drengurinn kinkaði kolli.
Afgreiðslumaðurinn lagði saman á vél, bætti
kökunum og sælgætisstöngunum við, og sýndi
dökkleita drengnum miðann. Drengurinn skoðaði
hann, blístraði, og dró síðan samabrotna ávísunina
upp úr vasa sínum, slétti úr henni, og tók upp
svarta kúlupennann, sem lá á borðinu. Nafn móður
hans, Alice C. Amis, var prentað á ávísunina, og
10 FÁLKINN
Smásaga
eftir
Stephen
Birmingham