Fálkinn - 04.09.1963, Blaðsíða 4

séð & heyrt
Upp með hendumar. Audrey Hepburn kann íagið á því að skjóta.
Okkur þætti gaman að sjá þann karlmann, sem ekki gæfist upp
fyrir henni á augabragði.
Hugsið ykkur ...
aö einu sinni var piparmey, sem var svo bjartsýn, að hún púðr-
aði nef sitt á hverju kvöldi áður en hún beygði sig til þess að sjá,
hvort karlmaður lægi undir rúminu hennar.
að einu sinni var brúðgumi, sem lyfti brúði sinni og bar hana
yfir þröskuldinn á hinu nýja heimili þeirra og varla var hann
kominn inn fyrir fyrr en hún setti upp strangan svip og sagði:
— Þú gleymdir að þurrka af fótunum á þér á mottunni.
að einu sinni var stúlka, sem alltaf gekk í tálausum skóm,
því að annars gat hún ekki talið upp að tíu án þess að telja á
fingrunum.
Björn Gunnlaugsson var einstakur maður
að gáfum og atgerfi, en mjög viðutan. Hann
var kennari í Bessastaðaskóla, eins og kunn-
ugt er, og ókvæntur framan af ævi.
Samkennarar hans og vinir ýttu mjög undir
hann að fá sér konu, og þótti þeim helzt ráð
að bera niður hjá Ragnheiði í Sviðholti, ekkju
Jóns lektors, enda var hún vel að sér og
var vinfengi mikið á milli hennar og Björns.
Kom Björn oft í heimsókn til hennar og hafði
mikla ánægju af að tala við hana.
Nú kom að því, að vinir Björns höfðu talið
hann á að bera upp bónorðið við Ragnheiði
og fór hann að Sviðholti í þeim erindagjörð-
um.
Hann sat drykklanga stund og rabbaði um
alla heima og geima, en ekkert varð af bón-
orðinu.
Þegar hann hafði kvatt og var kominn
heim á leið, rankaði hann við sér, að hann
hafði gleymt aðalatriðinu.
Hann snýr þá að Svið’holti aftur, hittir
Ragnheiði og segir:
— Heyrið þér, frú Ragnheiður. Viljið þér
eiga mig?
—■ Já, segir hún.
— Jæja, þakka yður kærlega fyrir. Verið
þér svo sælar, sagði Björn, setti á sig hattinn
og fór.
★
Holberg vildi neyða nábúa sinn til þess að
drepa hana sinn, því að hani þessi hafði oftar
en einu sinni raskað næturró skáldsins. Ná-
búinn svaraði:
— Ef Holberg barón getur þjónað. hænunni
á sama hátt og haninn, þá er það ekki nema
sjálfsagt.
★
James Mason hefur grætt milljónir dala
á kvikmyndum sínum. Við höfum séð hann
í alls konar hlutverkum, en nú munum við
vart ,sjá hann framar í nýrri kvikmynd. Við
munum ekki hjá hann í því hlutverki, sem
hann 'hefur nú tekið sér. Hann hefur gengið
í klaustur og ætlar að gerast munkur. Lolita
var síðasta kvikmynd hans. Klaustrið, sem
hann hefur gengið í, er svartmunkaklaustur,
rétt fyrir utan Segovia á Spáni.
Um áraraðir hefur það verið á hvers manns
vörum, að James Mason vildi draga sig í
hlé. Nú hefur það gerzt. Sagt er, að það hafi
verið Alec Guiness, sem hafi talið James
Mason á að ganga í klaustur, en þeir eru
miklir vinir.
★
Ljóshærð og lagleg stúlka kallaði á yfir-
þjóninn og spurði:
— Það er Clark Gable, sem situr við bar-
inn, er það ekki?
Yfirþjónninn kvað svo vera.
— Hann fer í taugarnar á mér, sagði sú
ljóshærða.
— Fer í taugarnar á yður. En hann hefur
alls ekki litið á yður.
— Nei, það er nú einmitt það, sem fer í
taugarnar á mér.
4 FÁLKINN