Fréttablaðið - 05.10.2009, Blaðsíða 20

5. OKTÓBER 2009 MÁNUDAGUR4 ● fréttablaðið ● híbýli og viðhald
Tveggja hæða íbúð í Teigun-
um varð fyrir valinu þegar sex
manna fjölskylda leitaði sér að
framtíðarhúsnæði. Íbúðin var
tekin í gegn á undraskömmum
tíma enda fjölskyldan bæði
handlagin og harðdugleg.
Það er ekki endilega einfalt mál
að finna draumahúsið fyrir sex
manna fjölskyldu. Þegar hjónin
Ólafía Ása Jóhannesdóttir og Sig-
urður Garðar Kristinsson fóru á
stúfana var lagt af stað í leitina
með langan óskalista. Þeim fannst
mikilvægt að vera miðsvæðis í
Reykjavík, vera nálægt leikskóla
og skóla, tónlistarskóla og íþrótta-
starfi. Helst áttu börnin að fá sér-
herbergi.
Leitin að draumaíbúðinni tók
nokkurn tíma en svo duttu þau
niður á tveggja hæða íbúð við
Hraunteig, heila 220 fermetra.
„Það þurfti að gera mjög mikið
þannig að fólk reyndi að koma vit-
inu fyrir okkur, en okkur leist bara
svo vel á þess íbúð, hún hafði allt,“
segir húsfreyjan sem tekur á móti
gestum í innlitið.
Húsið var byggt á fimmta ára-
tugnum og er í hefðbundnum stíl
Teiganna. Þegar inn er komið blas-
ir við forláta línóleum dúkur sem
leyndist undir teppi. Gengið er upp
á aðra hæð en á henni eru stofa,
gestaklósett, vinnuherbergi, hjóna-
herbergi og eldhús. Uppi eru svo
barnaherbergin fjögur, þvottahús
og klósett. Panell á veggjum setur
svip sinn á íbúðina en hann völdu
húsráðendur að mála í há glans-
hvítu til að létta ásýnd íbúðarinn-
ar. Það var þó ekki einföld ákvörð-
un. „Við veltum þessu vandlega
fyrir okkur skal ég segja þér, og
fengum vini og vandamenn til að
segja sína skoðun og fólk skipt-
ist í fylkingar,“ segir Ása sem er
mjög sátt við hvítu leiðina. „Þetta
er svona skandinavískt, við fílum
það.“
Auk þess að mála alla íbúðina
var skipt um gólfefni sem létti
einnig ásýnd hennar. En eitt mesta
púlið var að opna eldhúsið því í ljós
kom að gólfið þar var hærra en
annars staðar í íbúðinni sem þýddi
mikinn steypuburð fyrir heimilis-
föðurinn og vini hans. „Við borguð-
um ekki fyrir neina vinnu, heldur
gerðum allt sjálf,“ segir Ása sem
er nokkuð ánægð með eiginmann-
inn sem er lærður málari og lag-
hentur mjög og var í fullri vinnu
við endurbæturnar með góðri
hjálp ættingja og vina.
Framkvæmdirnar tóku ótrú-
lega skamman tíma, íbúðin var
keypt í apríllok 2007 og fjölskyld-
an flutti inn í júní. Svo heppilega
vildi til að bæði voru í fæðingar-
orlofi vegna yngsta barnsins, og
því rýmri tími til framkvæmda
en ella. Þrátt fyrir að kaupin hafi
átt sér stað árið 2007 er lítill 2007
bragur á íbúðinni. Húsgögnin eru
til aðmynda að stórum hluta keypt
í Góða hirðinum. „Innréttingarn-
ar í eldhúsinu eru úr Ikea og við
misstum okkur ekki í blöndunar-
tækjahönnuninni. Baðherberg-
in fengu svo ódýra en áhrifaríka
andlitslyftingu, þar var einfald-
lega málað yfir flísar.“
Fjölskyldan er mjög ánægð með
útkomuna. „Íbúðin heldur svo vel
utan um okkur,“ segir Ása. „Og hér
í hverfinu er allt við hendina alveg
eins og við vildum.“ - sbt
DRAUMAÍBÚÐ
fyrir sex manna fjölskyldu
gamli tíminn
Herbergjagangur á efri hæð.
Gestasalerni með upprunalegum
flísum.
Borðstofuborðið er úr Góða hirðinum og
lampinn sömuleiðis.
Innbyggðar hillur sjást hér í bakgrunni
en þær eru upprunalegar.
Bókahillurnar í stofunni voru fluttar með úr gömlu íbúðinni en þær létu húsráðendur sérsmíða á sínum tíma. Þau fengu hug-
myndina að þeim í húsbúnaðarblaði en hönnuðu þær sjálf. FRÉTTABLAÐIÐ/ANTON
Viðarpanellinn setti mikinn svip á holið.
Opnað var á milli eldhúss og borðstofu og forláta eyju komið fyrir.
Gamla eldhúsið var í sérherbergi.
Borðstofan við hlið eldhússins. Nú
hefur verið opnað á milli.