Fréttablaðið - 30.10.2009, Blaðsíða 74

30. október 2009 FÖSTUDAGUR
KÖRFUBOLTI Fjölnir tók á móti
Njarðvík í Grafarvogi í kvöld.
Fyrir leik hefði mátt búast við
einstefnu gestanna en annað kom
á daginn. Mikið jafnræði var með
liðunum í fyrri hálfleik og heima-
menn lengi yfir.
Njarðvíkingar voru lengi í gang
og virkuðu áhugalausir í hálfleikn-
um. Heimamenn sýndu baráttu í
vörninni og grimmd í fráköstunum
sem skiluðu þeim stigum. Gestirn-
ir komust á bragðið undir lok hálf-
leiksins og leiddu í hléinu, 30-34.
Í þriðja leikhluta var jafnræði
með liðunum en þó voru gestirnir
skrefinu á undan og sýndu loks sitt
rétta andlit. Munurinn fyrir síð-
asta leikhlutann var fjögur stig.
Í lokahlutanum spilaði Njarðvík
hins vegar mjög yfirvegaðan og
góðan leik og keyrði hægt og síg-
andi yfir Fjölnismenn sem gáfust
þó aldrei upp, lokatölur 64-73 fyrir
Njarðvík.
Stjarnan vann öruggan sigur á
FSu í gær og er á toppi deildarinn-
ar ásamt Njarðvíkingum. Bæði lið
eru með fullt hús stiga eftir fyrstu
fjórar umferðirnar. KR er einnig
taplaust til þessa en liðið mætir
Grindavík í kvöld. - rv
Njarðvíkingar unnu sinn fjórða sigur í röð í Iceland Express-deild karla:
Fjölnismenn stóðu í Njarðvíkingum
ÖFLUGUR
Friðrik Stefánsson skoraði tólf stig og
tók níu fráköst í gær.
FRÉTTABLAÐIÐ/DANÍEL
HANDBOLTI Íslenska landsliðið í
handknattleik lenti aldrei í veru-
legum vandræðum með Pressulið-
ið er liðin mættust í æfingaleik í
gær. Lokatölur 38-25 eftir að lands-
liðið hafði reyndar aðeins leitt með
fimm mörkum í leikhléi, 19-14.
„Þetta gekk ágætlega. Varnar-
leikurinn var reyndar ekki nógu
góður í fyrri hálfleik. Þetta kom
í seinni hálfeik en strákarnir í
Pressuliðinu stóðu sig vel,“ sagði
Guðmundur Guðmundsson lands-
liðsþjálfari eftir leikinn.
Eftir að Pressuliðið hafði stað-
ið í landsliðinu í fyrri hálfleik tók
landsliðið til sinna ráða í upphafi
síðari hálfleiks. Hreiðar skellti í
lás í markinu og landsliðið skor-
aði sex mörk úr hraðaupphlaupum
í röð og kláraði leikinn.
„Það sem er mikilvægast er að
koma saman og rifja upp. Strák-
arnir voru sumir búnir að gleyma
hvað leikkerfin hétu. Við lentum í
erfiðri stöðu eftir Ólympíuleikana
og urðum að nýta tímann vel núna
til að fara í gegnum hlutina,“ sagði
Guðmundur en hann segir undir-
búninginn fyrir EM í janúar núna
hafinn.
„Við þurfum að vinna svolítið á
móti sögunni núna enda hefur lið-
inu ekki gengið vel að spila vel á
tveimur mótum í röð. Við vitum
vel að væntingarnar verða mikl-
ar í okkar garð. Það verða allir
að halda sér á jörðinni, leikmenn,
þjálfarar, blaðamenn og þjóðin.
Við erum í geysilega sterkum riðli
og það þurfa allir að halda fókus
og gera sér grein fyrir því að það
gerist ekkert af sjálfu sér,“ sagði
Guðmundur ákveðinn.
„Núna fara leikmenn í burtu og
skilaboðin mín til þeirra er að þeir
hugsi mjög vel um sig og skili sér
til baka í toppformi í janúar. Ég get
ekki komið þeim í form þá. Þetta
er mitt ákall til þeirra og ég vil
ekki að neinn skorist undan þess-
ari ábyrgð. Þetta er nefnilega lyk-
illinn að því að við getum mætt
með topplið á mótið í janúar,“ sagði
Guðmundur sem veit vel að vænt-
ingarnar til liðsins verða miklar
eftir ævintýrið í Peking.
„Fólk verður að gera sér grein
fyrir því að þetta er bara annað
mót þar sem við byrjum á núlli,“
sagði þjálfarinn sem fagnar endur-
komu manna eins og Ólafs, Snorra
og Arnórs í liðið.
„Það er bara stórkostlegt að fá
þessa stráka til baka. Breiddin er
sífellt að verða meiri og það verður
vonandi ekki auðvelt að velja liðið
þegar þar að kemur,“ sagði Guð-
mundur og glotti við tönn.
henry@frettabladid.is
Höldum okkur á jörðinni
Guðmundur Guðmundsson skorar á landsliðsmenn að hugsa vel um sig fram að
EM og mæta í toppformi til móts við landsliðið í janúar. Hann segir nauðsyn-
legt fyrir alla að halda sér á jörðinni og ekki spenna væntingabogann of hátt.
ENDURKOMA ÓLAFS Ólafur Stefánsson lék í gær sinn fyrsta landsleik síðan á
Ólympíu leikunum í Peking og skoraði tvö mörk. FRÉTTABLAÐIÐ/DANÍEL
HANDBOLTI Rakel Dögg Braga-
dóttir, landsliðskona í handbolta,
hefur ákveðið að söðla um og
ganga í raðir norska úrvalsdeild-
arfélagsins Levanger sem Ágúst
Þór Jóhannsson þjálfar. Rakel
hefur undanfarið eitt og hálft ár
leikið með Vejen í Danmörku en
afar fá tækifæri fengið með liðinu
í haust. Því ákvað hún að finna sér
nýtt félag.
„Ég hef verið í samningavið-
ræðum við Levanger og í raun er
ekkert annað eftir en að skrifa
undir. Ég fer þangað um helgina
og er mjög spennt fyrir þessu,“
sagði Rakel Dögg við Fréttablað-
ið í gær.
„Ég þekki Gústa vel en hann
þjálfaði mig lengi í unglingalands-
liðunum og ég kann mjög vel við
hann sem þjálfara. Ég veit alveg
hvað ég er að fara út í – hvernig
handbolti verður spilaður og hvert
mitt hlutverk verður. Mér líst því
afar vel á framhaldið.“
Rakel Dögg rifbeinsbrotnaði í
landsleik Íslands og Frakklands
fyrr í mánuðinum og hefur ekkert
getað æft síðan þá. Hún missti til
að mynda af landsleiknum gegn
Austurríki nokkrum dögum eftir
leikinn gegn Frökkum.
„Ég er fyrst í þessari viku
byrjuð að hreyfa mig á ný og
ég verð ekki orðin klár fyrir
næsta leik Levanger sem verður
í næstu viku. En það gefur mér
á móti tækifæri til að koma mér
almennilega inn í málin hjá nýju
félagi.“
Levanger er sem stendur í
níunda sæti norsku úrvalsdeild-
arinnar með fjögur stig eftir sex
leiki. Rakel segir að tvö félög –
Larvik og Byåsen – beri höfuð og
herðar yfir önnur lið í deildinni en
hin liðin séu nokkuð jöfn.
„Þetta er án efa rétta skrefið
fyrir mig og minn feril. Ég hef
einnig mikinn metnað fyrir lands-
liðinu og ef ég ætla að gera það
gott þar þarf ég að vera í liði þar
sem ég fæ nóg að spila.“ - esá
Rakel Dögg Bragadóttir að ganga til liðs við Levanger í Noregi sem Ágúst Þór Jóhannsson þjálfar:
Án efa rétta skrefið fyrir minn feril
RAKEL DÖGG Hér í leik með íslenska landsliðinu gegn Sviss fyrr á þessu ári.
FRÉTTABLAÐIÐ/STEFÁN
Pressuleikur landsliðsins
Landsliðið - Pressuliðið 38-25
Mörk landsliðsins: Þórir Ólafsson 8 (9), Arnór
Atlason 4 (8), Guðjón Valur Sigurðsson 4 (6),
Vignir Svavarsson 3 (4), Alexander Petersson 3
(4), Ólafur Guðmundsson 3 (3), Bjarni Fritzson
2/1 (3/1), Snorri Steinn Guðjónsson 2/1 (4/2),
Ólafur Stefánsson 2 (3), Sturla Ásgeirsson 2 (3),
Aron Pálmarsson 2 (5), Heiðmar Felixson 1 (1),
Róbert Gunnarsson 1 (1), Ingimundur Ingimund-
arson 1 (1), Sigurbergur Sveinsson (1).
Varin skot: Hreiðar Levý Guðmundsson 10
(21/2) 45%, Björgvin Gústavsson 6 (20/2) 30%.
Hraðaupphlaup: 18 (Vignir 3, Þórir 3, Guðjón 2,
Alexander 2, Sturla 2, Arnór 2, Ólafur, Ingimund-
ur, Snorri, Aron).
Fiskuð víti: 2 (Ólafur, Snorri).
Utan vallar: 4 mín.
Mörk pressuliðsins: Arnór Þór Gunnarsson 6/4
(8/4), Haraldur Þorvarðarson 5 (7), Björgvin Þór
Hólmgeirsson 3 (7), Oddur Grétarsson 3 (5),
Ragnar Þór Jóhannsson 3 (7), Valdimar Þórsson 2
(7), Freyr Brynjarsson 1 (1), Fannar Friðgeirsson 1
(4), Ólafur Gústafsson 1 (6).
Varin skot: Birkir Ívar Guðmundsson 4 (23/1)
17%, Pálmar Pétursson 3 (22/1) 13%.
Hraðaupphlaup: 7 (Oddur 2, Freyr, Ragnar,
Haraldur, Arnór, Ólafur).
Fiskuð víti: 4 (Orri, Haraldur, Fannar, Ragnar
Hjalt.)
Utan vallar: 0 mínútur.
Iceland Express deild karla
Fjölnir - Njarðvík 64-73
Stig Fjölnis: Christopher Smith 23, Ægir Þór
Steinarsson 13, Ingvaldur Magni Hafsteinsson 12,
Arnþór Freyr Guðmundsson 9, Níels Dungal 5,
Sverrir Karlsson 2.
Stig Njarðvíkur: Magnús Þór Gunnarsson 20,
Guðmundur Jónsson 17, Friðrik Stefánsson 12,
Páll Kristinsson 8, Jóhann Árni Ólafsson 8, Rúnar
Ingi Erlingsson 4, Hjörtur Hrafn Einarsson 4.
Stjarnan - FSu 95-70
Stig Stjörnunnar: Justin Shouse 26, Jovan
Zdravevski 19, Birkir Guðlaugsson 18, Kjartan
Atli Kjartansson 11, Magnús Helgason 10, Ólafur
Aron Ingvason 6, Hilmar Geirsson 3, Eyjólfur
Jónsson 2.
Stig FSu: Christopher Caird 21, Alexander Stewart
13, Hilmar Guðjónsson 10, Corey Lewis 8, Ari
Gylfason 8, Jake Wyatt 6, Orri Jónsson 4.
Breiðablik - ÍR 84-107
Stig Breiðabliks: Daníel Guðmundsson 18,
Þorsteinn Gunnlaugsson 14, John Davis 13, Hjalti
Friðriksson 13, Ágúst Angantýnsson 8, Rúnar
Pálmarsson 7, Arnar Pétursson 6, Gylfi Geirsson 5
Stig ÍR: Nemanja Sovic 28, Steinar Arason 23,
Hreggviður Magnússon 19, Gunnlaugur Elsuson
12, Vilhjálmur Steinarsson 7, Elvar Guðmundsson
6, Kristinn Jónasson 6, Ólafur Þórisson 5, Davíð
Þór Fritzson 1.
ÚRSLIT
20%
Afsláttur
til 7. nóv
körfuboltaskór
Adidas Speed Cut
Verð Kr. 19.990.-
Nú kr. 15.990.-
Adidas Pro Model
Verð Kr. 18.990.-
Nú kr. 15.190.-
Adidas Commander LT
Verð Kr. 24.990.-
Nú kr. 19.990.-
Adidas Attack Feather
Verð Kr. 16.990.-
Nú kr. 13.590.-
Adidas 3 series barna
Verð Kr. 10.990.-
Nú kr. 8.790.-
Ármúli 36, s. 588 1560
www.joiutherji.is