Fréttablaðið - 02.11.2009, Page 20

2. NÓVEMBER 2009 MÁNUDAGUR2 ● fréttablaðið ● híbýli og viðhald
● LISTAVERK ÚR GÓÐGÆTI Þessir
skemmtilegu vasar vöktu athygli á hönnunarviku
í Hollandi á dögunum. Tvíeykið Andrea
Trimarchi og Simone Farresin, eða Formaf-
antasma eins og þeir kalla sig, standa á
bakvið vasana sem nefnast einu nafni The
Baked project. Þar fóru þeir Trimarchi og
Farresin þá óhefðbundnu leið að nota
hráefni eins og hveiti, salt, sykur og kaffi
út í leirinn, mótuðu svo vasana og
skreyttu útkomuna svo með
kringlum, brauði og fleira
góðgæti.
● SÉRSTÖK SJÁLFSMYND Hollenski hönnuð-
urinn Ka-Lai Chan hefur verið að velta lífinu og til-
verunni fyrir sér að undanförnu eins og sést meðal
annars af nýjasta útspilinu, stólnum Sjálfsmynd eða
Selfportrait. Chan er að eigin sögn lokaður persónu-
leiki sem hefur oft bælt niður tilfinningar
sínar, með þeim afleiðingum að henni finnst
hún vera að því komin að springa. Hnúður-
inn á stólnum endurspeglar þá upplifun og
gerir stólinn hvort tveggja í senn heill-
andi og óhugnanlegan.
● MÍNIMALÍSKT Á VEGGINN Breski hönn-
uðurinn Simon Lumb á heiðurinn af þessari
skondnu klukku, sem kallast Target Clock.
Lumb var tvö ár að hanna klukkuna þar
sem hann reyndi eftir fremsta megni
að einfalda í útliti dæmigerða vegg-
klukku. Svarta línan, sem sést á klukkunni
á myndinni, kemur í stað vísis og fer heil-
an hring á mínútu, eða þar til skífan er öll
svört. Þá tekur hvítur við og svo aftur svartur
og þannig skiptir klukkan „litum“ á mínútufresti.
Áhugi er fyrir því að koma vöru Guðrúnar Sigríðar
Guðrúnardóttur hugvitskonu í um 1.500 byggingar-
vöruverslanir í Frakklandi einu. Hún getur þó ekki
sent vörur sínar þangað þar sem hún fær ekki vör-
una leysta úr tolli. Gámar eru fastir í Frakklandi og
Íslandi og má áætla að yfir tíu milljónir eða 50 þús-
und evrur þurfi til að greiða flutningskostnað á þeim
en á því strandar málið.
Fyrirtæki Guðrúnar heitir Gips-plug ehf. og hefur
það einkaleyfi fyrir gifstöppum sem notaðir eru til
að gera við veggi á einfaldan hátt. Varan er til sölu í
flestum byggingarvöruverslunum hér á landi. Fram-
leiðslan fer fram í Kína en Guðrún segir að ekki hafi
verið áhugi fyrir því að hefja framleiðslu hér á landi
þótt það hefði hún gjarnan viljað. Í september flutti
hún svo til Frakklands og segir ástæðuna vera þá að
of erfitt sé að vera í fyrirtækjarekstri hérlendis.
Guðrún hefur hlotið ýmsar viðurkenningar fyrir
vöru sína, meðal annars fékk hún silfurverðlaun
frá Samtökum evrópskra hugvitskvenna (European
women inventors and innovators network, EUWIIN).
Markaðurinn fyrir vöruna þykir ógnarstór enda hús-
eigendur æði margir í veröldinni. Hún segist þó eiga
í miklum erfiðleikum með að útvega fyrirgreiðslu
frá fjárfestum og opinberum aðilum þar sem rekst-
ur hennar þyki of áhættusamur. „Samt er ég að fram-
leiða áþreifanleg verðmæti sem markaður er fyrir út
um allan heim og hentar öllum hópum.“
Hún bætir við að sama hafi verið upp á teningn-
um fyrir bankahrun. Hennar fyrirtæki hafi þó lifað
hrunið ólíkt mörgum þeim sem ekki þótti áhættu-
samt að fjárfesta í.
Guðrún segir að uppgjöf sé ekki til umræðu. Of
mikil vinna hafi verið lögð í kynningu, einkaleyfi og
til að fá réttu aðilana til samstarfs við sig. „Ég er allt
of þrjósk til þess að gefast upp enda veit ég að vara
mín er góð.“ - kdk
Kemur ekki vörunni áfram
Guðrún Guðrúnardóttir hugvitskona segir sárt að geta ekki
skapað verðmæti úr vöru sinni vegna skorts á fyrirgreiðslu og
stuðningi.
Lengi voru sett upp dökk
gluggatjöld fyrir veturinn og
ljós á vorin. Svo virðist sem
sú tilhneiging hafi breyst og
jafnvel snúist við auk þess sem
margir velja ljós gluggatjöld
allan ársins hring.
Gluggar spila stórt hlutverk á
heimilinu. Með því að þrífa rúð-
urnar og skipta um gluggatjöld
stöku sinnum fá gluggarnir nýtt
líf, og ekki bara þeir, heldur líka
veröldin beggja vegna við þá.
Heppilegt er að vera í takt við
árstíðirnar og skipta um glugga-
tjöld haust og vor. Lengi var til-
hneigingin sú að setja upp þykk-
ar, dökkar og hlýlegar gardínur á
haustin sem virkuðu eins og hýði
bjarnarins og lífga svo upp á heim-
ilið á vorin með léttum og ljósum
tjöldum og leyfa birtunni flæða
inn.
Þetta er auðvitað ósköp fallegt
en ekki að sama skapi skynsam-
legt. Á haustin þurfum við nefni-
lega á þeirri litlu dagsbirtu að
halda sem í boði er og ættum því
heldur að setja upp ljósar gardín-
ur, þótt ekki sé mælt með gegnsæj-
um þar sem ljósanotkun innanhúss
eykst á dimmum vetrarkvöldum. Á
vorin er hins vegar meiri ástæða
til að draga fram dekkri tjöld til
að vera ekki með sólina í augum
alla nóttina yfir sumarið. Ásdís
Sigurðardóttir hjá Z-brautum og
gluggatjöldum segir viðskiptavini
í auknum mæli velja ljósar gard-
ínur jafnt á haustin sem á vorin.
„Á vorin er hins vegar mikið keypt
af myrkvunartjöldum en þau geta
líka verið ljós. Mér finnst obbinn
af fólki velja ljósar gardínur allan
ársins hring þótt auðvitað sé það
einstaklingsbundið.“
Hvað sem öðru líður þá skipt-
ir líka máli hvernig gluggarn-
ir sjálfir eru, hvort húsið er nýtt
eða gamalt, hvaða stíll fer þar
best og hvernig innbúið er á heim-
ilinu. Líka í hvaða átt svefnher-
bergisgluggarnir snúa en það eru
ekki síst þeir sem þarf að draga
vel fyrir. Einnig þarf að taka til-
lit til útsýnisins úr stofugluggum.
Þeir sem búa við vítt útsýni vilja
ógjarnan hylja það með þykkum
tjöldum. -gun, ve
Í takt við árstíðirnar
Margir hafa það fyrir venju að setja upp dökk gluggatjöld á veturna en í raun er skynsamlegra að hafa þau ljós til að hleypa inn
sem mestri dagsbirtu og draga hin dekkri fram á vorin. NORDICPHOTOS/GETTY
Gardínusamsetning sem þessi hentar
vel yfir vetrartímann. Hún hleypir inn
birtu en kemur líka í veg fyrir að mikið
sjáist inn.
– VERKIN TALA
Gylfaflöt 32 • 112 Reykjavík • Sími 580 8200
www.velfang.is • velfang@velfang.is
Fr
um
Nýtt og traust umboð
fyrir á Íslandi
varahlutir
þjónusta
verkstæði
vélar
Hringdu í síma
ef blaðið berst ekki