Fréttablaðið - 02.11.2009, Side 29

MÁNUDAGUR 2. NÓVEMBER 2009 3híbýli og viðhald ● fréttablaðið ●
Eitt af virðulegri húsum í Reykja-
vík tók gagngerum breytingum á
dögunum, þegar eigendur veitinga-
húsakeðjunnar Potturinn og pann-
an opnuðu matsölustað við Póst-
hús stræti 17. Sem kunnugt er var
veitingahúsið Skólabrú rekið þar
um árabil, en nýi staðurinn á fátt
sameiginlegt með honum og tekur
mið af hugmyndafræði feng shui.
„Mjög mikilvægt er að umhverfið
virki rétt á viðskiptavinina. Það má
ekki vera truflandi heldur umfram
allt vinalegt svo fólki líði sem best,“
segir Þórir Ríkharðsson, annar eig-
enda staðarins, beðinn um að lýsa
því hvers vegna farin var sú leið að
endurbæta og innrétta veitingastað-
inn í anda austurlenskra fræða.
Þórir og eiginkona hans og sam-
eigandi, Anna Salka Knútsdótt-
ir, fengu Jónu Björg Sætran, feng
shui-fræðing, til að aðstoða sig við
breytingarnar. „Hún benti á alls
konar sniðugar lausnir sem eru
fullkomlega rökréttar en manni
hefði kannski ekki endilega sjálf-
um dottið í hug að framkvæma,“
segir Þórir, sem er ánægður með
útkomuna.
Spurður segir hann þó matseð-
ilinn ekki vera undir áhrifum feng
shui. „Hins vegar er hann um sumt
ólíkur matseðli hinna veitingastað-
anna sem við rekum,“ segir hann,
án þess þó að vilja útlista það nánar.
„Markmiðið er að reka fjölskyldu-
stað í miðbænum, þar sem fjölskyld-
an getur komið og borðað góðan mat
á viðráðanlegu verði. Við vonumst
bara til að þessu framtaki verði vel
tekið.“ - rve
Skólabrú innréttuð í
anda feng shui-fræða
Eftir framkvæmdir. Hugmyndafræði
feng shui var höfð að leiðarljósi þegar
staðurinn var innréttaður.
FRÉTTABLAÐIÐ/PJETUR
Feng shui-fræðingurinn Jóna Björg
Sætran, til vinstri, ásamt Önnu Sölku
Knútsdóttur og dóttur hennar, Snæfríði
Þórisdóttur. FRÉTTABLAÐIÐ/STEFÁN
Nú fer að líða að helsta stórhrein-
gerningartíma ársins en margir
hafa það fyrir sið að taka ærlega til
hendinni á heimilinu svo allt verði
skínandi hreint fyrir jól. Húsmæð-
ur og -feður um allan bæ demba
sér á kaf inn í skápa og skúmaskot,
henda, þurrka af og bóna.
Oftar en ekki er farið með tusk-
una upp um alla veggi og þá kemur
í ljós að ekki er þörf á því að mála
fyrr en að ári enda veggirnir eins
og nýir. Hins vegar vilja loftin all-
oft gleymast enda veigrar fólk sér
við því að vinna mikið upp fyrir
sig. Sé hins vegar horft fram hjá
loftunum ár eftir ár er hætt við því
að sitja uppi með ofvaxið vanda-
mál. Þetta á sérstaklega við í eld-
húsinu þar sem matargufur og fita
leika um loftið dag eftir dag. Út-
koman er oftar en ekki gul slikja
sem er erfitt að ráða við. Hið sama
á við ef tóbaksreykur fær að leika
frjáls um loftið. Verkefnið er þó
ekki óyfirstíganlegt og fara hér á
eftir nokkur ráð:
Ávallt skal byrja á því að þrífa
loftið enda leita óhreinindin niður
þegar hafist er handa. Næst skal
þrífa veggi, síðan þurrka af og síð-
ast skúra. Gott er að breiða plast
yfir viðkvæm húsgögn. Þá getur
verið ráð að setja upp einhvers
konar gleraugu til að vernda augun
fyrir því sem fellur niður.
Best er að byrja á því að taka sér
sóp með löngu skafti í hönd. Mik-
ilvægt er að fjarlægja allt ryk af
honum til að fara nú ekki að dreifa
því um loftið. Sé hátt til lofts skal
notast við lítinn frístandandi stiga
og er ekki verra að fá hjálparhellu
til að styðja við. Gott er að byrja í
horni og velja sér ákveðna leið til
að vinna sig eftir til að koma í veg
fyrir að einhverjir fletir gleym-
ist.
Sópað er yfir loft og ljós með
léttum strokum en þannig losn-
ar ryk og köngulóavefir. Síðan
er skipt yfir í skúringarmoppu
og skúringarklúturinn vættur í
sápuvatni. Skúrað er yfir loftið og
klúturinn skolaður með reglulegu
millibili. Í lokin er gott að renna
yfir með þurrum skúringarklút til
að koma í veg fyrir rákir. - ve
Erfitt en ekki óyfirstíganlegt
Huga þarf vel að líkamsstöðunni á
meðan á verkinu stendur. Ekki er gott
að reigja höfuðið jafn langt aftur og hér
er sýnt og betra að færa stigann úr stað.
NORDICPHOTOS/GETTY
Yfirburðir Fréttablaðsins staðfestir!
Fréttablaðið er með 106% meiri lestur en Morgunblaðið.
Meðallestur á tölublaði á höfuðborgarsvæðnu, 18 – 49 ára.
Könnun Capacent í maí 2009 – júlí 2009.
Fréttablaðið er sem fyrr mest lesna
dagblað landsins með glæsilegt forskot
á samkeppnisaðila sinn eins og síðasta
könnun Capacent Gallup ótvírætt sýnir.
Við erum auðvitað rífandi stolt af þessum
góða árangri og bendum auglýsendum
á að notfæra sér forskot okkar þegar
þeir velja auglýsingamiðil.
MORGUNBLAÐIÐ
35%
FRÉTTABLAÐIÐ
72%
Bæði er unnið með rýmis-feng shui
og tíma-feng shui. Ýmsir hlutir eru
valdir til að auka góð áhrif sem eru
til staðar í húsinu svo fólki líði þar
sem best, sumir þessara hluta eru
eða verða sjáanlegir og áberandi svo
sem lítill innigosbrunnur, veggskreyt-
ingar og lýsingar innanhúss og utan-
húss, annað verður ekki eins sýnilegt
gestum.
Þá er búið að gera svokallað Dow-
sing en þar eru notaðir kopartein-
ar til að finna og draga úr áhrifum
ákveðinna óþægilegra áhrifa sem fólk
getur fundið fyrir og stafa mögulega
af vatnsrennsli á allt að 100–150 m
dýpi undir húsinu eða til dæmis af
jarðskorpuhreyfingum.