Tímarit iðnaðarmanna - 01.12.1966, Blaðsíða 12

Þingsetningarræða
Vigfúsar Sígurðssonar
Hæstvirtur iðnaðarmálaráðherra.
Háttvirtu iðnþingsfulltrúar.
Virðulegu gestir.
Ég býð yður öll velkomin til setningar 28. Iðnþings
Islendinga, sem haldið verður hér í Reykjavík dagana
8.-10. þ. m.
Ég býð sérstaklega velkomna þá fulltrúa, sem mæta
nú í fyrsta sinn á Iðnþingi til fundar í heildarsamtök-
um iðnaðarmanna til samstarfs og í leit að lausn á þeim
vandamálum, sem að steðja hverju sinni og að gleðjast
yfir að hafa sameiginlega leyst vandamálin og sigrast
á erfiðleikunum.
Frá því við vorum síðast saman á Iðnþingi hefur
enn verið höggvið skarð í raðir þeirra manna, sem
setið hafa Iðnþing.
Einar B. Kristjánsson, byggingameistari lézt 2. ágúst
s. 1. 74 ára að aldri. Einar var fæddur að Görðum í
Kolbeinsstaðahreppi í Hnappadalssýslu 22. febr. 1892.
Hann stundaði nám í Flensborgarskóla 1913, lauk prófi
í húsasmíði 2. maf 1928 og fékk meistararéttindi sama
ár.
Hann var einn af stofnendum byggingafélagsins
Stoð hf. og var formaður þess og framkvæmdastjóri
frá byrjun. Hann var yfirsmiður við fjölda stórbygg-
inga bæði hér í höfuðborginni og úti á landsbyggðinni.
Hann var í stjórn Trésmiðafélags Reykjavíkur um
nokkur ár og fulltrúi á Iðnþingum auk margra annarra
trúnaðarstarfa.
Einar var eftirminnilegur persónuleiki, mikill at-
hafnamaður í byggingaiðnaði, vel virkur og góður
iðnaðarmaður, glaðvær og góður félagi og hafði lag á
að sjá björtu hliðarnar á hverju máli og gera erfið
vandamál bærileg.
Ég vil biðja viðstadda um að votta hinum látna
sómamanni virðingu sína með því að rísa úr sæti.
Ég vil ekki láta hjá líða hér við þingsetningu að fara
örlítið yfir það helzta sem hefur áunnizt síðan við
héldum siðasta Iðnþing.
Iðnfræðslufrumvarpið, sem þá hafði verið lagt fyrir
Alþingi í annað sinn, er nú orðið að lögum. Má segja
að með tilkomu þessara laga sé um að ræða byltingu
í iðnfræðslunni í landinu.
Mun ég ekki lýsa þessum lögum nú, það hefur verið
gert áður og þau birt í heild í síðasta hefti Tímarits
iðnaðarmanna. Ég vil þó geta um breytingu, sem gerð
var á frumvarpinu í meðferð Alþingis, þar sem ákveðið
var að þeir skólar, sem hefðu minnst 60 nemendur,
þegar lögin tækju gildi, skyldu starfa áfram. Ég veit að
margir eru þakklátir fyrir þessa breytingu, sem er þess
eðlis að ýmsir halda sínum skólum áfram, sem annars
hefðu verið lagðir niður cg sameinaðir öðrum stærri
skólum.
Ég tel ástæðu til að þakka hæstvirtri ríkisstjórn og
Alþingi fyrir samþykkt þessara laga og skilning á þess-
um málum. Ég vildi mega vænta þess að lögin verði
sem fljótast látin koma til framkvæmda og fyrstu verk-
námsskólarnir stofnsettir.
f setningarræðu á síðasta Iðnþingi ræddi ég nokkuð
um Iðnlánasjóð, gerði saman'burð á tekjum og lána-
möguleikum hans annarsvegar og tekjum annarra
stofnlánasjóða hins vegar og lýsti því misrétti, sem
þarna var iðnaðinum í óhag.
Nú hefur verulega verið úr þessu misrétti bætt með
þeirri breytingu, sem síðasta Alþingi gerði á lögunum
um Iðnlánasjóð. Tekjumöguleikar hans eru auknir
verulega meðal annars með stórauknu framlagi ríkis-
sjóðs þ. e. úr 2 millj. í 10 millj. króna.
Iðnþing mun sérstaklega þakka þessa framlagshækk-
un og líta á hana sem viðurkenningu á réttmæti þeirrar
kröfu, sem það hefur gert, að framlag ríkisins verði
hverju sinni svipuð upphæð og iðnlánasjóðsgjaldið,
sem iðnaðurinn greiðir sjálfur til sjóðsins.
Þá var lántökuheimild sjóðsins aukin upp í 250 millj.
kr., þar af 100 millj., sem gert er ráð fyrir að renni til
stofnunar á sérstökum lánaflokki innan Iðnlánasjóðs
til hagræðingalána fyrir íslenzkan iðnað. Hér er um
nýmæli að ræða, sem mun hafa mikla þýðingu í fram-
tíðinni.
Þá hefur verið ákveðið, að til Iðnlánasjóðs renni
um 4% af framleiðslugjaldi Álverksmiðjunnar í
Straumsvík, mun Iðnlánasjóður fá þar verulegan
68
TÍMARIT IÐNAÐAR MANNA