Tímarit iðnaðarmanna - 01.12.1966, Blaðsíða 20
Helgi Hermánn Eiriksson, fyrrv. forseti Landssarnbandsins og Sig-
urgeir Guðmundsson, skólastjóri Iðnskólans í Hafnarfirði.
lega leiðbeiningaþjónustu við þau. Að lokum kvaðst
Haar vona, að hann hafi gefið fulltrúum einhverja
mynd af iðnaðarmálunum í Noregi. Hann nagðist vilja
mta tækifærið til að lýsa yfir trú sinni á iðnþróun á
Islandi. Erfiðleikar væru miklir, en íslenzkur iðnaður
væri á umbrotatímum, iðnþróunin byggðist fyrst og
fremst á mönnunum, sem að henni starfa og hann sagð-
ist vera viss um að hér væru þeir frumkvöðlar til, sem
þyrfti til að bnóta nýjar leiðir.
Þórir Einarsson skýrði nú í stuttu máli frá aðalinni-
haldi erindis:ns en fjölrituðum úrdrætti hafði einnig
verið dreift meðal fulltrúanna. Síðan var orðið gefið
laust og þingfulltrúar beðnir um að koma fram með
fyrirspurnir. Biarni Einarsson þakkaði ræðumanni er-
indið og sagði, að sömu hugmyndir virtust á kreiki í
báðum löndunum um lausn vandamála þeirra, sem iðn-
aðurinn stæði nú frammi fyrir. Hann skýrði frá hug-
mynd um uppbyggingu á stálskipasmíðastöð á Suður-
nesjum, sem hann hefur átt við að undanförnu. Hann
sagði, að það væri vandamál að finna íslenzkan aðila,
sem ráðlagt gæti um hvort bæri að leggja í slíka fjár-
festigu, og hefði talsvert fé verið lagt í skipulagningu.
Að þessu fyrirtæki stæðu 7 fyrirtæki og væru þau sam-
mála um, að þetta væri eina leiðin til að koma á fót
stálskipasmíðastöð á íslandi. Bjarni spurði nú fyrirles-
arann hvaða leið norska ríkið mundi fara til að stuðla
að framgangi slíkra hugmynda í Noregi. Ingvar Jó-
hannsson bar fram fyrirspurn um hvort það þekktist í
norskum þjónustuiðnaði, að ríkið legði verðlagsákvæði
á útselda þjónustu viðgerðarfyrirtækja. Hann sagði að
vegna slíkra verðlagsákvæða hér á landi stæði fyrir
dyrum rekstrarstöðvun fjölda fyrirtækja. Fyrirspurn
Bjarna Einarssonar svaraði Arna Haar á þá leið, að
Aðlögunarsjóður heimaiðnaðarins mundi greiða hluta
af kostnaði við að koma samstarfinu af stað t. d. við
áætlunargerð og þess háttar, ennfremur mundu fyrir-
tækin hafa fengið undanþágu frá greiðslu verðhækk-
unartekjuskatts af verðmæti hlutabréfa ef til algerrar
sameiningar hefði komið. Einnig mundu þeir geta feng-
ið hagræðingarlán með hagkvæmum kjörum úr sérstök-
76
um sjóði, sem lánar stundum allt að 100% kostnaðar
við slíkar breytingar. Þá upplýsti hann að verðlagshöft
hefðu verið afnumin í Noregi fyrir meira en 10 árum,
en hins vegar væri til löggjöf, sem heimilaði opinber af-
skipti af einokunarmyndun og ættu að koma í veg fyrir
að fyrirtækin notfærðu sér einkasöluaðstöðu á markað-
inum. Ekki voru bornar fram fleiri fyrirspurnir en
Bjarni Einarsson þakkaði fyrir upplýsingarnar og
beindi þeim tilmælum til framkvæmdastjóra, að þær
yrðu birtar opinberlega. Að lokum þakkaði Tómas Vig-
fússon fyririesara hið ágæta erindi hans og sleit fundi
kl. rúml. 12.
Fundi var fram haldið kl. 14.15 síðdegis, og stjórnaði
þingforseti Ingólfur Finnbogason fundi. Nú voru tekin
til afgreiðslu álit nefnda.
Garðar Björnsson, Hellu, hafði framsögu fyrir áliti
skipulagsnefndar um inntökubeiðni Netastofnunar hf.
og mælti nefndin með því að fyrirtækið yrði tekið inn
í Landssamband iðnaðarmanna. Var það samþykkt
samhljóða.
Vigfús Sigurðsson, Hafnarfirði, hafði framsögu fyr-
ir fjárhagsáætlun Landssambands iðnaðarmanna, sem
fjármálanefnd hafði fjallað um, og mælti nefndin með
áætluninni eins og hún hafði verið lögð fram. Fjár-
hagsáætlunin var síðan samþykkt samhljóða.
Jón E. Ágústsson hafði framsögu fyrir áliti iðn-
fræðslunefndar um iðnfræðslu og tæknimenntun. Hann
sagði að leggja yrði höfuðáherzlu á að fjár yrði aflað
til að framkvæma hina nýju iðnfræðslulöggjöf, til
skólabygginga, þjálfunar starfsfólks o. s. frv. Nokkrar
umræður urðu um iðnfræðslumálin. Grímur Bjarnason
ræddi um viðbyggingu við Iðnskólann í Reykjavík og
spurðist fyrir um skipulagningu innanhúss. Þór Sand-
holt, skólastjóri svaraði fyrirspurnum Gríms. Enn-
fremur talaði Sigurður Hólmsteinn Jónsson og þeir
Grimur Bjarnason og Þór Sandholt aftur. Þá tók til
máls Sigurgeir Guðmundsson, skólastjóri í Hafnar-
firði og kvaðst taka undir skelegga og skorinorða
kröfu um aukið fjármagn sem síðan yrði réttlátlega
skipt á milli byggðarlaga. Hannn lýsti byggingu skóla-
húss Iðnskólans í Hafnarfirði, sem nýlega er hafin og
sagði, að fjárveitingar af hálfu ríkisvaldsins væru
hvergi nærri fullnægjandi. Hann sagðist vonast til, að
ekki yrði látið sitja við orðin tóm heldur mundi sér-
hver iðnaðarmaður knýja á til að gera það sem hann
gæti til að koma þessum málum fram á veg. Ennfrem-
ur tók Þorbergur Ólafsson til máls og ræddi um nauð-
syn þess að námstími í sumum iðngreinum yrði styttur
til þess að auðveldara yrði að fá iðnnema. Ræða hans
er birt hér á öðrum stað í tímaritinu.
Bragi Hannesson, bankastjóri, hafði framsögu fyrir
áliti fjármálanefndar um Iðnaðarbankann. Hann lýsti
nokkuð þróun bankans á yfirstandandi ári og sagði að
rekstur útibúanna hefði gengið betur en nokkur hefði
TÍMARIT IÐNAÐARMANNA