Tímarit iðnaðarmanna - 01.12.1966, Blaðsíða 28
ekki tímabært á þessu stigi, bæði þar sem undirbúa
þyrfti og skipuleggja þessa starfsemi vandlega áður en
farið væri af stað og eins þar sem sýnt þótti að kostn-
aður af henni yrði meiri en aukning ríkissjóðsframlags-
ins og hefði Landssambandið ekki fjárhagslegt bol-
magn til að taka á sig þau umframútgjöld. Á hinn bóg-
inn var ákveðið að athuga um möguleika á því að fá
tæknimenntaða menn úr iðnaðinum til að fara í fyrir-
lestraferðir til fclaganna og halda fræðslufundi fyrir
iðnaðarmenn. Ennfremur er í athugun að fá hagráðu-
nauta þá, sem starfa á vegum samtaka atvinnuveganna
til að heimsækja sambandsfélögin eftir því sem þau
kunna að óska þess.
Seint í ágústmánuði s.l. barst stjórn Landssambands
iðnaðarmanna bréf frá Meistarasambandi bygginga-
manna, þar sem það bauð Landsssambandinu að vfir-
taka opinberan styrk, sem því hafði verið veittur, til
þjálfunar manns á sviði vinnuhagræðingarmála. Stjórn
Landssambandsins fól framkvæmdastjóra sambandsins
að kanna málið, bæði varðandi menntun slíkra manna,
hugsanlegt starfssvið og áætlaðan kostnað. Er þessar
upplýsingar lágu fyrir, ákvað stjórnin að taka boði
Meistarasambands byggingamanna og var þegar aug-
lýst eftir umsóknum um starf þetta og rennur umsókn-
arfrestur út hinn io. september n.k. Áætlað er að nám
mannsins hefjist í fyrri hluta októbermánaðar n.k., en
hann hefji störf á vegum Landssambandsins næsta sum-
ar.
Þá ákvað stjórn Landssambandsins nýlega að senda
framkvæmdastjóra sambandsins til iðnsambandanna á
Norðurlöndum til að kynna sér starfsemi þeirra á öll-
um sviðum til þess að tryggt verði að starf erindreka
á vegum Landssambandsins komi að sem mestum not-
um.
Tímarit iðnaðarmanna
Frá því að síðasta iðnþing var haldið hafa komið út
2 tvöföld hefti af Tímariti iðnaðarmanna, samtals 116
síður. Stöðugur skortur á efni til birtingar hefur valdið
drætti á útkomu ritsins og leitt til þess að það hefur
komið út sjaldnar en áður, en um leið hefur verið reynt
að vanda svo til þess, sem föng hafa verið.
Þetta hefur þó haft í för með sér, að ekki hefur verið
unnt að koma til móts við þær óskir, sem fram komu
á síðasta Iðnþingi um að birt verði með ákveðnu miili-
bili einstök einingarverð á unnu og óunnu efni, svo og
kauptaxta og gjaldskrár.
Fjárhagsafkoma tímaritsins er allgóð, enda hefur
verulegra tekna verið aflað með auglýsingum.
Skrifstofa Landssambands iSnaðarmanna
Skrifstofa Landssambands iðnaðarmanna hefur
starfað með líkum hætti og undanfarin ár og sama
starfsliði.
Nú í sumar flutti Meistarasamband byggingamanna
starfsemi sína í hið nýja hús meistararfélaganna við
Skipholt 70 og var ráðinn nýr framkvæmdastjóri fyrir
Meistarasambandið, Marinó Þorsteinsson, viðskipta-
fræðingur. Meistarasamband byggingarmanna og
Landssamband iðnaðarmanna hafa haft samstarf um
skrifstofuhald og framkvæmdastjórn undanfarin 5V2
ár og hefur sú samvinna verið með ágætum og báðum
aðilum til hagsbóta.
Landssambandið hefur með höndum skrifstofuhald
fyrir Iðngarða hf. og Almennan lífeyrissjóð iðnaðar-
manna og munu greiðslur fyrir þau störf bæta nokkuð
tekjumissinn eftir brottflutning Meistarasambandsins.
Skrifstofan hefur að öðru leyti unnið að sömu verk-
efnum og undanfarin ár.
Ymislsgt
Síðasta iðnþing vísaði til stjórnar Landssambands-
ins erindi Félags garðyrkjumanna til meðferðar og fól
henni að ræða við fyrirsvarsmenn garðyrkjumanna og
skilgreina á milli þess hvað hægt er að kalla garð-
yrkjuiðn og hvað tilheyrir landbúnaði.
Ekki náðist full samstaða innan stjórnarinnar um
þetta mál og var meirihluti stjórnarmanna andvígur
því að garðyrkja yrði gerð að iðngrein, og skipti þá
ekki máli hvort um einhvern vissan þátt hennar væri að
ræða, eða alla garðyrkju, en minnihluti stjórnarmanna
var hins vegar meðmæltur því að skrúðgarðyrkja verði
gerð að iðngrein en ekki aðrar greinar garðyrkju.
Stjórnin hefur gert sérstaka greinargerð um afstöðu
beggja hlutanna og verður hún lögð fyrir iðnþingið.
Á síðasti iðnþingi voru kosnar tvær milliþinganefnd-
ir, önnur til að athuga skipulagsmál Landssambands-
ins en hin til að athuga möguleika á stofnun tryggingar-
félags iðnaðarmanna.
Síðarnefnda nefndin hefur skilað áliti til stjórnar
Landssambandsins og verður það lagt fyrir iðnþingið
til afgreiðslu.
Skipulagsnefndin skilar ekki endanlegu áliti en legg-
ur fram sérstaka greinargerð um þær hugmyndir, sem
fram hafa komið, og verða þær lagðar fyrir iðnþingið.
Á síðastliðnum vetri tók iðnaðarmálaráðherra Jó-
hann Hafstein upp þá nýbreytni að halda fundi með
stjórnarformönnum og framkvæmdastjórum stofnana
og samtaka iðnaðarins. Hafa tveir slíkir fundir verið
haldnir og rætt þar um þau mál sem cfst eru á baugi á
hverjum tíma og skipzt á skoðunum og upplýsingum.
Er þess að vænta, að fleiri slíkir fundir verði haldnir í
framtíðinni, þar sem þeir eru bæði gagnlegir og fróð-
legir.
Með lögum um Framkvæmdasjóð íslands, Efnahags-
stofnun og Hagráð, sem samþykkt voru á síðasta Al-
þingi, var stofnað Hagráð, sem skal vera vettvangur
þar sem fulltrúar stjórnarvalda, atvinnuvega og stétta-
samtaka geti haft samráð og skipzt á skoðunum um
meginstefnuna í efnahagsmálum hverju sinni. Lands-
84
TÍMARIT IÐNAÐARMANNA