Tímarit iðnaðarmanna - 01.12.1966, Blaðsíða 16

Eggert Ólajsson,
V estmannaeyjum.
Vigfús Sigurðsson,
Hafnarfirði.
Guðmundur Jónsson,
Selfossi.
Bragi Hannesson,
Reykjavík.
armanna verði hreint meistarasamband eða samband
verktaka í iðnaði. Framsögumaður sagði, að nefndin
teldi sér ekki fært að skila endanlegu áliti, enda væri
hér á ferð svo mikilvægt mál að ekki mætti flana að
neinu við afgreiðslu þess, og nefndin hefði ekki haft
nægan tíma til að rannsaka og undirbúa málið. Máíinu
var vísað samhljóða til skipulagsnefndar. 6. mál: Er-
indi Garðyrkjuverktakafélags íslands og Félags garð-
yrkjumanna, framsögu hafði Tómas Vigfússon. Hann
rakti fyrst stuttlega sögu málsins, en umsókn félaganna
hafði verið felld á Iðnþingum 1954, 1958,1964, en á Iðn-
þingi 1965 hefði stjórninni verið falið málið til meðferð-
ar. Málið hefði verið tekið fyrir innan stjórnarinnar og
hefði hún og framkv.stj. Landssambandsins átt viðræð-
ur við stjórnarfulltrúa beggja garðyrkjufélaganna.
Stjórn Landssambandsins gat hins vegar ekki orðið
sammála um hvort gera skyldi skrúðgarðyrkju að iðn-
grein og las framsögumaður upp greinargerð stjórnar-
innar, þar sem gerð er grein fyrir afstöðu meirihhita
og minnihluta innan stjórnarinnar. Leggur meirihluti
til að erindi garðyrkjumanna verði synjað en minni-
hlutinn leggur til að það verði samþykkt. Framsögu-
maður tók fram, að bæði Garðyrkjufélag fslands og
Félag garðyrkjumanna eru landsfélög og hefði það
fyrra 9 félaga en hið síðara milli 50 og 60 félaga. Ræddi
hann síðan nokkuð fyrirkomulag garðyrkjunáms hér á
landi og á Norðurlöndum og einnig samband garð-
yrkju og landbúnaðar á Norðurlöndum. Ekki urðu
frekari umræður um þetta mál og var því vísað til
skipulagsnefndar.
7. mál: Iðnfræðsla og tæknimenntun, framsögumaður
var Jón E. Ágústsson. Sagði hann að áður hefði verið
vikið að málinu á þinginu en hann mundi þó enn skýra
stuttlega frá því. Ný löggjöf hefur verið samþykkt um
iðnfræðslu á síðasta þingi og séu þau birt í heild í síð-
asta hefti Tímarits iðnaðarmanna. f hinum nýju lög-
um séu mörg nýmæli, einkum þau að verknámsskólar
verði settir á fót þannig að iðnnám muni færast úr
höndum meistaranna inn í skóla að einhverju leyti.
Fjölgað er í iðnfræðsluráði um 4 fulltrúa og loks eru á-
kvæði um námskeið fyrir iðnverkafólk í iðnskólunum.
Framsögumaður sagði, að leggja yrði áher^lu á að afla
fjár til að koma lögunum í framkvæmd sem allra
fyrst. Frekari umræður urðu ekki um málið og var því
vísað til fræðslunefndar.
8. mál: Lánamál iðnaðarins, framsögumaður var
Ingvar Jóhannsson, hann sagði að þetta væri einhver
erfiðasti málaflokkurinn sem Iðnþing fjallaði um. 36%
þjóðarinnar hefur nú framfærslu af iðnaði, en Iðnað-
aðbankinn og Iðnlánasjóður eru hvort tveggja ungar
stofnanir og enn fjárvana, og vantaði mikið á að þær
stæðust samanburð við lánastofnanir sjávarútvegs og
landbúnaðar. Hann ræddi um tekjustofn Iðnlánasjóðs
og hinn mikla vöxt Iðnaðarbankans á undanförnum ár-
um og minntist einnig á reglugerð um endurkaup af-
urðavíxla iðnaðarins og sagði, að þeim málum væri
of þröngur stakkur skorinn og þar yrði að fá leiðrétt-
ingu, ef þetta mál ætti að koma iðnaðinum að gagni.
Að lokum ræddi hann um breytingu á lausaskuldum
iðnfyrirtækja í föst lán. Ekki urðu frekari umræður um
þetta mál og var því vísað til fjármálanefndar.
9. mál: Innnflutningur og tollamál, framsögumaður
var Þórir Jónsson. Hann kvað innflutning hráefna og
fullunninnar iðnaðarvöru hafa verið mikið til umræðu
að undanförnu. Hann sagði, að iðnaðurinn yrði að fá
eðlilega samkeppnisaðstöðu við innfluttan iðnaðar-
varning m. a. með því að gefa innflutning hráefna
frjálsan og með því að lækka aðflutningsgjöld. Málinu
var vísað samhljóða til allsherjarnefndar.
Nú var gert kaffihlé en að því loknu fór fram kynn-
ing þingfulltrúa og risu þeir úr sætum, sem viðstaddir
voru um leið og nafn þeirra var nefnt. Þá skýrði for-
seti frá því að einn af meðlimum skipulagsnefndar,
Geirlaugur Árnason, hefði ekki mætt til þings og yrði
að kjósa annan mann í hans stað og bað um uppástung-
ur. Komu fram nöfn þeirra Gísla Ólafssonar, bakara-
meistara, Reykjavík, og Kristins J. Magnússonar, mál-
arameistara, Hafnarfirði. Samþykkt var að fresta at-
72
TÍMARIT IÐNAÐARMANNA