Fréttablaðið - 05.12.2009, Side 63

SMUGAN, listasmiðja og tæknisetur verður með jóla-
markað á Klapparstíg 27 í miðbæ Reykjavíkur í dag frá
12 til 17. Í boði verður handgert jólaskraut, flóamarkaður,
ljósmyndasýning, myndlist og margt fleira.
„Ég verð á fullu að veita áritanir í
dag, í Hagkaupum og á fleiri stöð-
um,“ segir Ómar og vísar þar til
útgáfu tveggja nýrra klukkutíma-
langra þátta í seríunni Stiklur, þar
sem Hornstrandir eru sóttar heim
í annarri og svo fetað í fótspor
Fjalla-Eyvindar í hinni. Hann
bætir við að þetta sé jafnframt í
fyrsta sinn sem Stiklur fáist með
ensku tali og texta.
Eiginhandaráritanir í bænum
marka þó aðeins upphafið á anna-
samri helgi Ómars, sem segist
varla vita sjálfur hvernig hann
ætlar að koma öllu í verk. „Helst
hefði ég líka þurft að komast til
Ísafjarðar til að halda áfram að
árita. Svo væri gott ef tími gæfist
til að sækja heim Ystafell á morg-
un, en ég ætla að gera heimild-
armynd um bílasafnið þar. Hún
ætti að vera frekar einföld í fram-
kvæmd og þar af leiðandi ódýr, en
ég er kominn í strand með nokkur
verkefni sem ég hef verið vinna
að vegna fjárskorts,“ segir hann
og dæsir.
Umrædd verkefni eru heim-
ildarmyndir sem fjalla um fram-
kvæmdir við Gjástykki og Leir-
hnjúk annars vegar og hins
vegar um siglingar um Hofslón og
Keldulón. „Ætli ég sé ekki búinn
að fara samtals áttatíu sinnum
héðan úr Reykjavík og austur á
hálendið að skjóta. Vinnudagarn-
ir fyrir austan eru orðnir um 200
talsins og þar af leiðandi er þetta
orðið hræðilega dýrt. En mér
fannst ég verða að skjóta mynd-
ir þarna og sýna svæðið áður en
framkvæmdir hæfust og það liti
út eins og Hellisheiðin,“ útskýrir
Ómar.
Hann viðurkennir að undir
venjulegum kringumstæðum
séu helgarnar, eða í það minnsta
sunnudagar, þó helgaðir fjölskyld-
unni. „Við Helga, konan mín, erum
vön að bjóða krökkunum í heim-
sókn til okkar í kaffi og svona.
Það fyrirkomuleg hentar lang-
best því þau eru náttúrlega svo
mörg að við höfum ekki tíma til
að heimsækja þau öll,“ segir hann
hlæjandi og bætir við að hann
hlakki sérstaklega til að fá alla
fjölskylduna saman á næsta ári
þegar sjötugsafmælið ber upp.
„Já, ég er að hugsa um að gera
eitthvað skemmtilegt í tilefni af
því, enda hálf öld síðan ég byrjaði
að skemmta. Kannski að maður
gefi bara út nýja plötu; ég hef
nú verið iðinn við að semja lög í
gegnum tíðina og á örugglega efni
í hundrað laga plötu með tónlist af
öllu tagi. Svo væri jafnvel gaman
að halda einhverja sýningu,“ segir
Ómar, fullur tilhlökkunar.
roald@frettabladid.is
Verður á hlaupum allar
helgar fram að jólum
Sunnudagar hjá Ómari Ragnarssyni eru yfirleitt helgaðir fjölskyldunni. Aðra daga hefur hann vart undan
við að sinna hinum og þessum verkefnum og fyrir jól fer svo vanalega allt á annan endann um helgar.
Ómar við flugvélina TF-FRU sem hann eignaðist fyrst árið 1979 og svo aftur árið 1998. FRÉTTABLAÐIÐ/GVA
Sölufulltrúar Henný Árnadóttir henny@365.is 512 5427 Jóna María Hafsteinsdóttir jmh@365.is 512 5473 Þórdís Hermannsdóttir thordis@365.is 512 5447
Lín Design, gamla sjónvarpshúsið • Laugavegi 176 • Sími 533 2220 • www.lindesign.is
Nýtt kortatímabil
www.ho
bbyroom
.is
Ármúli 38, 108 Rvk. • hobbyroom@hobbyroom.is • S: 841 8800 / 565 5200
Opnunartíminn frá frá 12-18:00 alla
virka daga. Í dag laugardag
frá kl. 12-15.
Jólagjafi rnar hans
póker - billiard - dart