Fréttablaðið - 09.12.2009, Blaðsíða 50

34 9. desember 2009 MIÐVIKUDAGUR
folk@frettabladid.is
> JÓLABARN
Leikkonan Jennifer Aniston
er mikið jólabarn. Hún hélt
jólaboð um helgina og bauð
meðal annars vinkonu sinni
Courteney Cox. „Jennifer var
búin að skreyta allt húsið
og í stofunni stóð stærðar-
innar jólatré,“ var haft eftir
einum veislugestinum.
Leikstjórinn Tim Burton ætlar að hefja upptökur á kvikmyndinni
Dark Shadows seint á næsta ári. Myndin er byggð á samnefndum
sjónvarpsþáttum sem voru sýndir á sjöunda áratugnum. Johnny
Depp, samstarfsmaður Burtons til margra ára, fer með hlutverk
vampírunnar Barnabas Collins í myndinni. Þetta verður áttunda
myndin sem þeir félagar gera saman. Burton er þessa dagana að
ljúka við kvikmynd um Lísu í Undralandi og er hún væntanleg í bíó
í mars á næsta ári. Eftir að kynningarferlinu í kringum hana lýkur
mun hann snúa sér að Dark Shadows.
Upptökur á næsta ári
Myndband fyrir lagið
„Kveðjuorð“ af nýútkom-
inni sólóplötu Jóhanns
G. Jóhanssonar verður
frumsýnt í kvöld á Players
á undan leik Liverpool og
Fiorentina í Meistaradeild-
inni. Staðsetningin er engin
tilviljun því lagið fjallar
um forfallinn Liverpool-
aðdáanda.
„Lagið er um hjón sem hafa búið
saman í 35 ár,“ segir Jóhann. „Þeim
hefur ekki verið barna auðið og það
hefur sett svip á sambúðina. Hann
er mikill aðdáandi Liverpool en
konan hefur ekki haft jafn mikinn
áhuga á knattspyrnunni og hann.
Þegar hún er að yfirgefa hann og
bera föggur sínar út í bíl er hann
að horfa á leik á milli Liverpool
og Glasgow Rangers. Staðan er 3-
1 fyrir Liverpool en þegar konan
skellir hurðinni þá skorar Glasgow.
Þá lekur tár af hvarmi karlsins en
það er óljóst hvort það er vegna
konunnar eða leiksins.“
Það er Valdimar Leifsson kvik-
myndagerðarmaður sem gerði
myndbandið. Hjónin leika þau
Arna Kristinsdóttir og Þorsteinn
Geirharðsson og var farið víða til
að taka myndbandið, meðal ann-
ars í svítuna á Grand hótel og á
Players þar sem leikur Liverpool
og Blackburn stóð yfir á laugar-
daginn. Þar var víst frekar erfitt
að ná góðum skotum því leikurinn
var tilþrifalaus og endaði 0-0. „Við
settum okkur í samband við for-
mann og stjórn Liverpool-klúbbs-
ins á Íslandi og útskýrðum málið
og þeir tóku okkur fagnandi. Svo
eru milljón aðdáendur Liverpool
FRUMSÝNIR MYNDBAND
Á UNDAN LIVERPOOL-LEIK
LIVERPOOL-AÐDÁ-
ANDI FELLIR TÁR
Myndband við lag Jóhanns G.
verður frumsýnt í kvöld á
Players. Lagið fjallar um
forfallinn Liverpool-
aðdáanda sem lendir í
því að konan hans fer
frá honum í miðjum
Liverpool-leik. Kannski
er það vel við hæfi
enda hefur gengi
liðsins frá Bítlaborg-
inni ekki verið upp
á marga fiska.
úti um allan heim. Lagið verður
því líka sungið á ensku og mynd-
bandið sett á Youtube og víðar,“
segir Jóhann. En af hverju er
Liverpool að keppa við Glasgow í
laginu?
„Þetta voru bara nöfnin sem
komu þegar ég samdi textann. Ég
er ekki það mikið inni í boltanum
og var því lengi vel hikandi um að
þessi lið gætu spilað. En svo skilst
mér að þau eigi hugsanlega að spila
á næsta ári. Ég ætlaði fyrst að hafa
þetta leik á milli Manchester Unit-
ed og Liverpool en þá var mér bent
á að það sé alltof stór leikur og að
söguhetjan myndi örugglega fara á
pöbbinn til að horfa á hann.“
„Þegar ég flutti út var ég ákveð-
in í að fá vinnu í líkamsrækt til að
geta haldið þessu áfram. Eins og
íslenska krónan er, er erfitt að búa
erlendis og vera í svona dýru sporti
eins og fitness,“ segir Fjóla Björk
Gunnlaugsdóttir, nítján ára. Fjóla
flutti til Sönderborg í Danmörku í
ágúst þar sem hún nemur fatahönn-
un við Southwest business acad-
emy, en hún hefur átt góðu gengi
að fagna í módel fitness hér á landi
og lenti síðast í 2. sæti á bikarmóti
IFBB núna í nóvember.
Síðustu helgi birtist viðtal
við Fjólu í tímaritinu Jydske
Vestkysten, en hún starfar nú á
líkamsræktarstöðinni City fitness
og æfir sex sinnum í viku. „Ég var
svo heppin að fá vinnu við að kenna
Push, sem er svipað æfingakerfi og
Body pump, og leysa af í spinning.
Henrik Hansen einkaþjálfari er svo
búinn að vera að þjálfa mig, en hann
þjálfaði til dæmis í hinu þekkta
Gold‘s gym í Los Angeles,“ útskýrir
Fjóla. Hún segir fáar stelpur stunda
lyftingar í Sönderborg. „Ég hafði
heyrt að það væri ekki mikið um
fitness hérna og hér eru mjög fáar
stelpur að lyfta. Þá áttaði ég mig
á hvað fitness er miklu stærra á
Íslandi,“ segir Fjóla, en furðar sig
á að ekki séu tekin lyfjapróf hér á
landi. „Ég æfi algjörlega náttúru-
leg og nota engin ólögleg efni. Stíft
mataræði, vítamín, kreatín og glút-
amín er það sem virkar og fer vel
með líkamann. Það er óásættanlegt
að keppendur eru aldrei látnir taka
lyfjapróf á Íslandi. Að sjálfsögðu
eiga þrjú efstu sætin í keppnum að
vera skyldug til þess eins og tíðk-
ast úti.“
Aðspurð segist hún stefna á mót
í módel-fitness í Kanada á næsta
ári. „Mig langar rosalega að fara
og keppa en það er mjög dýrt svo ég
verð að byrja að finna mér styrkt-
araðila,“ útskýrir hún og viður-
kennir að draumurinn sé að starfa
við sportið í framtíðinni, en Fjóla
er einnig með diplóma sem tísku-
stílisti. „Draumurinn væri að vera í
módel-fitness og starfa sem þjálfari
í bland við stílistann og hönnunina.
Jafnvel að hanna föt á fólk í fitness
og íþróttaföt,“ segir Fjóla.
- ag
Æfir módel-fitness í Danmörku
Í FLOTTU FORMI Fjóla Björk æfir sex
sinnum í viku og þjálfar á líkamsræktar-
stöðinni City fitness í Sönderborg
meðfram námi í fatahönnun.
MYND/JÓNAS HALLGRÍMSSONPan
taðu í s
íma
565 600
0
eða á w
ww.som
i.is
Frí heim
sending
*
FRÁ SÓMA ER KOMINN
TORTILLA
VEISLUBAKKI
EÐALBAKKI
LÚXUSBAKKI
DESERTBAKKI
GAMLI GÓÐI
TORTILLA OSTABAKKI
30 bitar
30 bitar
20 bitar
20 bitar
20 bitar
50 bitar
Fyrir 10 manns
ÁVAXTABAKKI
Hver samlokubakki er hæfilegur fyrir fjóra eða fimm.
*Frí heimsending gildir aðeins ef pantaðir eru 4 eða fleiri bakkar.
Síðan á mánudag hefur Felix Bergs-
son þeyst á milli barnaskóla í London
og sýnt nemendum Ævintýrið um
Augastein sem fjallar um Grýlu og
íslensku jólasveinana. Sýningin heitir
á ensku The Yule Lads (Tale of Ice-
landic Christmas).
„Við frumsýndum þessa sýningu
hér í London árið 2002 og höfum
verið með hana á ferðinni um
jólin, bæði úti og heima, síðan
þá,“ segir Felix. „Þessi útgáfa
af verkinu sem við erum
með núna er aðeins styttri
en sú upprunalega. Okkur
hefur verið gríðarlega
vel tekið og það er greini-
lega mikill áhugi á íslensku
jólasveinunum. Á mánudaginn
lék ég meðal annars fyrir krakka
með geðræn vandamál. Það gekk
mjög vel og sagan náði að fanga
athygli þeirra.“
Þegar upp verður staðið hefur
Felix troðið upp í tíu skólum á fjórum
dögum. „Krakkarnir eru mjög spennt-
ir og sitja opinmynntir og fylgjast
með. Þeir verða alltaf hræddir þegar
Grýla kemur og þetta er auðvitað allt
nýtt fyrir þeim. Eftir sýningarnar
þarf ég því að útskýra þetta betur
og þá koma ótrúlegustu spurningar.
Krakkarnir vilja til dæmis vita hvort
brúðurnar séu lifandi og hvað íslensku
jólasveinarnir séu stórir í alvörunni.
Einhver lýsti því yfir að honum þætti
ullarfatnaðurinn sem jólasveinarn-
ir eru í ansi ljótur!“ Felix sýnir síðan
verkið í fullri lengd í Hafnarfjarðar-
leikhúsinu á sunnudaginn. - drg
Felix hræðir bresk börn með Grýlu
FELIX SÝNIR AUGASTEIN Í LONDON Krakkarnir í
Snowfields Primary fylgjast spenntir með.