Fréttablaðið - 09.12.2009, Blaðsíða 51

MIÐVIKUDAGUR 9. desember 2009 35
Fjöldi erlendra tónlistarsíðna hefur
greint frá væntanlegri sólóplötu
Jónsa í Sigur Rós. Platan nefnist Go
og er væntanleg 22. mars í Evrópu
og daginn eftir í Bandaríkjunum.
Síðurnar NME.com, Gigwise.
com og Pitchfork.com eru á meðal
þeirra sem greindu frá sólóplöt-
unni. Blaðamaður Pitchfork segir
að lagið Boy Lilikoy, sem Jónsi
gaf á heimasíðu sinni Jonsi.com,
hljómi síður en svo eins og eitthvert
ómerkilegt hliðarverkefni. Þvert á
móti sé það jafnvel ennþá meira
verk en flest verka Sigur Rósar.
Alls verða níu lög á plötunni. Sjö
þeirra verða sungin á ensku og tvö
á íslensku.
Í tilkynningu frá Jónsa kemur
fram að hann hafi upphaflega ætlað
að gera órafmagnaða plötu en á
endanum breyttist hún í eitthvað
allt annað þar sem fjölda tónlistar-
stefna er blandað saman. Platan var
tekin upp á Íslandi og í Connecticut
í Bandaríkjunum. Upptökustjóri
var Nico Muhly sem hefur unnið
með Björk og Grizzly Bear. Einnig
komu að upptökustjórninni Jónsi
sjálfur, kærastinn hans Alex Som-
ers og Peter Katis sem hefur unnið
með The National og Interpol.
Jónsi ætlar í tónleikferð um
heiminn á næsta ári til að fylgja
plötunni eftir.
Sólóplata Jónsa vekur athygli
JÓNSI Tónlistarmaðurinn Jónsi úr Sigur
Rós gefur út sólóplötu sína í mars á
næsta ári. MYND/LILJA BIRGISDÓTTIR
Tónastöðin opnaði nýja hljóðfæra-
verslun á Strandgötu 25 á Akur-
eyri um síðustu helgi. Fjöldi
fólks lagði leið sína í verslunina
til að njóta léttra veitinga og
fagna aukinni samkeppni og
fjölbreytti á þessum markaði.
Ýmsir tónlistarmenn stigu á
svið, þar á meðal Baggalútur og
Pálmi Gunnarsson. Tónastöðin
verður eins og systurfyrirtæki
hennar í Skipholti í Reykjavík;
alhliða tónlistarverslun. Helsta
nýbreytnin við komu verslunar-
innar til Akureyrar er aukin
þjónusta varðandi viðgerðir á
hljóðfærum. Einnig er nú hægt
að fá í fyrsta sinn norðan heiða
strengja- og blásturshljóðfæri í
úrvali að ógleymdum hefðbundn-
um píanóum.
Tónastöðin til Akureyrar
PÁLMI GUNNARSSON Pálmi Gunnarsson
spilaði fyrir gesti Tónastöðvarinnar á
Akureyri um síðustu helgi.
Leikkonan Diane Kruger hefur
verið valin andlit snyrtivöru-
risans Ĺ Oreal fyrir væntanlega
auglýsingaherferð fyrir vöruna
Ĺ Oreal Paris. Fetar hún þar í fót-
spor leikkvennanna Evu Long-
oria Parker og Evangeline Lilly
sem hafa áður auglýst fyrir Ĺ Or-
eal. Kruger hóf feril sinn sem
fyrirsæta og ætti því ekki að
eiga í vandræðum með verkefnið.
„Þetta er mikill heiður fyrir mig
og það er mjög ánægjulegt að
verða talsmaður fyrir Ĺ Oreal
Paris,“ sagði Kruger, sem vakti
mikla athygli í síðustu mynd
Quentins Tarantino, Inglorious
Basterds.
Auglýsir
snyrtivörur
DIANE KRUGER Leikkonan hefur verið
valin andlit snyrtivörurisans L´Oreal.
Talið er að leikarinn Mickey
Rourke ætli að kvænast í þriðja
sinn í apríl á næsta ári. Kærasta
Rourkes er 24 ára rússnesk fyrir-
sæta, Elena Kuletskaya, og vill
Rourke að brúðkaupið verði hald-
ið að hefðbundnum rússneskum
sið. Elena er um þessar mundir
að kenna leikaranum að tala rúss-
nesku fyrir hlutverk hans sem
rússneskur þorpari í hasarmynd-
inni Iron Man 2. Ætti hann því að
geta mælt einhver orð á tungu-
máli kærustunnar í brúðkaupinu.
Rourke hefur tvívegis áður
verið kvæntur. Hann skildi við
Debru Feuer árið 1989 eftir átta
ára hjónaband. Þremur árum
síðar kvæntist hann Carrie Otis.
Þau skildu árið 1998.
Í hjónaband
í þriðja sinn
MICKEY ROURKE Rourke hefur í hyggju
að ganga í hjónaband í apríl á næsta ári.