Fréttablaðið - 11.12.2009, Qupperneq 102

74 11. desember 2009 FÖSTUDAGUR
Bjórskóli Ölgerðarinnar tók formlega til starfa í þessari viku. Af því tilefni var nokkrum
þjóðþekktum einstaklingum boðið að kynna sér starfsemi skólans. Yfirkennari skólans er
Úlfar Linnet en áhugasamir geta kynnt sér skólann á bjorskoli.is.
BJÓRSKÓLI TEKUR TIL STARFA
Á GÓÐRI STUNDU Gísli Einarsson og
Logi Bergmann voru meðal gesta í
Bjórskólanum.
HELLT Í GLÖS Högni Egilsson úr Hjaltalín
og Guðmundur Kr. Jónsson smökkuðu
hinar ýmsu bjórtegundir.
BJÓRINN SMAKKAÐUR Örn Úlfar Sævarsson og Halldór Gylfason mættu í Bjórskóla
Ölgerðarinnar. MYNDIR/SIGURJÓN RAGNAR SIGURJÓNSSON
Séríslenskur flóamarkaður verður
haldinn á öldurhúsinu Cafe Blas-
en í Kaupmannahöfn nú á laugar-
dag og eru það íslenskir listamenn
búsettir í Danmörku sem standa
að markaðnum. Meðal þeirra sem
taka þátt eru Ágústa Hera Harð-
ardóttir, Einar Thor, Jónas Breki,
Örn Tönsberg og útvarpsmaðurinn
vinsæli, Andri Freyr Viðarsson,
sem mun leika jólatónlist undir
nafninu Sir Honkey Tonk.
Sigurður Helgason er eigandi
Cafe Blasen og hefur hann rekið
staðinn frá því í fyrravor. Cafe
Blasen hefur mikið verið sótt-
ur af Íslendingum sem búsett-
ir eru í Kaupmannahöfn. „Þetta
var gamall draumur sem rættist.
Meiningin var ekki sú að opna hér
sérstakan Íslendingabar en óvart
varð þetta að stað sem Íslendingar
sækja. Ætli það megi ekki segja að
þetta skiptist til helmingja, helm-
ingur gesta sé íslenskur og hinn
helmingurinn annaðhvort Danir
eða erlendir skiptinemar,“ útskýr-
ir Sigurður.
Þetta er í fyrsta sinn sem slík-
ur jólamarkaður er haldinn á Cafe
Blasen og segir Sigurður að boðið
verði upp á kaffi, kakó og jólaglögg
á staðnum. „Staðurinn er ekki stór
þannig að þetta verður hugguleg
fjölskyldustemning. Þarna verð-
ur ýmislegt til sölu, allt frá skart-
gripum til málverka og fatnaðar.
Bæði ég og listamennirnir sjálfir
höfum verið dugleg við að breiða
út boðskapinn þannig ég býst við
að einhverjir kíki við hjá okkur.
Ef þetta gengur vel þá gerum við
þetta að sjálfsögðu aftur að ári og
þá kannski á stærri stað.“
Ef einhver á leið til Kaupmanna-
hafnar um helgina þá hefst mark-
aðurinn klukkan 12.00 á Cafe Blas-
en við Nørregade. - sm
Flóamarkaður á
Íslendingabar
ÍSLENSKUR JÓLAMARKAÐUR Íslenskir listamenn selja vörur sínar á Cafe Blasen um
helgina. Sigurður Helgason er eigandi skemmtistaðarins.
Bítillinn fyrrverandi, Paul
McCartney, segir að hjónaband
þeirra Heather Mills hafi verið
ein stærstu mistök ævi sinnar.
Spurður hvort hjónabandið hafi
verið mestu mistök áratugarins
sagði hann: „Já. Ég held að það
komist í efsta sæti.“ McCartn-
ey, sem á hina sex ára dóttur
Beatrice með Mills, vildi þó
ekki gagnrýna eiginkonu sína
fyrrverandi í viðtali við tíma-
ritið Q. „Ég vil ekki gera lítið úr
neinum. Svona hlutir geta gerst.
Ég vil horfa á jákvæðu hliðina
sem er sú að ég eignaðist fal-
lega dóttur.“
Þrátt fyrir að Mills hafi við
skilnaðinn á síðasta ári feng-
ið í sinn hlut nokkra milljarða
króna segist McCartney vera
ánægður með lífið og tilveruna,
þar á meðal kærustu sína,
Nancy Shevell. Hann bætir við
að hann hafi ekki í hyggju að
hætta í tónlistinni þrátt fyrir
að vera orðinn 67 ára gamall.
„Mér finnst þetta svo skemmti-
legt. Af hverju ætti ég að setjast
í helgan stein? Vera heima og
horfa á sjónvarpið? Nei, takk.
Mig langar frekar að spila á
tónleikum.“
Mistök áratugarins
ÞEGAR ALLT LÉK Í LYNDI Bítillinn segir
að hjónaband þeirra Mills hafi verið ein
risastór mistök.