Vikan - 01.06.1961, Qupperneq 16

Hin eftirsóknarverða granna lína sýnir sig með
tímanum, ef þið gerið æfingar þessar daglega. Legg-
izt fyrst á magann, svo þétt upp við vegg, að þið
verðið að beygja handleggina, þegar þið „skríðið“
eins hátt upp á vegginn og þið getið. Fæturnir eiga
að vera alveg beinir, á meðan þið farið upp og niður.
LANGT EVHTTI
Tízkan krefst þess, að mittið sé langt og liðugt, og hér eru nokkr-
ar æfingar, sem ættu að hjálpa okkur til að fá þessar eftirsóttu
og grönnu línur, ef þið æfið þær daglega.
Standið við hliðina á borði, og leggið
eina eða tvær bækur, alveg eftir þörfum,
á það, þannig að vinstri fótur sé alvcg
lóðréttur, þegar þið leggið hann upp á,
án þess að ýta bókunum niður.
Leggið báðar hendur á mjaðinir, og snú'-
ið upp á ykkur til hægri fyrir ofan mitti,
og gerið þetta án þess að láta bækurnar
á borðinu hreyfast. Þegar þið hafið snúið
ykkur einu sinni út á hægri hliðina, end-
urtakið þið æfinguna til vinstri. Þetta er
endurtekið nokkrum sinnum, þá er skipt
um fót og öll æfingin endurtekin.
í þessari sömu stöðu má gera nokkrar
góðar hliðarbeygjur. Takið um ökklann
á fætinum, sem er á borðinu, og hafið
handlegginn beinan. Beygið ykkur svo í
hliðinni yfir fótinn og síðan í hina átt-
ina. Þegar þið eruð orðnar þreyttar, skipt-
ið þið um fót.
Maður verður að þjást fyrir fegurðina, sögðu
konurnar í gamla daga, og svo tróðu þær sér í
skó, sem voru mörgum númerum of litlir, og
reyrðu sig í lífstykki, svo að þær náðu varla and-
anum, og gengu svo um með óánægju- og þján-
ingarsvip.
Nútímakonan, hvað gerir hún? Jú, hún vill
gjarnan líta vel út, en að Þjást, það vill hún ekki.
Hún er líka svo heppin, að hún getur fengið skó,
sem passa henni algerlega. Mjóa, oddhvassa táin
er aðeins viðbætir við lengd skónna, svo að það
vandamál sakar ekki. En hinar tággrönnu línur,
sem tízkan krefst af henni nú á tímum, verður
hún að útvega sér sjálf. Það eru að vísu enn þá
til hlutir, sem heita lífstykki, en konur árið 1961
vita, að það er ekki nóg að troða sér í lífstykki
og þjást, því að þeir sentímetrar, sem var ofaukið
i mittinu, koma bara í ljós einhvers staðar annars
staðar. Nei, við verðum að nota allan okkar vilja-
kraft og útvega okkur þá daglegu hreyfingu, sem
við þurfum á að halda, til að losna við auka-
kílóin. Og nú, þegar við vitum, að mittið á að
vera langt og mjótt — og liðugt, — já, þá byrj-
um við auðvitað að æfa nokkrar æfingar, sem
gefa okkur þessar eftirsóttu línur. Nauðsynleg-
ustu æfingarnar eru hér, og þið þurfið aðeins að
fella þær inn i dagskrána. Dagleg leikfimi styrkir
viljakraftinn og dugnaðinn, og smátt og smátt
verður það skemmtilegt að geta haldið unglegum
vexti, þó að árin færist yfir.
Að síðustu gerið þið
eina áhrifaríka æfingu.
Leggizt á hnéft, og rétt-
ið hægra fót eins langt
úí til hliðar og þið get-
ið. Munið, að fóturinn á
að vera vel útréttur all-
an tímann. Síðan eru
báðir handleggir réttir
út í axlarhæð, og nú
snúið þið upp á ykkur
frá einni hliðinni til
annarrar og endurtakið
svo æfinguna með
vinstri fót útréttan.
Nú hafið þið áreiðan-
lega séð, hvað er mikil-
vægast í þessum mittis-
grennandi æfingum.
Þegar þið eruð búnar
að snúa upp á ykkur,
er aftur byrjað á hlið-
arbeygjunum. Notið alla
ykkar krafta, og gefizt
ekki upp á miðri leið.
Árangurinn kemur ekki
í ljós á einni viku, en
dagleg leikfimi og skyn-
samlegt (ekki of kol-
efnaríkt og ekki of feitt)
fæði er næstum því ó'-
brigðult, og með tíman-
uni fáið þið hið marg-
óskaða granna mittL
16 VIKAN