Vikan - 08.11.1962, Blaðsíða 5

komnir að hæðinni, þar sem hun er
blindust, en þá gefur steypubílstjór-
inn stefnuljós til vinstri — út af
veginum. Almennt gilti þetta sem
merki um það, að allt sé í lagi að
fara fram úr, hvað ég gerði. En
þegar ég beygði yfir á hinn vegar-
helminginn til þess að fara fram
úr honum, kemur bíll á fleygiferð á
móti, og mér rétt tókst að rífa minn
bíl aftur ínn á réttan vegarhelming.
Nú langar mig að spyrja: Hefði ég
lent í árekstri þarna, hvor hefði átt
sökina, ég eða steypubílstjórinn?
Það skal tekið fram, að ég hafði vitni
að því, að hann gaf stefnumerkið.
Vonast eftir svari sem fyrst.
ÖÞ.
— Líklega hefðir þú einn verið
í sök. Bílstjórinn á steypubílnum
hefði getað verið að gefa ein-
falt merki um það, að hann ætl-
aði að beygja til vinstri — það
vissir þú ekkert um. Þess vegna
var ekki hægt að hanka hann á
þessu. Auk þess sagðist þú hafa
vitað, að þarna væri blindhæð —
veiztu ekki, að það er bannað
að aka fram úr á blindhæð —
hvað sem hver segir? Þú mátt
ekki taka mark á duttlungum
annarra bílstjóra — fyrst og
fremst verðurðu að fylgja öku-
reglunum.
Hvenær byrja jólin? ...
Kæra Vika.
Við erum að velta því fyrir okkur,
hvort eigi að telja aðfangadaginn
með.þegar taldir eru þrettán dagar
til jóla. Ég segi, að jólin byrji ekki
fyrr en á aðfangadagskvöld, og
þegar komið er kvöld, er dagurinn
búinn, svo það hlýtur að eiga að
telja hann með. Kunningi minn seg-
ir hins vegar, að jólin byrji á að-
fangadag, og þess vegna sé Þorláks-
messa síðasti dagur fyrir jól. En
nú er það sagt um jólasveinana, að
þeir byrji að koma þrettán dögum
fyrir jól, og þeir byrja að koma
þann 12, ef marka má gömlu þjóð-
trúna. í fyrra voru bæði Mogginn
og Tíminn með jólasveina, og Mogg-
inn lét þann fyrsta koma 11. des-
ember, en Tíminn 12., eins og álitið
var í gamla daga. Ert þú svo fróð-
ur, Póstur, að þú getir tekið af
skarið?
Stekkjastaur & Kertasníkir.
— Ég er búinn að bera þetta
undir marga mér fróðari menn,
en sitt hef ég samt fengið svarið
hjá hverjum, svo að ekki treysti
ég mér til að leysa úr þessu.
Persónulega finnst mér, að við
eigum að taka mark á gamalli
þjóðtrú og skítt með alla skyn-
semi. Og þessi lógík með, að þeg-
ar komið sé kvöld sé dagurinn
búinn — dagurinn kannski, já,
en ekki mánaðardagurinn.
Hvaða fiskur? ...
Kæri Póstur.
Við erum að rífast um það þrjár,
hvað það þýði, að einhverjum vaxi
fiskur um hrygg. Hvaða fiskur er
þetta?
Lóa, Bára og Dídí.
■—- í þessari merkingu táknar
„fiskur“ vöðvi. Að vaxa fiskur
um hrygg er því í bókstaflegri
merkingu að fá bakvöðva, sem
sagt styrkjast og mannast. Merk-
inguna í orðinu fiskur höfum við
t. d. einnig í orðinu kinnfiska-
soginn.
kjæra vika
Mér langar til að spirja þig um
snýðaþjónustuna í vikunni Mér
finst hún ægilega sniðug og gott
að geta feingið sona sniðið firir sig
og so er það so ódírt að það er
alveg met það er bara eitt sem mig
lángar til að vita og það er að ef
manni lígar ekki ebnið getur maður
þá fengið pappírssnið so' maður geti
sniðið eftir þí sjálvur :?
Ég á tildæmis ægilega lekkert
ebni í kjól sem mér lángar til að
sauma úr og mig vantar snyð. Ég
á heima údi á landi og fæ einga
til að snýða firir mig þessvegna
vildi ég kauba pappírssnyð af
einkverjum kjól sem ég sé í
vikunni og gefa upp númer og
snýða svo efnið eftir því Er það
hægt kjæri póstur? Villtu svara
mér fljótt.
Snýðalaus.
Svar.
Þí myöur er ekki hægt að fá
pappícssnyð, kjæra snýðakona,
þí snýðakonan okkar á ekki nóu
sdórann pappír o so þarv hún
líga að selja ebnið sitt sem hún
er búin að kauba firir peningana
sýna.
SvaramaÖur
snýðaþjónusdunnar.
Góði Póstur!
Ég geri mér að sjálfsögðu ljóst
að Póstur og póstur er alls ekki
það sama, — sem betur fer, en samt
leyfi ég mér að skrifa þér, kæri
Póstur í þeirri von að þú getið
komið einhverju góðu til leiðar hjá
póstinum.
Að vísu má segja að það sé verið
að bera í bakkafullan lækinn að
ræða meira um póstþjónustuna okk-
ar en gert hefur verið, því allir
virðast hafa horn í síðu þeirrar
þjónustu. En það er sérstaklega eitt
atriði, sem ég man ekki til að nokk-
ur hafi minnzt á, en mér finnst þess
virði að um sé rætt.
Það er í sambandi við pósthólfin.
Það getur komið sér vel fyrir
marga ,og er raunar nauðsynlegt
að pósthólf séu til og notuð, enda
Framhald á bls. 41.
GERBÉRA
Hvað er Gerbéra? Gerbéra er blóm, sem upprunnið er frá Austur-
löndum. Var það fyrst innflutt til Frakklands árið 1889, ári eftir
að það fannst í gullnámu í Transvaal. Blómið Gerbéra hefur
ótrúlega mörg og fögur litbrygði og hefur ætíð frá því það
fannst, verið stolt allra blómaunnenda. ORLANE í París hefur
nú valið tvö litbrygði Gerbérablómsins sem tízkuliti fyrir hina
glæsilegu konu 1962. Litirnir eru: OR MAIS & OR RÓSE.
ORROSE: er sérstaklega ætlaður fyrir andlitsbjartar og ljós-
eygðar konur.
ORMAIS: er sérstaklega ætlaður fyrir konur dekkri yfirlitum
og dökkeygðar.
Gerbera línan samanstendur af:
Varalit naglalakki, mak up (Créme Vestale), steinpúðri (Royale
Laelia), Lausu púðri (Poudre de Beauty), allt í OR MAIS eða
OR ROSE tónum.
OKLANE
PARÍS
Útsölustaðir í Reykjavík:
Oculus
Stella
Sápuhúsið
Regnboginn
Tíbrá