Vikan - 15.02.1968, Blaðsíða 2

Samvinnuíryggingar haía lagt megináherzlu á
tryggingar fyrir sannvirði, góða þjónustu og ýmiss konar
fræðslu- og upplýsingastarfsemi.
í samræmi við það hefur bókin „Bíllinn minn“
verið gefin út árlega um nokkurt skeið. í hana er hægt
að skrá allan rekstrarkostnað bifreiðar í heilt ár. Auk
þess eru í bókinni öll umferðarmerkin og aðrar gagn-
legar upplýsingar fyrir bifreiðastjóra.
Bókin mun verða send, endurgjaldslaust, í pósti
til allra viðskiptamanna okkar, sem þess óska.
Látið því Aðalskrifstofuna í Reykjavík eða næsta
umboðsmann vita, ef þéróskið, að bókinverði send yður.
ÁRMÚLA 3, SÍMI 38500
SAMVirvrVUTRYGGIlXGAR
Þar sem engir
glæpir eru framdir
Eitt af því sem feslist í minni
útlendinga, þegar þeim er
sagt frá íslandi, er að þar séu
engir giæpir framdir svo að
heitið geti. Hugmyndaríkir
landar hafa ekki hikað við að
fullyrða, að í heimalandi
þeirra séu morð miklu sjald-
gæfari en eldgos, enda hefur
til skamms iíma verið óhætt
að slá slíku fram með býsna
góðri samvizku.
Undirritaður var fyrir
nokkru staddur á erlendri
grund ásamt fleiri íslending-
um — alla leið suður á
Egyptalandi. Eitt af því sem
gestgjafar okkar vissu um ís-
land var einmitt, að þar væru
engir glæpir framdir. Slíkt
þykir að sjálfsögðu tíðindum
sæta í lítt þróuðu Arabariki.
Við kinkuðum kolli — með
sigurbros á vör.
í London biðu okkar fréttir
að heiman: Ránmorð af fyrstu
gráðu; morðtilraun með hnífi;
þrír menn týndir!
Ekki eru tiltækar tölur um
fjölda morða hér á landi und-
anfarin ár, en í hinni nýju og
gagnmerku Tölfræðihandbók
Hagstofu íslands er að finna
þær upplýsingar, að á árunum
1911 1920 hafi tala morða og
manndrápa verið að meðaltali
á ári 0,9. Á árunum 1946—■
1952 voru þau hins vegar orð-
in 6,6.
Morð hér á landi eru því
miður löngu orðin fleiri en
eldgosin. Við getum ekki
lengur sett upp sigurbros, þeg-
ar útlendingar dást að fyrir-
myndarríki afkomenda vík-
inganna í þessum efnum.
Eftir hið grófa ránmorð, sem
framið var á dögunum, og enn
hefur ekki verið upplýst, þeg-
ar þetta er ritað, verður varla
lengur hjá því komizt, að í
framlíðinni verði hægt með
stuttum fyrirvara að ráða sér-
fræðing frá Scotland Yard —
til landsins „þar sem engir
glæpir eru framdir".
G. Gr,