Vikan - 14.09.1972, Blaðsíða 7

MIG DREYMDI
ÞRIR SÆGRÆNIR STEINAR
Kæri draumráðningaþáttur!
Mig langar að biðja þig að ráða fyrir mig draum, sem mig
dreymdi fyrir nokkru. Hann er svona:
Mér fannst ég horfa á hægri hönd mína. Var ég þá með
gullhring fremur breiðan, og i hann voru greyptir þrír sæ-
grænir steinar, mjög fallegir. Þeir voru allir af sömu stærð,
lögun og lit.
Þá sé ég ennfremur, að í hinni hendinni held ég á öðrum
þremur steinum, sem líka eru nákvæmlega eins. En sá
hængur var á, að.við tvo þeirra hékk gullvír eða smá hluti
úr hring, en ekkert við þann þriðja. Sg hugsa með mér: Ég
fer til gullsmiðs og bið hann að festa þessa tvo steina við
hringinn minn, en sá þriðji kemur ekki til; hann verður að
vera eins og hann er.
Þá vaknaði ég.
Með fyrirfram þökk fyrir ráðninguna.
SS.
Þetta er táknrænn draumur um framtíð þína, og ef hann
rætist, þarftu sannarlega engu að kvíða. Draumurinn er
mjög jákvæður og boðar þér giftingu. Steinamir þrír, sem
þú heldur á í lófanum, tákna fortíð ykkar beggja. Steinarnir
tveir, sem gullvír eða hluti úr hring hékk við, eiga við
hann, en þriðji steinninn á við þig. Kannski giftistu ekkju-
manni, sem á tvö börn?
STRÁKURÁHONDU
Kæri draumráðandi!
Mig dreymdi allfurðulegan draum í nótt, að mér finnst.
Og hér kemur hann:
Ég var að ganga með mömmu og mágkonu hennar að
heiman og að kaupstað. Þá kemur allt í einu strákur á
hondu-hjóli. Ég stanza hann og spyr hann, hvort ég megi
vera með til kaupstaðarins. Hann var svolítið tregur í fyrstu,
en svaraði síðan játandi.
Þegar við vorum komin til kaupstaðarins, bað ég hann að
stanza og gerði hann það. Eg settist niður á gangstéttar-
brún og beið eftir konunum, sem ég hafði verið með. Þá
bregður svo við, að hann fer af hjólinu, sezt við hliðina á
mér og við förum að tala saman.
Þegar konurnar voru alveg að koma, ætlaði hann að kyssa
mig, en hætti við það.
Allt í einu vorum við lögð af stað heim, ég, tvö systkini
mín, mamma og pabbi. Strákurinn kemur á eftir okkur og
er alltaf að hjóla þarna fram og til baka. Loks stanzaði hann
og fór af hjólinu.
Ég spurði hann um símanúmerið hans, en hann tók þá
upp gult umslag, sem nafn hans og heimilisfang var skrifað
á og neðst var einnig símanúmerið. Eg man alls ekki hvað
hann hét eða hvað hann var kallaður. Hann sagði, að ég
ætti að skrifa sér fyrst og fór að svo mæltu, og við héldum
öll áfram göngunni heim. Hann sagðist vera átján ára, en
leit út fyrir að vera sextán. Hann var grannur og með slétt
hár.
Jæja, ég ætla að vona, að þetta birtist og lendi ekki í
ruslinu. — Bless.
Ein sem heldur þetta vera draumaprinsinn.
Það er alls ekki fráleitt, að þetta sé draumaprinsinn þinn.
En foreldrar þinir og aðrir í f jölskyldunni koma skuggalega
mikið við sögu, svo að ekki kæmi það okkur á óvart, þótt
þú lentir í einhverjum erfiðleikum við þitt helmafólk, þeg-
ar þú byrjar að njóta sælunnar með honum.
I RJLLRIALVORU
SUMARLEYFI SKOLANEMENDA
Sumarleyfi skólanna er alltaf að styttast. Nú eru
það ekki lengur yngstu nemendurnir, þeir sem eru
að stiga sín fyrstu skref á liinni löngu og þyrnum
stráðu menntabraut, sem látnir eru hefja nám í
byrjun september, heldur einnig hluti menntaskóla-
nema. Þróunin virðist stefna í þá átt að lengja
skólaárið í líkingu við það sem tíðkast erlendis,
svo að nemendur útskrifist yngri en áður.
Skyldi þetta vera heillavænleg þróun? Sú skoðun
hefur nýlega komið fram, að hið langa sumarleyfi
okkar sé höfuðorsök vaxandi drykkjuskapar með-
al æskufólks. Röksemdin er sú, að unglingarnir
vinni sumarmánuðina og fái dágott kaup margir
hverjir og sé leyft að ráðstafa því að eigin vild.
Of mikil fjárráð unglinga er ef til vill ein orsök
vaxandi drykkjuskapar, en þær hljóta að vera
miklu fleiri. Hið langa sumarleyfi skólafólks hef-
ur tíðkazt hér á landi í áraraðir og gert mörgum
efnalitlum nemendum kleift að ganga menntaveg-
inn. Og kostir þessa skipulags eru fleiri: Skólafólk
kynnist snemma atvinnulífinu og tileinkar sér þann
lærdóm og þroska, sem felst í þvi að vinna fyrir
sér. Verðandi læknar, lögfræðingar, prestar og
kannski stjórnmálamenn hafa áreiðanlega gott af
því að liafa unnið i hópi alþýðu manna, — i verka-
mannavinnu, við bjTggingar eða til sjós. Þetta fyrir-
komulag er ef til vill ein ástæða þess, að hér á landi
er stéttaskipting ekki eins áberandi og víða erlendis.
Eitt af mörgum vandamálum, sem kennarar
])urfa að glíma við í starfi sínu, er námsleiði nem-
endanna. Skyldi hann ekki aukast til muna, ef
skólaárið verður lengt og sumarleyfið verður að-
eins einn mánuður eða svo?
Erlendar fyrirmyndir eiga ékki alltaf vel við ís-
lenzkt þjóðfélag. Við þurfum að sniða okkur stakk
eftir vexti. Sumarleyfisfyrirkomulag skólanna hef-
ur verið við lýði hér á landi lengi, og þótt gallar
þess kunni að vera einhverjir, eru kostirnir fleiri.
í skólamálum okkar liefur um nokkurra ára
skeið staðið yfir tímabil tilrauna og breytinga. Svo
langt er gengið, að menntaskólarnir hafa nú hver
sitt kennslufyrirkomulag, þótt takmark þeirra allra
heiti enn sama nafninu — stúdentspróf. Margar
þær nýjungar, sem fitjað hefur verið upp á, eru
vafalítið til bóta, þótt aðrar orki tvímælis.
1 þessu mikla umróti breytinga og hugmynda,
sem ætlað er að svara kröfum nýs tíma, verður
vonandi síðast hróflað við þvi gamla og góða skipu-
lagi — að skólafólk fái langt og gott sumarfri.
G. Gr.