Vikan - 03.05.1979, Blaðsíða 62
PÓSTlJRIiW
Hjúkrunarnám
og hin fagra
Ólivía
Hæ Póstur!
Ég hef skrifað þér tvisvar
sinnum, en þú hefur ekki
svarað nema öðru bréfinu, svo
að ég vona, að þú svarir þessu
bréfi, eða reynir það að
minnsta kosti.
Ég cetla nú ekki að spyrja
þig um neina hjálp í mínum
ástamálum, því fram úr þeim
get ég ráðið sjálf En hér koma
spurningar um hjúkrunarnám:
Hvaða undirbúningsmenntun
þarf maður að hafa til að
komast í Hjúkrunarskóla
íslands eða í Háskólann til að
læra hjúkrun? Hvað þarf
maður að vera gamall? Þarf
maður að vera búinn að starfa
eitthvað á sjúkrahúsi?
Ef það er eitthvað fleira, sem
ég hef ekki spurt um í
sambandi við námið, máttu
gjarna segja mér það.
Jæja, þá er að snúa sér að
öðrum spumingum:
Hvaða dag á Pétur
Pétursson afmæli? Hver eru
heimilisföng eftirtalinna enskra
liða í fyrstu deild: Arsenal,
Liverpool og Leeds United?
Jæja, ég ætla þá að hætta
þessu spurningaflóði, og að
lokum ætla ég að gefa þér
heimilisfangið hennar Ólivíu
fögru, svo að þú getir skrifað
henni og beðið hana um
áritaða mynd:
Olivia Newton-John
c/o Lee Kramer Productions
9229 Sunset Blvd.
Los Angeles
California 90069
U.S.A.
Jæja, ein spurning að lokum,
BARA EIN: Hvar fékkstu
heimilisfangið hjá John
Travolta? Bið að heilsa þér og
vona, að þú skilir því til rétts
aðila. Bless.
Ein í góðu spurningastuði
P.s. Vikan er mjög gott blað og
Pósturinn auðvitað bestur (ef
þú svarar þessu bréfl, annars
ekki)! Afsakaðu villurnar, ef
þær eru einhverjar.
Pósturinn stóðst ekki freisting-
una, að vera bestur er nú alltaf
það allra besta! Og allar þínar
villur fyrirgefast í snarheitum.
Til þess að komast inn í
Hjúkrunarskóla íslands þarf
helst stúdentspróf, en það er þó
breytilegt eftir fjölda
umsækjenda. Lágmarksaldur er
átján ár, sem að sögn þeirra hjá
Hjúkrunaskólanum er alveg í
það minnsta. Ef umsækjendur
eru fáir með stúdentsmenntun
er möguleiki að komast inn i
skólann með próf úr hjúkrunar-
kjörsviði grunnskóla. í
hjúkrunarnám í Háskólanum
þarf stúdentspróf eins og í aðrar
deildir hans. Engin skilyrði eru
sett um störf á sjúkrahúsi
áður en nám hefst á þessum
tveimur stöðum, en það er þó
fremur talinn kostur. Því miður
er lífsins ómögulegt að segja þér
hvenær hann Pétur Pétursson á
afmæli, því þú getur ekkert um,
hvaða Pétur þú átt við. Hér á
landi eru þeir talsvert margir
með þessu nafni. Heimilisföng
enskra liða eru Póstinum hrein-
asti leyndardómur, en þetta eru
svo þekkt lið að líklega kæmist
bréf til þeirra til skila, þótt
heimilisfangið vantaði. Þakka
þér kærlega fyrir heimilisfang
Óliviu fögru, kannski Pósturinn
sendi henni áritaða mynd af sér,
henni til skemmtunar. Gettu
bara hvaðan heimilisfang Jóns
vinar Óliviu kom — frá öðrum
pennavini auðvitað!
Maður drepst bara
einu sinni
Kæri Póstur minn!
Ég er í öngum mínum, ég vildi helst ganga útog hengja
mig. Jœja, hvað með það, maður drepst bara einu sinni sem
betur fer. Sko, ég er með 18 ára strák, og hann drekkur
svolítið mikið. Eg þoli það mjög illa, ég er alltaf að reyna
að fá hann til að hætta þessari vitleysu (ég er með ofnæmi
fyrir víni), en hann hlustaði ekki á migfyrst. Hann er ekki
búinn að drekka í tvær vikur, sem ég kalla gott miðað við
það, hvað hann drakk, en ég er svo hrædd um, að hann
byrji aftur á þessu. Hann verður alltaf, eða oftast, vitlaus
og lemur bara frá sér. Ég vil ekki þurfa að segja honum
upp vegna þessarar vitleysu hjá honum, svo að hvað á égað
gera út af þessu? Svo er það annað. Það er 19 ára strákur
alltaf að reyna við mig. Á ég að taka hann eða hinn fyrr-
nefnda, en þessi 19 ára drekkur ekki eins mikið. Ég er 13
ára. Þú mátt ekki taka það þannig, að ég sé óþroskuð á
líkama og sál. Ég vona, að þú birtir þetta bréf, en ég hef
aldrei skrifað þér áður.
Þinn viðskiptavinur, Laufey G.
Þú ættir að biða aðeins með að hengja þig, því þú ert ekki
nema þrettán ára og þá hefurðu timann fyrir þér. Þar að auki
er þér heldur lítil alvara, þegar þú segir þetta, og það væri
sjálfri þér fyrir bestu að venja þig af slíkum hótunum hið
fyrsta, því ella gæti farið svo að enginn tæki mark á þér, ef þú
ættir siðar við slíka erfiðleika að etja. Þessar hótanir benda því
miður einmitt til þess að þú sért fremur óþroskuð andlega og
það sé þér gersamlega ofviða að standa i föstu sambandi við
einhvern þetta miklu eldri, sem þar að auki drekkur of mikið.
Þér væri örugglega fyrir bestu að reyna að gleyma þeim
báðum og láta líða langan tíma áður en þú bindur þig ein-
hverjum ákveðnum á nýjan leik.
Langar að gerast
áskrrfendur
Kæri Póstur!
Við erum tvœr svakalega
forvitnar stelpur, sem hafa
aldrei skrifað þér áður. Okkur
langar báðar að gerast
áskrifendur að Vikunni í eitt ár,
en vitum ekki hvað það kostar
og ekki, hvar við getum
tilkynnt, að okkur langi að
gerast áskrifendur. Getur þú
ekki, elsku Póstur, frætt okkur
um það? Hvað lestu úr
skriftinni, oghvað heldurðu, að
við séum gamlar?
26 og 32
Það er bara ekkert sjálfsagðara
en að gefa ykkur upplýsingar
um hvað þið þurfið að gera til
þess að gerast áskrifendur að
Vikunni. Afgreiðsla og dreifing
er i Þverholti 11 og síminn þar
er 27022. Þar gefið þið upp nafn
og heimilisfang og innan
skamms ættuð þið að vera
orðnar einar af hinum mörgu og
hamingjusömu áskrifendum
okkar hér á Vikunni. Áskriftar-
verðið er 15.000 krónur fyrir 26
tölublöð hálfsárslega. Þið eruð
annaðhvort fjórtán eða fimmtán
ára og úr skriftinni má lesa
óslökkvandi áskriftarlöngun.
Kate Bush
Kæri Póstur!
Ég hef ekki skrifað þér áður.
Mig langar að fá að vita
heimilisfang söngstúlkunnar
Kate Bush. Er hún gift? Er
hægt að fá pennavin í Síberíu,
og i hvaða tímarit getur maður
62 Vlkan 18. tbl.