Vikan - 05.07.1979, Síða 31
MANNAKORN
Nýjasta hljómplata Mannakorns,
Brottför klukkan 8, hefur vakið verð-
skuldaða athygli. Hvers vegna verður
ekki rakið hér, við látum poppgagnrýn-
endur dagblaðanna um það, þó virðist
ástæðan fyrst og fremst skemmtileg lög
og textar sem eru ekki alveg út í hött
eins og viljað hefur brenna við hjá is-
lenskum hljómplötuinnspilurum.
Hópurinn sem myndar Mannakorn á
þessari plötu er ekki að spila saman í
fyrsta sinn, heldur hefur hann verið
meira og minna að tralla saman siðast-
liðin 10—15 ár. Magnús Eiríksson, laga-
smiður, gítarleikari og textasmiður,
hefur lengst af verið höfuð hópsins.
Hann er 32 ára gamall, tveggja barna
faðir, giftur og starfar í hljóðfæraversl-
uninni Rín. Hann er ekki allsendis
ómenntaður í músíkinni því um tima
stundaði hann nám í klassískum gítar-
leik í tónlistarskólanum en segist þó
hafa lært mest á því að spila með
þessum hóp sem áður var getið.
Björn Björnsson heitir trommuleikar-
inn og þó hann sé ekki sá þekktasti á
landinu þá hefur hann þó verið að berja
húðir að meira eða minna leyti allt frá
árinu 1960. Um tíma lék hann með
Pónik en hefur þó mest verið með
Magnúsi Eiríkssyni og félögum. Hann
hefur aldrei haft tónlistina að aðalstarfi
heldur unnið almenn skrifstofustörf frá
9—5 og kvöldin því verið tími trumbn-
anna.
Baldur Már Arngrimsson gítarleikari
hefur leikið með hinum ýmsu hljóm-
sveitum í langan tíma, gott ef ekki sást til
hans með Lúdó og Stefáni í Þórskaffi
fyrir skömmu. Baldur Már var þó ekki
mikið við gítarinn meðan á upptökum á
Brottför klukkan 8 stóð, heldur einbeitti
hann sér að stjórnborðum hljóðversins,
en hann mun einmitt vera að nema hljóð-
stjórn og annað hjá Hljóðrita í Hafnar-
firði um þessar mundir.
Bassaleikurinn er í höndum Jóns
Kristins Cortes tónlistarkennara, þó
annar vel þekktur bassaleikari, Pálmi
Gunnarsson, hafi lengi verið í hópnum,
en á plötunni heldur Pálmi sig mest að
söngnum. Pálma þarf ekki að kynna,
það þarf ekki annað en að kveikja á út-
varpinu til að kynnast honum. Ellen
Kristjánsdóttir sér um kvenraddir og
Eyþór Gunnarsson leikur sér á hljóm-
borðin. Eyþór þessi er lítt kunnur enn
sem komið er en hann mun hafa leikið
með hljómsveitinni Tivolí ásamt Ellen
og fleirum. Því miður er hann ekki með
á opnumyndinni sem birtist á næstu
síðum en þar er í hans stað Magnús
Kjartansson sem, eins og hinir, er gam-
all Mannakornsmaður ef við notum það
nafn yfir hópinn. Að sögn Magnúsar,
sem er sérlega ræðinn maður, hefur
þessi tónlistarhópur Magnúsar Eiríks-
sonar gengið undir hinum ýmsu nöfnum
og fóru þau yfirleitt eftir því fyrir hvern
og hvar átti að leika. I fínni húsum hét
hljómsveitin gjarnan Hljómsveit Pálma
Gunnarssonar eða Hljómsveit Baldurs
Más Arngrímssonar. Ef spila átti fyrir
róttæka menntaskólaunglinga dugði
... gamall kjarni sem hefur
heitið ýmsum nöfnum og
leikið alls kyns tónlist.
ekkert minna en Blues Company. Svo
hét þessi hópur, sem sjaldnast saman-
stóð af sömu mönnunum, jafnvel Lísa.
Allt um það. í dag kalla Magnús
Eiríksson og félagar sig Mannakorn og á
næstu opnu má sjá mynd af þeim sem
ljósmyndari VIKUNNAR náði af
hópnum er hann var að leggja af stað í
ferðalag, nákvæmlega klukkan 8 um
kvöld. Ferðinni var heitið alla leið til
Stykkishólms og því þótti hljómsveitar-
stjóranum vissara að vera á traktornum.
EJ.