Vikan - 30.08.1979, Blaðsíða 36
Nágranni okkar á
neðri hæðinni selur húsgögn
ÍWmif:
Eins og fram hefur komið, er ritstjórn
Vikunnar flutt i nýtt og betra húsnæði að
Síðumúla 23 úr húsnæði í nábýli við Dag-
blaðið að Síðumúla 12.
Hér erum við í nábýli við húsgagna-
verslunina Dúnu, og sem forvitnum blaða-
snápum sæmir, bönkuðum við upp á hjá
eiganda verslunarinnar, Öskari Halldórs-
syni. Hann hefur um árabil flutt til landsins
ákaflega vinsæl húsgögn, sem bera nafnið
Old Charm, framleidd í Bretlandi eftir alda-
gömlum hefðum og fyrirmyndum.
„Ég er búinn að flytja þessi húsgögn til
landsins í sjö ár og svo virðist sem fólki líki
þau ákaflega vel,” sagði Óskar í stuttu
spjalli við Vikuna. „Sumt fólk hefur keypt
jafnvel heila borðstofu með öllu saman, en
flestir láta sér nægja að bæta smám saman
við sig.”
Óskar sagði, að húsgögnin væru fram-
leidd eftir fyrirmyndum og með svipuðum
aðferðum og gert hefði verið allar götur frá
því um 1580, en sá væri munurinn, að
mörgum hlutum væri breytt þannig, að
þeir hefðu nútímalegra notagildi, eins og
t.d. kistum, sem breytt væri í skáp fyrir
sjónvarp! Slíkt hefði ekki verið uppháflegi
tilgangurinn.
„Hvort ég hef samviskubit vegna þess að ég
flyt inn húsgögn? — Ég er sjálfur fram-
leiðandi að húsgögnum og ég lít fyrst og
fremst á mig sem kaupmann í þjónustu við
mína viðskiptavini. Framboð af hús-
gögnum hefur orðið til þess að skerpa
innlenda framleiðslu og þetta er allt saman
háð eftirspurn. Sumum likar þessi húsgögn
og öðrum ekki og þeir velja þá eitthvað
annað. Erlend húsgögn eru eilítið dýrari en
innlend, bæði vegna samkeppninnar innan-
lands og eins vegna þess, að það er meira í
þau erlendu lagt, betri viður og þar fram
eftir götunum. En þetta er allt háð eftir-
spurn og meðan hún er fyrir hendi, þá flyt
ég inn húsgögn,” sagði Óskar. -HP.
36 Vtkan 35. tbl.