Vikan - 30.08.1979, Blaðsíða 41
Gömui
VON
VIKAN OG
NEYTENDA
SAMTÖKIN
húsgögn fá nýtt
Uppi á háalofti eða í kjallaranum — heima eða hjá vinum og
kunningjum, á fornsölunni eða flóamörkuðum er oft að finna
sterk og góð húsgögn, enda þótt áklæði þeirra og setfletir hafi
séð betri daga. Slík húsgögn má oft fá fyrir lítinn pening, eða
jafnvel gefins, og með dálítilli vinnu og mikilli ánægju má
endurnýja húsgögnin og nýta á sérstakan hátt á heimilinu.
Mikið hefur verið um það rætt að spara
við sig orku og um leið að gæta þess að
nota ekki of mikið af því sem jarðarkringla
vor hefur upp á að bjóða. Þetta getur hver
og einn gert, m.a. með því að nýta betur þá
hluti sem fyrir eru, t.d. gömul húsgögn.
Margir horfa aðeins í þá aura sem varið
er í viðgerðir og lita á þann heildarhagnað,
sem verkið gefur af sér, áður en þeir ákveða
að leggja út í viðgerðir. Þeir hinir sömu
ákveða heldur að vinna aukavinnu og
leggja harðar að sér til þess að geta keypt
nýja hluti og hent hinum gömlu. Menn
gleyma þeirri ánægju, sem er því samfara
að vinna við slíka hluti, að vera með fjöl-
skyldunni við sameiginlegt átak. Það eru
hlutir sem ekki verða mældir í peningum.
Ef nágrannar og vinir hjálpast að, t.d.
með verkfæri eða að rétta hjálparhönd við
vinnuna, skapar það aukinn samgang og
gæti orðið tilefni til frekari kynna, sem oft
eru merkilega lítil, enda þótt mikill fjöldi
fólks búi í næsta nágrenni hvert við annað,
svo sem í stórum fjölbýlishúsum.
Húsgögn, sem endurnýja á og jafnvel
bólstra á ný, eiga að vera verulega heilleg
og stöðug, með góðu fylliefni og fjöðrum
og hafa mikið notagildi. Húsgögnin eiga
ekki að vera of þung og plássfrek. Það á að
vera gott að sitja í stólum og borð eiga að
vera i réttri hæð. Farið ekki að eyða pen-
ingum og vinnu í að gera upp útslitin hús-
gögn (ískrandi fjaðrir og lausar lappir) eða
húsgögn sem hafa augljóslega lítið nota-
gildi. Og munið að ráðast í endurnýjun á
einföldum húsgögnum í upphafi. Yfirfyllt
húsgögn með mörgum ávölum flötum, t.d.
hvelfdir sófar og stólar, eru mun erfiðari í
bólstrun en einfaldir „ferhyrndir” stólar
með tréörmum.
Þýð.: HP. Birt isamráði
við Neytendasamtökin.
Úr Forbruker rapporten.
Að endurnýja
borðstofuborð og fjóra stóla
Að endurnýja gömul hús-
gögn krefst tíma þolinmæði og
svolítillar fingrafimi. Forvinnan
tekur lengstan tíma. Að fjar-
lægja gamalt lakk, málningu
eða áklæði getur verið tíma-
frekt og erfitt, en að það sé vel
gert er mjög þýðingarmikið
fyrir endanlegan árangur.
Ef höndum hefur verið kast-
að til forvinnunnar verður
árangurinn eftir því.
Ef þú hefur hæfileika til allr-
ar einfaldrar vinnu, t.d. að
sauma kjól eða gera við bíl,
veggfóðra eða mála herbergi,
getur þú einfaldlega bólstrað
húsgögn.
Rétt er að viðra og bursta
vel gömul húsgögn, áður en
lagt er í endurnýjunina. Endur-
bólstrunin verður að gerast í
réttri röð og það er því þýðing-
armikið að setja á sig, hvernig
gamli stóllinn var bólstraður
um leið og gamla bólstrunin er
tekin af.
Til þess að ráðast ekki í of
mikið tókum við fyrir gamalt
borðstofuborð og stóla.
Ákveðið var að mála húsgögn-
in. Borðplata borðstofuborðsins
var margskemmd eftir högg og
með rispum. Auk jsess voru
horn þess rúnnuð, sem var til
trafala. Hefði borðið verið með
réttum hornum hefðum við
auðveldlega getað sett á það
plötu úr plasti og nýja kant-
lista, sem er gáfulegt fyrir
barnafjölskyldur.
Stólarnir voru úr eik með
krossviðarbaki. Þeir voru lakk-
aðir og seturnar klæddar leður-
líki. Seturnar voru fylltar með
bómullarefni. Bómullarefnið
„andar” og er því þægilegra að
nota það við leðurlíki, sem auð-
veldlega verður rakt. Hins vegar
er einfaldara að hreinsa plastefn,
en ofið efni og vilji maður hafc
það er hægt að sauma einfalda
hlíf eða hettu til þess að not£
hversdags.
Aðferðirnar við að endur
nýja stólana og borðið eru þæi
sömu. Hér sýnum við vinnuna
við einn stólanna, þar sem á
þann hátt er bæði hægt að
sýna vinnu við tréverkið og
stólseturnar.
35 tbl. Vikan 41