Vikan - 13.06.1985, Síða 28

17. JUNI
Þiö vitið liklega öll að þjóðhátíðardagurinn okkar
er fram undan eða þann 17. júní. Flestir vita líka að
þá er mikið um að vera. Það eru haldnar úti-
skemmtanir víðs vegar um landið og mikið dansað
og trallað. Krakkar fá yfirleitt að kaupa sér fána, rellu
eða blöðru og svo er auðvitað í lagi að borða nokkra
isa 17. júní eða sporðrenna svo sem eins og einni
pylsu og drekka gos með.
En þjóðhátíðardagurinn okkar er líka kallaður lýð-
veldisdagurinn vegna þess að hann er hátíðisdagur
til minningar um lýðveldisstofnun á íslandi árið 1944.
Lýðveldið var nefnilega stofnað á Þingvöllum 17. júní
árið 1944 og þann dag var líka fyrsti forseti okkar
kjörinn en hann hét Sveinn Björnsson. 17. júní var val-
inn vegna þess að þann dag fæddist Jón
Sigurðsson, en hann var mjög duglegur i þjóðmála-
baráttu íslendinga. Hann var kallaður Jón Sigurðs-
son forseti vegna þess að hann var forseti Alþingis.
Jón Sigurðsson fæddist árið 1811 og 100 árum
seinna eða árið 1911 var haldin minningarhátíð í
Reykjavík í tilefni af 100 ára afmæli hans. Þá var í
fyrsta skipti lagður blómsveigur frá íslensku þjóðinni
við minnisvarða hans við Austurvöll, en það hafa
kannski einhver ykkar séð gert ef þið hafið verið niðri
í bæ í Reykjavík 17. júní. Eftir þennan 17. júní árið
1911 og alveg þar til lýðveldið var stofnað árið 1944
var árlega haldin frjálsíþróttakeppni í minningu Jóns
Sigurðssonar þannig að það var búið að nota 17. júní
nokkuð lengi sem nokkurs konar dag þjóðarinnar
áður en lýðveldið var stofnað árið 1944. Nú skuluð
þið endilega spyrja afa ykkar og ömmur, já, eða jafn-
vel pabba og mömmu, hvernig var 17. júní hjá
þeim árið 1944. Góða skemmtun 17. júní 1985!