Vikan - 03.10.1985, Blaðsíða 9

\s
í NÆSTU VIKU:
Ragnhildur Helgadóttir
prýðir forsíðu næstu Viku. Það gekk ekki þrautalaust að ná viðtali og
myndum af þessari önnum köfnu konu og vafalaust eru þeir margir
sem hafa áhuga á að kynnast viðhorfum hennar.
Hafið er heimili hennar
Hún hefur siglt um heimsins höf í tæplega þrjátíu ár. Norska flutn-
ingaskipið hennar er 124 þúsund tonn og þar býr hún í fjóra mánuði í
senn en kemur þá í land í fjögurra mánaða frí. Hún á heimili í
Noregi, „í Hamborg”, á íslandi og síðast en ekki síst hafa skipin sem
hún hefur siglt með í gegnum árin verið heimili hennar. Hún heitir
Hjördís Sævar, útskrifaðist úr Loftskeytaskólanum árið 1954 og
komst fyrst íslenskra kvenna sem loftskeytamaður á togara. Stríðið í
Belfast, partí á hafinu og japönsku stúlkurnar í höfnunum í Japan er
meðal þess sem ber á góma í viðtali við Hjördísi í næstu VIKU.
Hipparnir og '68 kynslóðin
Það er nógu stutt síðan hipparnir og ’68 kynslóðin settu svip á
bæinn til að umræða um þá fari í taugarnar á sumum, nógu langt
síðan til að þessi þjóðfélagsfyrirbæri hafa nú þegar eignast dýrðar-
ljóma fortíðarinnar. I næstu Viku verður litið á hippana og ’68
kynslóðina, sem vel að merkja er alls ekki endilega sama fyrirbærið.
„Ungdómur á barmi glötunar eða það sem koma skal?” spurðu
blöðin þá. Sagnfræðingar dagsins geta upplýst að í rauninni var þetta
sitt lítið af hvoru en þó aðallega hvorugt.
Víggirt sendiráð í landi lýðræðis
heitir grein eftir Oskar Magnússon í Washington. Hann gengur þar á
milli sendiráða og segir frá. (Það er líka mynd af íslenska
sendiráðinu.)
Meðal annars efnis i næstu Viku má nefna grein um nælur, tisku, grein i
flokknum Nokkur spursmál. . . eftir Einar Kárason rithöfund. Og það
er Sjón sem er á öðrum fæti i þeirri Viku.
VILLEROY& BOCH
í BAÐHERBERGIÐ:
Flisar á veggi og gólf, blöndunartæki, hreinlætis-
tæki, hvita línan, gráa línan. Allt sem er nýjast og
best færðu auðvitað hjá okkur.
Á GÓLFIÐ:
Teppi og flísar við allar aðstæður. Þú kemur og velur
þér flísar og gólfteppi og óskir þú eftir sendum við
þér vana menn sem sjá um mælingu og lögn.
GREIÐSLUSKILMÁLAR:
Allar vörur og þjónusta verslunarinnar fást á okkar
góðu greiðsluskilmálum, svo sem 20% útborgun og
eftirstöðvar á allt að 10 mánuðum.
ÞAÐ BORGAR SIG AÐ
KOMAÍ HAFNARFJÖRÐ.
TS
MCirmaBvggingavöru, hf.
Reykjavíkurvegi 64. Hafnarfiröi, sími53140.
Opið alla
laugardaga
kl. 10-12
40. tbl. Vikan 9