Vikan - 28.05.1987, Síða 34

Ingi Björn Albertsson er nýtt nafn á þingmannalistanum. Hann er fæddur í Nice í
Frakklandi 3. nóvember 1952, þannig að hann verður með þeim yngstu á þinginu,
aðeins þrjátíu og Ijögurra ára gamall. Ingi Bjöm hefur gegnt forstjórastarfi síðast-
liðin þrettán ár í fyrirtæki föður síns, Alberts Guðmundssonar, en nú munu þeir
feðgarnir setjast saman á þing. Reyndar hefur ævi Inga Björns lent í svipuðum
farvegi og föður hans. Vom það tilviljanir sem réðu því eða var það einmitt það
sem hann vildi? í þessu Vikuviðtali segir Ingi Björn frá sjálfum sér, íjölskyldunni,
fótboltanum, fyrirtækinu og pólitíkinni, sem hann lenti í nánast fyrir tilviljun.
Þetta var hálmstrá
sem aðilar innan
Sjálfstœðisflokksins
voru lengi búnir að
bíða eftir.
Ingi Björn hefur stjórnad fyrirtæki
födursíns í þrettán ár. Það varþetta
fyrirtæki sem augu landans beindust
að mánuði fyrir kosningar.
„Ég var á þriðja ári þegar við fluttum heim
frá Frakklandi þannig að ég man ekkert frá
þeim árum. Þegar við komum heim bjuggum
við fyrst i Mávahlíð en fluttum síðan inn á
Hraunteig og gekk ég allan barnaskólann í
Laugarnesskólann. Við bjuggum þarna innfrá
í tólf eða þrettán ár áður en við fluttum á
Laufásveginn. Síðan var ég einn vetur í Voga-
skóla áður en ég fór í Verslunarskólann og
tók þaðan verslunarpróf,“ sagði Ingi Björn
er hann var spurður út í æskuárin ,og síðan
bætti hann við: „Minningar mínar úr æskunni
eru aðallega tengdar fótboltanum. Strax fimm
ára gamall var ég farinn að æfa með Val og
var níu ára þegar ég keppti í fyrsta skipti í
opinberum leik, sem var úrslitaleikur í haust-
móti fimmta flokks A við KR úti á KR velli.
Heppnin var með mér því ég náði að skora
eina mark Vals í leiknum þannig að upphafið
á ferli mínum sem knattspyrnumanns var
gott, það er titill og sigurmark í fyrsta leik.“
Tveimur árum eftir að Ingi Björn lauk námi
í Verslunarskólanum hélt hann til Frakklands
og fékk þar starf í koníaksverksmiðju, þar sem
hann kynntist öllum þrepunt koníaksvinnsl-
unnar. „Ég fékk tækifæri til að fara í gegnum
allt starfið, frá verksmiðjuvinnunni upp í
skrifstofustörfin. Við erum umboðsmenn fyrir
þetta koníak og það var ákveðið starf sem
þarna bauðst og ég þáði. Ætli ég hafi ekki
verið tvítugur þegar ég fór til Frakklands og
var þar í eitt ár.“
- Varstu þá ekki farinn að spila með lands-
liðinu?
„Jú, ég var líklega átján ára þegar ég spil-
aði fyrsta landsleikinn."
- Þér hefur ekki dottið í hug að fara út í
atvinnumennsku?
„Nei, í rauninni ekki. Mér stóð það til boða
en hafði ekki neinn raunverulegan áhuga á
því.“
- Hvaðan fékkstu boð?
„Það var meðal annars frá Skotlandi, Belg-
íu og Frakklandi. Ég var ntikill fótboltaá-
hugamaður en þó ekki þannig að ég vildi
gera það að lifibrauði mínu.“
- Tókstu þá að þér stjórn heildverslunar-
innar þegar þú komst heirn frá Frakklandi?
„Ég kom heim árið 1973 og fór beint hingað
inn í fyrirtækið og hef verið hér síðan. Ég tók
við stjórninni fljótlega eftir að Albert fór inn
á þing 1974.“
Heildverslun Alberts Guðmundssonar er
innflutningsfyrirtæki. Meðal þess sem fyrir-
tækið flytur inn er áfengi, vinnuvélar, peninga-
og skjalaskápar, drykkjarvörur og sælgæti svo
eitthvað sé nefnt. Þennan mánudagsmorgun.
sem við Ingi Björn ræddum saman, var rólegt
yfir skrifstofunni og hann eini starfsmaðurinn
sem var við. Reyndar kom í ljós að þau eru
aðeins tvö sem þarna starfa fyrir utan sölu-
menn sem meira eru úti við. Samt hafa augu
landans beinst að þessu að þvi er virðist litla
fyrirtæki og það hefur haft víðtæk áhrif á
stjórnmál landsins. Skrifstofan er ekkert sér-
lega hlýleg og frekar gamaldags. Uppi á
stórum skáp bak við stól Inga Björns trónar
fugl einn mikill á steini.
- Er þetta tákn Sjálfstæðisfiokksins sem
þú hefur hér yfir höfði þér?
„Nei, ætli þetta sé ekki frekar Valurinn,“
svarar Ingi Björn um hæl og brosir. Það varð
til þess að snúa umræðunni að pólitík.
- Hver á að hugsa um fyrirtækið nú þegar
þú ferð á þing?
„Fyrirtækið heldur bara áfram að vera til
og vonandi dafna. Það er í ágætum farvegi
eins og er og það er spurning hvort það getur
ekki haldið áfram sem slíkt. Ef annað kernur
í Ijós þá bregðumst við við því.“
- Heldur þú að þú annir bæði þingmennsk-
unni og stjórnunarstörfum hér?
„Það verður bara að koma í ljós. Ef fyrir-
tækið kemur til með að trufla mig við
þingmennskuna gerum við ráðstafanir til að
svo verði ekki."
- Áttir þú von á að fara inn á þing?
„Allir sem setjast i fyrsta sæti á framboðs-
lista hljóta að gera það með ákveðið takmark
í huga. Það er bara eins og með íþróttamenn,
þeir fara ekki í leikinn til að tapa honum."
- Þú getur ekki neitað að allar þessar breyt-
ingar, sem gerast hjá ykkur á örfáum dögum,
hljóta að hafa breytt heilmiklu. Þú hafðir
ekki lengi barist til að komast inn á þing og
átt ekki pólitíska fortíð? Varstu pólitískur eða
flokksbundinn?
„Ég sjálfur hef aldrei verið í Sjálfstæðis-
flokknum og ber engar taugar til hans frekar
en annarra flokka. Eg hef verið pólitískur í
laumi en hef ekkert verið að útvarpa því. Ég
hef fylgst með því sem hefur verið að gerast,
sérstaklega ef eitthvert stærra mál hefur kom-
ið upp. Oft hef ég kornið niður á þing og
hlustað á umræður ef þar hafa verið einhver
hitamál i gangi. Eins er um annað fólk, það
leggur eyrun við ef það á von á einhverjum
hita og æsingi. Ég fylgdist náttúrlega vel með
Hafskipsmálinu meðan það var. Annars hef
ég oft komið niður á þing í tengslum við Al-
bert og ef ég hef ekki náð honum hef ég sest
niður og hlustað á umræður sem eru i gangi."
- Þegar Hafskipsmálið kom upp sagði
Steingrímur Hermannsson að ef Albert hefði
34 VIKAN 22. TBL