Vikan - 22.10.1987, Blaðsíða 70

Yfirleitt eftir að sennur höfðu keyrt úr hófi fram
þá snaraðisthúsbóndinn út, sem ég annars held
að hafi verið hæglætismaður, og tók til við að
bóna bílinn....
Hraðakstur rakinn til kynlífsvanda
Það er sífelld umræða um
hin mörgu og slæmu slys og
óhöpp í umferðinni. Stöðugur
áróður fyrir bættri umferðar-
menningu sem svo er kölluð,
virðist að litlu haldi koma. Öll-
um er Ijóst að alltof mikill hraði
í akstri er megin bölvaldurinn,
og því meiri hraði því verri
verða slysin. Svo að segja dag-
lega verðum við vitni að æðis-
legum framúrakstri. Sama
vandamál er við að stríða með
öðrum þjóðum.
( hinum vísa Mogga las ég fyrir
skömmu yfirlýsingu frá Júrgen
Warnke samgönguráðherra Vest-
ur-Þýskalands sem hafði skýring-
ar á of hröðum akstri á reiðum
höndum. Hann taldi að þeir Vest-
ur-Þjóðverjar sem keyrðu of hratt
ættu oft á tíðum við kynlífsvanda
að stríða.
- Ófullnægja í kynlífi leiðir oft-
lega til hraðaksturs, er haft eftir
Warnke í Bonn. Vafalaust vel
ígrunduð og vísindalega könnuð
fullyrðing. Ýmsir þingmenn í
stjórnarandstöðu tóku meira að
segja undir með Warnke ráðherra
og kváðust telja að hraðakstur
mætti oftar en ekki rekja til getu-
leysis. Warnke ráðherra bætti svo
við að ráðuneyti sitt hefði ekki
bolmagn til að kosta læknismeð-
ferð umræddra ökuníðinga, enda
kannski önnur og ódýr úrræði
nærtækari.
Þetta ættu að vera athyglis-
verðar upplýsingar fyrir okkar
Umferðarráð, því að ekki þarf að
efa að um há vísindalegar niður-
stöður er að ræða. Það er maka-
laust að Morgunblaðið skyldi ekki
slá þessu betur upp eins og um-
ræðunni um nagladekkin, sem
menn eru þó ekki sammála um.
Þessari mikilvægu frétt var potað
við hliðina á áberandi auglýsingu
og féll því alveg í skuggann.
Ef þessar merku kenningar
eiga við rök að styðjast eru margir
islenskir ökumenn afar illa haldnir
á kynlífssviðinu. Það væri jafnvel
rík ástæða til að efna til sérstakr-
ar umræðu um vandamálið ekki
síður en um nagladekkin. Því það
væri fróðlegt að heyra álit yfir-
manna í umferðarlögreglu,
gatnamálastjóra, formanns F.I.B.
og formanns umferðarráðs, en
allir þessi menn bera hitann og
þungann af slæmri og hraðri
umferð.
Jafnframt er það athyglisvert
að það eru aðallega karlmenn
sem virðast illa haldnir, ef kenn-
ingin er rétt, því að þeir virðast í
miklum meirihluta þeirra sem
gera usla með hröðum akstri.
Kynlífsvandi eins og lýst er hér
að framan getur vafalaust verið
þrálátur eins og margt annað sem
hrjáir mannfólkið, og kemur vafa-
laust fram í mörgum myndum í
atferli fólks. Ég las til dæmis í ein-
hverju dagblaði fyrir nokkrum
árum að óhólfleg bíladella yfirleitt
stafaði af ófullnægðu kynlífi. Það
er alkunnugt að það er hrein ást-
ríða hjá mörgum að þvo og bóna
bílinn sinn. Það er talið augljóst
einkenni. Flestum er kunnugt að
fjölmargir nostra miklu meira við
bílinn sinn en konuna sína. Lík-
lega getum við fallist á að þarna
sé beint samhengi á milli.
Ég man eftir miðaldra hjónum
sem bjuggu í næstu íbúð fyrir
nokkrum árum. Það virtist ganga
á ýmsu í hjónabandinu enda frúin
hinn mesti svarkur. Svarra-
gangurinn fór ekki framhjá íbúun-
um í þeim íbúðum sem næstar
voru. Yfirleitt eftir að sennur
höfðu keyrt úr hófi fram þá snar-
aðist húsbóndinn út, sem ég ann-
ars held að hafi verið hæglætis-
maður, og tók til við að bóna
bílinn. Þetta skeði stundum kvöld
eftir kvöld, enda bíllinn yfirleitt
gljáfægður. Nærri má geta að
ástúð hefur verið í lágmarki.
Svo kom að tímabili sem vart
heyrðist til þeirra hjóna. Einn ná-
búinn sagðist meira að segja hafa
heyrt til frúarinnar þegar hún kall-
aði angurvært: - Viltu fleygja
þessu fyrir mig í öskutunnuna -
ELSKAN.
Það var öllum Ijóst í nágrenn-
inu að ástandið hafði gjörbreyst til
hins betra, nema að bíllinn var að
drabbast niður af skít. Þetta
vopnahlé stóð í nokkrar vikur.
Svo var það kvöld eitt yfir
kvöldfréttunum að mikill hávaði
barst frá nágrannahjónunum og
auðheyrt var að yfir stóð mikill
darraðardans. Loksins heyrðist
að útihurðinni var skellt og stuttu
síðar sáum við að húsbóndinn
var tekinn til við að hreinsa bílinn,
sem reyndar var ekki óþarfi. Hon-
um var haldið gljáandi næstu
dagana. Það varð öllum Ijóst að
alúðin við bílinn var í beinu sam-
hengi við andrúmsloftið á heimil-
inu.
Það má Ijóst vera að í mörgum
tilfellum er ábyrgð kvenna mikil
og það er brýnt að konur beiti sér
fyrir bættu andrúmslofti í lífi
manna, annars er hætt við að ást-
úð karla með bíladellu beinist í
öfirgar áttir eða fari jafnvel í
súginn. Einnig ber að hafa í huga
að konur geta með ástúð sinni lin-
að þjáningar ökuþóra og komið (
veg fyrir of mikinn hraðakstur f
umferðinni.
PÁFINN
STILLTU Á STJÖRNUNA
Stjarnan er stillt á þig.
FM 102 og 104
Auglýsingasími 689910
70 VIKAN