Vikan - 19.10.1989, Page 10

SANBUÐIH
Rœtt við svissneska
geðlœkninn og
fjölskylduráðgjafann
dr. Agnesi Ghaznavi
TEXTI: ÞÓREY EINARSDÓTTIR
MYND: GUNNLAUGUR RÓGNVALDSSON
TEIKNINGAR: TONI ACKERMANN ÚR BÓK
AGNESAR GHAZNAVI
THE FAMILY REPAIR AND MAINTENANCE MANUAL
í september kom hingað til lands
góður gestur frá Sviss, dr. Agnes
Ghaznavi. Agnes er Bahá’í-trúar,
geðlæknir að mennt og stundar at-
hyglisverða fjölskyldumeðferð í
félagi við eiginmann sinn sem er
sálfræðingur. Koma hennar fór ekki
hátt, en þó hélt hún afar merkilegan
fyrirlestur í húsakynnum Bahá’í-trú-
félagsins í Reykjavík. Fyrirlestur
hennar fjallaði um vandamál nútíma
fjölskyldunnar. Skoðanir hennar
taka mið af Bahá’í-trúnni, sem legg-
ur mikið upp úr einingu, samvinnu
og jafnrétti og setur fjölskylduna í
öndvegi í samfélaginu. En hug-
myndir hennar eru hyggilegar og
kreddulausar og geta gagnast öllum
sem vilja.
Agnesi Ghaznavi varð tíðrætt um að eitt
af aðalvandamálum nútímafjölskyldunnar
væri hve fólk gerði miklar kröfur, ekki síst
til sjálfs síns, en það væru oft rangar kröfúr
og afleiðingarnar væru streita og óham-
ingja. „Mæður vilja vera góðar mæður og
setja markið hátt. Feður vilja veita fjöl-
skyldunni mikið og vinna baki brotnu."
Fjölskyldan er lítil eining, tengsl eru náin
og hún er mjög lokuð. En hún er einnig
mjög viðkvæm og berskjölduð — hún hef-
ur hvorki ættina, stórfjölskylduna né þorp-
ið til að vernda sig. „Ef til vill er þessu ekki
alveg eins farið hér á Iandi og víðast er-
lendis ennþá, en það stefhir í það.“ Fólk
hefúr ekki lært að ræða saman og eiga eðli-
leg samskipti, „það kann ekki einu sinni að
deila,“ segir Agnes. Hún bendir á að á ráð-
stefnu sem haldin var á vegum Sameinuðu
þjóðanna hafi komið fram að um 46% of-
beldisverka sem ffarnin eru í Bandaríkjun-
um eru innan fjölskyldunnar og hættuleg-
asti dagurinn er sunnudagur!
Dr. Agnes Ghaznavi hefúr einnig skrifað
áhugaverða og aðgengilega bók um fjöl-
skyldumál sem nefnist á ensku The Family
Repairs and Maintenance Manual, það er
„Handbók um viðgerðir og viðhald fjöl-
skyldunnar". Bókin er því miður aðeins til
á ensku, en er skrifúð fyrir almenning, að-
gengileg, viturleg og í léttum dúr. Áður en
dr. Agnes Ghaznavi hélt af landinu átti
blaðamaður viðtal við hana, svo lesendur
mættu njóta skoðana hennar.
„Ég er fædd í Sviss en foreldrar mínir
eru af mismunandi þjóðerni, móðir mín er
bandarísk en faðir minn Svisslendingur. Ég
ólst upp í Sviss, en hef ferðast mildð um
heiminn. Ég var friðarsinni og hef alltaf
haft mikinn áhuga á friðarmálum. Síðan
kynntist ég Bahá’í og tók þá trú vegna þess
að mér þótti það besta leiðin til friðar. Ég
fæddist fyrir fyrri heimsstyrjöldina og þó
svo að Sviss hafi ekki tekið þátt í stríðinu
þá hafði það mikil áhrifi á mig. Og vegna
þess að foreidrar mínir voru af ólíkum
uppruna þá hafa fordómar alltaf verið mér
eitur í beinum, fordómar milli þjóða, milli
karla og kvenna. í Baháí-trúnni er lögð rík
áhersla á að við losum okkur við fordóma
svo mannkynið geti sameinast.
Ég er gift „manneskja“.“ Agnes leggur
áherslu á orðið manneskja og skellihlær
síðan hátt, en það gerir hún iðulega því
það er stutt í kímnina hjá henni. „Fyrst var
ég félagsráðgjafi og hef alltaf haft mikinn
áhuga á því, en síðan lærði ég Iæknisffæði.
Maðurinn minn og ég rekum saman með-
ferðarstofur, hann er sálfræðingur og ég er
geðlæknir og við eigum mjög gott
samstarf."
— Hvers konar fólk kemur aðallega til
ykkar í meðferð?
„Þangað kemur fólk til dæmis vegna
ótta, þunglyndis — sumir eru geðveikir,
sumir eru drykkjusjúklingar, en þó ekki
margir, því það eru venjulega aðstandend-
ur þeirra sem koma frekar. Við biðjum fólk
yfirleitt að koma fljótlega með maka sína.
Við beinum athygli okkar fyrst og fremst
10 VIKAN 21.TBL. 1989