Vikan - 07.03.1991, Blaðsíða 38

Frh. af bls. 37
Ungar stúlkur ganga jafnvel í
brjóstahöldurum einum saman
undir opnum jakka. Undirföt
þykja tilvalin gjöf og algengt er
aö karlmenn kaupi heilu settin
handa konunni sinni eða vin-
konu og stundum taka konur
eiginmenn sína með til að
velja undirföt.
Brjóstahaldarar með spöng
eru aftur orðnir geysivinsælir
og eru keyptir í um það bil 95
prósent tilfella núorðið en
undanfarin tuttugu ár eða svo
hafði verið lítil eftirspurn eftir
þeim. Sokkabuxur eru þægi-
legar en það þykir ólíkt kven-
legra að ganga í sokkabanda-
belti og sokkum. Reyndar eru
fáanlegir sokkar með límrönd
að ofan svo að hægt er að
sleppa beltinu og eru þeir
mjög vinsælir en heyrst hefur
um stúlkur sem nota þessa
sokka, þægindanna vegna, en
bæta beltinu við af því þeim
þykir það fallegra og meira
spennandi.
Það eru ekki bara ungar eða
grannar konur sem geta
klæðst fallegum undirfatnaði
því hann er fáanlegur í yfir-
stærðum og reyndar í undir-
stærðum líka, fyrir þær konur
sem eru óvenju nettar.