Vikan - 06.08.1992, Blaðsíða 57

I byggingarlist gætir margvíslegra áhrifa frá ólíkum menningarheimum. Myndin sýnir eitt af húsunum
í Mdina.
ur jafnmikilli hlýju. Fyrir nú utan þaö hvaö
er margt aö skoöa á Möltu, sumariö entist okk-
ur varla til að sjá allt sem okkur langaði til. Á
Möltu er mikið um stórkostlegar fornminjar og
það er sama hvort um er að ræða mannkyns-
söguna, goðafræðina eða sögu kristninnar,
alls staðar er Möltu getið.
Bjóðið þið upp á skoðunarferðir á þessar
söguslóðir?
- Já við bjóðum upp á sögulega ferð þar
sem skoðaðar eru allar helstu fornminjarnar.
Hvaða fleiri skoðunarferðir eru í boði?
- Við höfum reynt að bjóða fólki að skoða
allt þaö helsta, og einnig erum við í samstarfi
við aðrar erlendar ferðaskrifstofur sem taka við
gestum okkar ef þeir eru með einhverjar sér-
stakar óskir. Með því móti getum við orðið við
óskum allra. Annars hefur þaö komið í Ijós að
flestir kjósa að fara í sömu ferðirnar og má þar
til dæmis nefna að bátsferðir til Gozo og Com-
ino hafa verið mjög vinsælar. Sama má segja
um þjóðlegt Möltukvöld. Þar eru sýndir malt-
neskir þjóðdansar og leikin þjóðleg tónlist.
Ferðir til Sikileyjar hafa einnig verið vel sóttar
en við bjóðum upp á tvenns konar ferðir
þangað. Annars vegar er skoðunarferð og hins
vegar verslunarferð. Margir hafa gert góð kaup
í þessum verslunarferðum enda verðlag í Sik-
iley mjög lágt. Ferð á þorpshátíð hefur einnig
notið mikilla vinsælda en hvert þorp heldur
sína hátíð með mikilli viðhöfn. Þar má sjá stór-
fenglegar flugeldasýningar enda leggja Möltu-
búar mikinn metnað í flugeldagerð og eru
þorpin í keppni um hvert þeirra gerir best.
Þess má geta að Möltubúar hafa unnið til al-
þjóðlegra viðurkenninga fyrir flugelda sína.
Skoðunarferðin til Mdina, gömlu höfuðborgar-
innar, er að okkar mati rúsínan í pylsuendan-
um. Mdina er ótrúlega falleg borg og á sér
sögu sem engu er lík. Það er ekki ofsögum
sagt að allir sem skoða þessa borg verða fyrir
miklum áhrifum. Sjálf erum við svo hrifin af
Mdina að við eigum þann draum heitastan að
búa þar einhvern tíma.
SAMGÖNGUR
Vegna smæðar Möltu er hægt að ferðst um
eyjuna á einum degi. Strætisvagnar ganga um
hana alla og nóg er af leigubílstjórum sem taka
að sér að aka farþegum hvert sem þeir kjósa
fyrir ágætis verð. Bátar ganga á milli eyjanna
þriggja og tekur hver ferð ekki langan tíma.
Þeir sem treysta sér til að aka á vinstri vegar-
helmingi geta leigt sér bílaleigubíl.
STRENDUR
Eins og áður segir er Malta klettaeyja svo mik-
ið er um klettastrendur en aftur á móti lítið um
sandstrendur. Sandstrendur eru þó til og sér-
staklega er hægt að mæla með Mellieha. Þar er
aðgrunnt og því góður staður fyrir börn.
Ekki er háegt að fjalla um Möltu án þess að
geta fyrrum höfuðborgar hennar, Mdina. Mdina
er byggð innan virkismúra, uppi á hæð með
stórkostlegu útsýni til allra átta. Borgin er talin
vera yfir fjögur þúsund ára gömul og hefur frá
upphafi verið í eigu aöalsstéttar Möltu. Nú er
svo komið að fáir búa í Mdina því húsin eru
stór og viðhaldskostnaður mikill. Unga fólkið
hefur fremur kosið að búa annars staðar en í
þeirri von að viðhorfin breytist eru húsin ekki
seld heldur standa þau auð og bíða eigenda
sinna. Mdina er staður sem varla er hægt að
lýsa með orðum, hana er eingöngu hægt að
upplifa og eru þeir sem heimsækja Möltu ein-
dregið hvattir til að skoða borgina.
Meðal annarra staða sem vert er að skoða
eru:
Núverandi höfuðborg Möltu, Valetta:
Borgin er byggð á tímum Jóhannesarriddar-
anna og er eins og Mdina byggð á hæð innan
víggerðra virkismúra. Þar er aðsetur forseta
landsins og þings. Öll helstu söfnin eru i Va-
letta, svo sem stríðsminjasafnið og listasafnið.
Hypogeum neðanjárðarmusterið sem
fannst fyrir tilviljun árið 1902. Musterið er frá
árinu 2400 f.Kr.
Ghar Dalam er hellir sem í hafa fundist yfir sjö
þúsund ára gamlir steingervingar og eru þess-
ar minjar taldar sýna ótvírætt að Malta var eitt
sinn áföst Afríku.
Fararstjórarnir, Anna Sóley Þorsteinsdóttir og
Ebenezer Böðvarsson eiga þann draum heitastan
að geta einhvern tíma búið í Mdina.
HEILLUÐ AF LANDINU
Síðastliðið sumar voru þau Anna Sóley Þor-
steinsdóttir og Ebenezer Böðvarsson farar-
stjórar Atlantik á Möltu. Vikunni lék forvitni á að
vita hvernig þeim hefði líkaö á svo framandi
stað.
- Það er skemmst frá því að segja að við
erum algjörlega heilluð af Möltu, svara þau að
bragði. - Fólkið er einstakt, það vilja allir allt
fyrir mann gera og á fáum stöðum mætir mað-
16.TBL. 1992 VIKAN 57