Vikan - 16.06.1993, Qupperneq 33

breytileg eftir því hvað um er
að vera. í vetur höfum við
fengið hingað hljómsveitir að
sunnan, á borð við Bogomil
Font og Síðan skein sól. Svo
erum við einnig með hljóm-
sveitir af svæðinu, eins og
Bergmál til dæmis. Stundum
erum við aðeins með hluta
salarins og er þá reynt að
mynda kráarstemningu og
fengnir trúbadorar til að troða
upp. Það kom mér mikið á
óvart þegar ég fluttist hingað
austur hvað í raun var mikið
um að vera í skemmtanalíf-
inu. Um hverja einustu helgi
hafa verið dansleikir hér, ým-
ist á föstudags- eða laugar-
dagskvöldum og jafnvel bæði
kvöldin enda eru hér tveir
skemmtistaðir, Valaskjálf og
Munaðarhóll sem er í Fella-
hverfinu hérna hinum megin
við Fljótið."
RÁÐSTEFNUSKRIFSTOFA
í samvinnu við Ferðamiðstöð
Austurlands hefur Valaskjálf
stofnað Ráðstefnumiðstöð
Austurlands og er tilgangur
fyrirtækisins að markaðssetja
Egilsstaði á sviði ráðstefnu-
halds. Harpa var beðin um að
segja undan og ofan af því
hvað til stæði.
„Það getur verið mjög gott
að fara með ráðstefnur út á
land. Ég þekki það sjálf að
þegar ráðstefnur eða fundir
eru haldnir í borginni þá eru
allir þátttakendur jafnan upp-
teknir í fundarhléum og á
kvöldin. Fólk er þá að reka
ýmis erindi sín í öllum hléum
og síðan í frítímanum á kvöld-
in. Uti á landi, eins og hér á
Egilsstöðum, hafa ráðstefnu-
gestir tækifæri til að borða og
spjalla saman í hléum og á
kvöldin næst gjarnan mikil
samheldni og fólk gerir eitt-
hvað í sameiningu. Á Egils-
stöðum er mjög góð aðstaða
til ráðstefnuhalds. Bæði er
það að hér er allur búnaður
og tækjakostur sem nauðsyn-
legur er auk þess sem húsa-
kostur er góður. Við getum
tekið á móti 400 ráðstefnu-
gestum í Valaskjálf. Auk gist-
ingarinnar getur Ráðstefnu-
skrifstofan útvegað aðstöðu í
heilsársbústöðunum í ná-
grenninu, í gamla gistiheimil-
inu á Egilsstöðum og víðar.
Alls er unnt að hýsa 380
manns á veturna í aðstöðu á
vegum fyrirtækisins og um
480 manns á sumrin.“
REGNBOGAHÓTEL
- Hótel Valaskjálf er eitt
hinna ellefu Regnbogahótela
sem eru hringinn í kringum
landið. I hverju er samstarfið
fólgið?
„Þetta samstarf er í raun
ekki langt á veg komið og er
enn í mótun. Regnbogahótel-
in bjóða ferðamönnum til
dæmis upp á svokallaðan
förunaut. Þá verður maður að
kaupa minnst fjórar nætur í
einu og gildir förunauturinn
sem afsláttarmiði á Regn-
bogahótelunum hvar sem er á
landinu en aðeins er unnt að
bóka síðustu nóttina fyrirfram.
Hótelin eiga það öll sameigin-
legt að bjóða upp á herbergi
með baði og alla helstu þjón-
ustu eins og mat og vínveit-
ingar. Það má segja að við
bjóðum upp á næsta stig ofan
við sumargistinguna eins og á
Eddu-hótelunum.“
- Hvað um verðið?
„Á sumrin er verðið lægra
en á hótelum í Reykjavfk en
heldur hærra en á Eddu-hót-
elum. Hvað Hótel Valaskjálf
áhrærir ætla ég að vera búin
að móta nýja stefnu í þessum
efnum fyrir næsta vetur. Við
höfum verið með helgar-
pakkaverð í vetur og það er
sambærilegt við það sem
stóru hótelin í Reykjavík hafa
boðið upp á. Við höfum mik-
inn áhuga á að laða að gesti
af Reykjavíkursvæðinu á vet-
urna. Bæði höfum við aðstöð-
una hér auk þess sem fólk
getur gert sér margt til dægra-
styttingar. Skíðasvæðin á
Fjarðarheiði og í Oddsskarði
eru mjög frambærileg en það
síðarnefnda er jafnvel talið eitt
það besta á landinu. Vetrar-
ferðir á jökulinn eiga framtíð
fyrir sér og í sumar er í bígerð
stofnun fyrirtækis, Jeppa-
ferða, sem hyggst kveðja sér
hljóðs á þeim vettvangi. Farin
var tilraunaferð um páskana
og gekk mjög vel. Þar var fólki
meðal annars sýndur feikna-
mikill íshellir sem aðeins er
hægt að komast að yfir vetrar-
tímann. Ég hef mikla trú á
þessu.“
- Þið bjóðið líka upp á veð-
urblíðu.
„Allir þekkja til góða veðurs-
ins á Austurlandi á sumrin en
á veturna er veðrið líka gott
þó ekki sé nema vegna þess
hvað hér eru oft miklar stillur
þó svo að vindurinn gnauði
víða annars staðar." □
12.TBL. 1993 VIKAN 33