Vikan - 25.06.1998, Blaðsíða 32

íneraða
' heimi.
Efni:
5 stórir laukar
2 hvítlauksrif
smjör og olía til steikingar
kjöt- eða grænmetissoð
pipar og salt
sléttfull matskeið hveiti
nokkrar brauðsneiðar
rifinn ostur
Aðferð:
Skerið laukinn í sneiðar og
merjið hvítlaukinn eða skerið
smátt. Látið þetta krauma við
vægan hita í blöndu af smjöri og
olíu þar til það er glært. Ekki láta
laukinn brenna því þá kemur
beiskt og vont bragð og allt er
ónýtt. Hellið einum lítra af soði
eða vatni út í og setjið grænmetis-
eða kjötkraftstening út í ef þið
notið ekki heimagerðan kjötkraft.
Piprið og saltið eftir smekk. Látið
þetta krauma undir loki í 20 - 30
mínútur. Setjið ofninn á 200.
Hrærið hveitið út í ofurlitlu vatni
og hellið varlega út í svo ekki
komi kekkir. Látið sjóða aðeins.
Súpan á ekki að vera þykk, hún á
bara að litast aðeins af hveitinu.
Hellið súpunni í stóra eldfasta
skál eða látið hana vera áfram í
pottinum ef óhætt er að setja
hann í ofn. Raðið skorpulausum
brauðsneiðum eða söxuðum
brauðteningum ofan á þannig að
hylji yfirborðið og stráið rifnum
osti yfir. Skellið þessu í heitan ofn
þar til osturinn er bráðinn og að-
eins farinn að brúnast. ■
32