Vikan - 01.03.1999, Page 17

.
< Íírrrfn n
<í'j'Tcrfn í rrrJ»
Vettvangur heilsubótar og mannlegra samskipta

Þau ganga alltaf saman á sunnudagsmorgnum og taka með sér kaffibrúsann
til að geta fengið sér morgunkaffi eftir gönguna og spjallað saman.
„Klúbburinn er búinn að halda upp á tíu ára afmælið sitt
og þetta er orðinn samstilltur hópur“ segir Steingrímur
Jónasson, forsvarsmaður hópsins. „Upphaflega voru það
sjúklingar í endurhæfingu sem byrjuðu að ganga saman,
við höfum haldið nokkuð hópinn þótt auðvitað hafi orðið
svolítil endurnýjun innan hans gegnum tíðina. Það eru á
milli 30 og 40 félagar í Flækjufæti, en það eru
oft á bilinu 20 til 25 manns í hverri göngu.
Við hittumst alltaf klukkan 11 á sunnu-
dagsmorgnum og göngum mikið innanbæjar
á vetrum. Við erum með fyrirframgerða
ferðaáætlun langt fram í tímann og reynum
að hittast á mismunandi stöðum og ganga
hingað og þangað um bæinn til að viðhalda
fjölbreytninni. Við reynum að láta aldrei
detta helgi úr hvernig sem viðrar, við klæð-
Hefur þú áhuga á
göngum?
Þessir aðilar m.a.
skipuleggja
gönguhópa:
Félag eldri borg-
ara, Hverfisgötu
Endurhæfingar-
stöð hjarta- og
lungnasjúklinga
(H.L. - stöðin)
um okkur bara eftir veðri og höldum okkur á skjólsælum
stöðum þegar kalt er. Á sumrin skreppum við svo út fyrir
bæinn og göngum þar. Við erum á göngu u.þ.b. klukku-
tíma og svo setjumst við niður og fáum okkur kaffi og
meðlæti úti í náttúrunni á eftir.
Þetta er frábær félagsskapur og mikið fjör. Fólk kynnist
^ hvert öðru vel á göngunni og við höldum
hópinn talsvert utan þessara hefðbundnu
sunnudagsgöngutúra. Flækjufótur heldur
alltaf jólahlaðborð í desember þar sem menn
leggja í púkk og við förum í tvær „útilegur“
á ári. Þá fáum við leigða sumarbústaði um
helgi og göngum þaðan um nágrennið.
Þetta er alveg feikilega skemmtilegur fé-
lagsskapur og hollur fyrir líkama og sál.
-------wr
Vikan 17.