Vikan - 16.11.1999, Page 24

Cashew hnetur eru mjög góðar í bakst-
ur, þær eru sérstakar á bragðið, af-
hýddar og mun mýkri undir tönn en
aðrar hnetur. Þær fást í Heilsuhúsinu. í
þessa uppskrift þarf form sem er 26
sm x 37 sm, en ef það er ekki við
hendina þá er allt í lagi að nota 24 sm
x 33 sm, en þá þarf að taka rúmiega
1/2 bolla af deiginu sem fer í botninn
því annars verður hann of þykkur.
Móta má kúlur úr afgangsdeiginu svo
ekkert fari til spillis.
1 bolli smjör
1 bolli sykur
1/2 bolli púðursykur
1 egg
1 tsk. vanilludropar
2 bollar hveiti
300 g suðusúkkulaði
1/2 bolli valhnetur, saxaðar
1/2 bolli Cashewhnetur,
saxaðar
Hrærið smjör, sykur, egg og dropa
saman, hveiti sett út í síðast. Þekið
botn á fati sem er 24 sm x 33 sm á stærð.
Bakið á 175° í u.þ.b. 15 mín. eða þar til
ljósbrúnt. Bræðið suðusúkkulaði yfir
vatnsbaði á meðan botninn bakast.
Smyrjið súkkulaðinu yfir botninn um
leið og fatið kemur úr ofninum. Stráið
valhnetum og Cashewhnetum yfir, þrýst-
ið hnetunum ofan í súkkulaðið með
höndunum. Kælið og skerið í litla bita.
Best að geyma í frysti en rná geyma í
kæliskápnum.
Vikan