Menntamál - 01.12.1952, Blaðsíða 23

menntamál
133
hafa stundað í Tárna. Enn fremur kynntust ýmsir honum,
er hann ferðaðist hér um fyrir nokkrum árum og flutti
erindi.
Námsskeiðið, sem ætlað er Norðurlandabúum, nefnist
„Regards sur la France“ (Gefum Frakklandi gaum). Við-
fangsefnið er franskt mál og menntir. Enn fremur eru
fyrirhugaðir kynningarfundir með frönskum mönnum og
norrænum, sem við skólann dveljast. Eftir því sem á
námsskeiðið líður og þátttakendur ná betri tökum á frönsku
máli, er gert ráð fyrir því, að þeim gefist kostur á að
hlýða á erindi eða kynnast á annan hátt ýmsum efnum, er
Prakkland varða, einkum franskri sveita- eða dreifbýlis-
menningu, svo sem alþýðlegum skáldskap og lífsspeki,
þjóðlögum og dönsum.
Islendingum er vafalaust sem öðrum norrænum þjóðum
þessi starfsemi Paccou mikil aufúsa. Margir hafa
haft fullan hug á því að kynnast franskri menningu, en
þess hefur verið lítill kostur. Flest höfum við um það
nokkra hugmynd, hvað heimurinn á þessari merku þjóð
að þakka, en fáum okkar hefur auðnazt að hafa náin kynni
af henni. Við væntum þess því, að lýðháskólinn við Gömlu
myllu verði einhverjum námfúsum Islendingum dyr að
áður ókunnri veröld, og með þeim eigi eftir að berast
hingað nýir straumar mennta líkt og á dögum Sæmundar.
Menntamál hafa leitað fregna um það, með hvaða kjör-
um Islendingum gæfist kostur á þátttöku í téðum náms-
skeiðum og hvert þeir ættu að beina umsóknum sínum, ef
Þeir vildu þekkjast þetta góða boð, en réttir aðilar hafa
varizt frétta um þetta enn sem komið er, en væntanlega
Uiun fræðslumálastjórn og utanríkisþjónusta geta gefið
svör við þessu áður en langt um líður.
Á. H.