Menntamál - 01.05.1953, Qupperneq 9
MENNTAMÁL
51
ar æskilegt, að þessi fyrirbæri og önnur skyld séu skýrð
meira en tíðkazt hefur með samanburði við það, sem
gerðist með öðrum þjóðum á sama tíma. Gagnrýni þessi
skal ekki rakin hér nánar. Hún mun síðar birt með öðr-
um gögnum norrænu sögunefndanna. íslenzk sögunefnd
mun og væntanlega taka afstöðu til hennar.
Þótt danska gagnrýnin falli ekki alls kostar saman við
íslenzkan söguskilning, er rétt og skylt, að þeir, sem fram-
vegis kunna að rita kennslubækur í Islandssögu, kynnist
henni. Með góðum vilja, nokkurri sáttfýsi og aukinni
yfirsýn má vafalaust sverfa af ýmsa bitra brodda án þess,
að réttu máli sé hallað. Æskilegt er, að við getum, eftir því
sem sanngirni frekast leyfir, kennt íslenzkum ungmenn-
um íslenzka þjóðarsögu án þess, að hún veki í hugum
þeirra beiskju eða kala til grannþjóðanna á Norðurlönd-
um eða sé frændum okkar þar til ásteytingar. Þeim mun og
með góðum vilja auðvelt að gera okkur til hæfis í þessu
efni.
Við skulum minnast þess, að flestar þjóðir Norðurálfu
þurfa, er þær nú vinna að heilbrigðari sögukennslu, að
brúa miklu stærri gjár fornrar óvildar en nokkurn tíma
hafa aðskilið þjóðir Norðurlanda. Að því er þó hvarvetna
stefnt, þar sem reynt er að jafna gömul misklíðarefni og
skapa mannkyninu bjartari framtíð. Menningar- og
fræðslumálastofnun Sameinuðu þjóðanna (Unesco) hefur
nú forgöngu um þessi mál á alþjóða vettvangi og fylgist
með því, sem þjóðir Norðurlanda gera á þessu sviði. Við
skulum vona, þótt hægt gangi, að þeim takist að verða þar
öðrum til fyrirmyndar.