Menntamál - 01.05.1953, Blaðsíða 20

62
MENNTAMÁL
stjóri í Pfáffikon (þekktu uppeldisheimili handa afbrigði-
legum börnum) hefur tekið þessa kennsluaðferð upp að
nokkru leyti, aðallega við kennslu yngri barnanna.
Pestalozziheim í Pfáffikon liggur um klukkustundarferð
frá Ziirich. Þar eru 35 börn á skólaaldri og auk þess 15,
sem sækja skólann þangað, en búa heima. Aðalbyggingin
er gamalt bændabýli, sem breytt hefur verið og bætt við
eftir þörfum. í fyrra festi heimilið kaup á næsta húsi,
sem verið var að breyta og lagfæra í vetur, svo nú getur
það tekið við 15 börnum í viðbót. Börnin eru öll vangefin,
greindarvísitala 65—90, en neðar vill Bolli ekki fara.
Nokkur hluti barnanna er úr sveitinni í kring, en sum
frá Zúrich eða Winterthur, börn, sem ekki er hægt að hafa
heima vegna skaðlegra áhrifa heimilanna. Skólinn er í
þremur deildum og kennir Bolli skólastjóri elztu börn-
unum sjálfur. Fyrir þau yngstu og þroskaminnstu er
einnig leikskóli. Til Pfáffikon fórum við einu sinni í viku
og vorum þar hálfan dag í hvert skipti.
Bolli skólastjóri hafði með okkur tíma í kennslufræði,
einnig sagði hann okkur frá rekstri barnaheimila, auk
þess sem hann leiðbeindi okkur við rannsóknir á börnun-
um, sem var annað aðalverkefni okkar þar. Hvert okkar
skrifaði svo skýrslu um eitt barn þar, eins konar próf-
ritgerð. Drengurinn, sem ég skrifaði um, er, auk þess sem
hann er vangefinn (greindarvísitala 78 samkvæmt Biásch),
dæmi um það, hver áhrif slæmt uppeldi getur haft.
Hann er í raun og veru þægðarbarn, en var orðinn gjör-
samlega óviðráðanlegur, þegar honum var komið til
Pfáffikon. Þar er hann nú búinn að vera nokkurn tíma
og er að verða allur annar.
Annan hálfan dag einu sinni í viku vorum við sitt í
hverjum skólanum í Zúrich. Þar áttum við að kenna einn
tíma í hvert sinn. Hinn tímann gátum við svo notað til
þess að fylgjast með kennslunni eða prófa börnin eftir vilú.
Ég var í svonefndri „sérdeild handa afbrigðilegum börn-