Menntamál - 01.05.1953, Page 14

56
MENNTAMÁL
það kæmi að sök, þó að eitthvað yrði dregið úr bók-
námskröfum unglingastigsins.
Er þessi leið ekki fær? Nemendur, sem ætla að stunda
langskólanám, hefðu aðeins gott af því að stunda meira
verklegt nám á skyldustiginu en ætlazt er til í fræðslu-
lögunum. Margir mundu líka óska þess. Verði ekki önnur
hvor þessi leið farin, kemst það opinbera ekki hjá því að
leggja fram nægilegt fjármagn til þess að framkvæma
fræðslulögin, eins og nú er ætlazt til, án tillits til nem-
endafjölda. Ef þessu atriði verður ekki komið í fast horf,
vofir sú hætta yfir, að verknámið verði áfram látið sitja
á hakanum, þar sem ekki þykir fært að starfrækja báðar
deildir sökum nemendafæðar. Þá er illa farið. Auknu verk-
námi er fagnað af nemendum og aðstandendum þeirra.
Það er réttlætismál og þjóðarnauðsyn. Lögin ætlast til þess,
að aðstaða til skyldunámsins sé svo jöfn sem unnt er um
land allt. Skyldunáminu er ætlað að veita nemendum hvorr-
ar deildar jafnan rétt til framhaldsnáms og að því ber að
keppa.
Mér leikur grunur á, að í mörgum fræðsluhéruðum sé
ekki unnið eins kappsamlega að því að koma verklegu námi
í eins gott horf og æskilegt væri. Því miður. Það er kostn-
aðarsamt fyrir skólana að eignast nauðsynleg tæki. Hús-
næði vantar og hæfa kennara. Á þessu þarf að ráða bót
sem fyrst. Það verður að ýta á eftir, hvetja og leiðbeina
og athuga vel allar aðstæður á hverjum stað.
Einhverja hef ég heyrt halda því fram, að ekki ætti að
byrja á verklegu námi í nokkrum skóla, nema fullkomn-
ar aðstæður væru fyrir hendi. Það tel ég vægast sagt mjög
vafasamt. Ef hafizt er handa, þótt í fátækt sé, þá vaknar
áhugi, og nýrra ráða er fremur leitað til þess að leysa
vandann svo vel sé. Flestir nemendur fagna því að stunda
verknám á bernsku- og unglingsárunum. Sköpunarþráin
er sterk og einlæg. Fögnuður nemendanna vekur umhverfið
og ráðamenn.