Menntamál - 01.05.1953, Side 12
54
MENNTAMÁL
ur og jafnvel sviksemi í störfum. Það er ekki gott vega-
nesti í lífinu. Námskröfurnar mega ekki vera svo mikl-
ar, að börnin fyllist minnimáttarkennd, gefist upp og
glati sjálfstrausti. Hvað eru þau börn mörg, sem geta
skilað námsefninu til fulls? Börn eru að jafnaði samvizku-
samari en fullorðnir. Það verður að muna, þegar þeim
eru fengin verkefni til þess að leysa. Það er einnig sjálf-
sagt að taka fullt tillit til næmu og gáfuðu barnanna, en
þeim er hægt að gefa viðbótarverkefni, ef þurfa þykir.
Einhverjir munu kannske segja, að námskröfur ís-
lenzkra barnaskóla séu í fullu samræmi við kröfur annarra
menningarþjóða. En er endilega víst, að þær séu á réttri
leið, hvað það snertir? Hér er rétt að geta þess, sem
skiptir miklu máli, að starfstími okkar skóla er yfirleitt
mun styttri. Það er ekki alltaf sjálfsagt, að íslendingar
sæki allar fyrirmyndir til annarra þjóða, þótt menningar-
þjóðir séu. Þeir geta kannske stundum fundið jafngóðar
eða betri leiðir sjálfir.
Mér virðist, að námskröfur til barnapróís séu of mikl-
ar og auðvitað er erfiðara fyrir smærri skóla að full-
nægja þeim. Þeir starfa flestir skemur og geta ekki skipt
nemendum í samstæða námshópa. Af sömu ástæðum geta
þeir síður varið æskilegum tíma til félagsstarfa. Skól-
arnir, nemendur og kennarar, eru fyrst og fremst metnií
eftir tölum, afrekum við prófborðið, en ekki eftir félags-
störfum og menningarviðleitni. Þetta þarf að breytast, ef
vel á að fara.
Nú hefur með fáum orðum verið drepið á nokkur vanda-
mál barnaskólanna og þá einkum hinna smærri. Skal nú
vikið að erfiðleikum fámennra unglingaskóla. Er þá sér-
staklega átt við unglingaskóla, sem starfa í beinu fram-
haldi af smærri barnaskólum og undir sömu stjórn.
í lögum um skólakerfi og fræðsluskyldu er svo fyrir
mælt, að barnafræðslunni ljúki með barnaprófi við 13
ára aldur. Þá taka við unglingaskólar, miðskólar og gagn-