Menntamál - 01.05.1953, Síða 17

MENNTAMÁL
59
er jafnframt einn af aðalkennurum Björns. Má eflaust vænta mikils
af þeim hjónum, er þau hafa lokið sórnámi sínu.
Brófið er dagsett 20. marz s. 1. í Middelfart í Danmörku.
M. ].
Kæri dr. Matthías!
Af okkur er allt gott að frétta. Vetrarmisserinu er nú
lokið. Kennslan var með svipuðu sniði og í sumar, þó var
mun meira að gera en þá, enda kom nú ýmis heimavinna
til sögunnar, sem ekki var síðast liðið sumar. Kennarar
voru flestir þeir sömu og áður, þó höfðu Petersen og frú
Sulser enga tíma þetta misseri. Þau voru búin að gera
efni sínu full skil. Dr. Luchsinger kenndi sem fyrr og
flutti fyrirlestra um starfræna og vefræna talfærasjúk-
dóma. Skoðuð voru börn með gölluð talfæri og kenndar
æfingar til að laga gallana. Þessu var þannig fyrir komið,
að hann flutti fyrirlestra fyrri stundina, en þá síðari skipt-
um við okkur í tvo hópa, fór annar með honum, en hinn
með kennslukonu, sem er honum til aðstoðar, upp á rann-
sóknardeildina í Kantónuspítalanum, en þar fóru æfing-
arnar fram. Þangað komu börn með alls konar málgalla
af ýmsum orsökum. Einstaka fullorðnir komu líka. Við
vorum svo annað skiptið hjá dr. Luchsinger en hitt hjá
kennslukonunni. Mér féllu þessar æfingastundir betur
hjá kennslukonunni, því að dr. Luchsinger hættir of mikið
við að halda sér við það læknisfræðilega, þótt hann sé ekki
að tala fyrir læknum.
Dr. Deuchler flutti fyrirlestra um líffræðileg og læknis-
fræðileg frumskilyrði í uppeldisfræði afbrigðilegra barna,
framhald af því, sem hann kenndi í sumar. Mér féllu þeir
tímar mjög vel. Hann er afbragðs kennari og gerði mikið
að því að segja okkur frá dæmum úr starfi sínu, en hann
starfar við skólana í borginni og kynnist því manna bezt
þeim börnum, sem erfiðleikum valda þar.
Prófessor Lutz flutti fyrirlestra um sálræna sjúkdóma