Menntamál - 01.05.1953, Page 19
MENNTAMÁL
61
tegundir barnaheimila og hvernig þau starfa. Dr. Schnee-
berger æfði einnig með okkur notkun rannsóknaraðferðar
Rorschachs. Þá lét hann okkur vinna úr skýrslum, gerð-
um eftir Rorschach-aðferðinni, sem talin er alveg ómiss-
andi hér í Sviss.
Prófessor Moor hélt fyrirlestra um sálarfræði afbrigði-
legra barna. Auk þess flutti hann fyrirlestra um sálarfræði
innri erfiðleika barnsins og aðra um hömlur á sálrænni
þróun barnsins. Þeir fyrri fjölluðu aðallega um það, sem
ýmsir höfundar höfðu skrifað um þetta efni og saman-
burð á því. Einnig skýrði hann frá sínum eigin rannsókn-
um. Þeir síðari voru um sálarfræði vangefinna barna,
blindra og heyrnarlausra. Auk þessa hafði hann með
okkur ,,æfingar“. Fram til hátíða talaði hann um börnin
í bekknum, sem við heimsóttum vikulega í sumar. Síðari
hlutann flutti hann svo ýmis erindi, og ef við báðum
hann um að tala um eitthvert ákveðið efni, gerði hann það.
Dr. Briner flutti fyrirlestra um barnaverndarlöggjöf.
Hann er nú kominn undir sjötugt og hefur unnið megnið
af sínum starfstíma að þessum málum. Nú er hann for-
maður stjórnar Heilpedagogisches Seminar. Ég bjóst ekki
við að hafa mikil not af þessum tímum, bjóst við tómri
svissneskri lögfræði. Sú varð þó ekki raunin á, heldur
sagði hann okkur margt fróðlegt frá reynslu sinni í með-
ferð afbrotaunglinga. Þetta var því mjög fróðlegt, einnig
fyrir okkur útlendingana.
Frú Bebie hafði tíma, sem kallaðir voru lífræn kennslu-
tilhögun, með sérstöku tilliti til hreyfiþarfarinnar. Þessir
tímar voru eiginlega kennslufræði, eins og svipaðir tímar
voru kallaðir í kennaraskólanum heima. Frú Bebie hefur
kennt vangefnum börnum mjög lengi og byggt upp þetta
„lögmál hreyfinganna", sem er í miklu áliti í Sviss. Van-
gefin börn hafa oft mikla hreyfingarþörf, sem ber að
fullnægja við kennsluna. Ég held þó, að vafasamt sé að
binda sig við hana eingöngu, eins og hún gerir. Bolli skóla-