Menntamál - 01.05.1953, Blaðsíða 13
MENNTAMÁL
55
fræðaskólar. Þessir skólar greinast í verknámsdeild og
bóknámsdeild. Unglingaskólanum lýkur með unglinga-
prófi eftir tveggja vetra nám. Þá er fræðsluskyldunni
lokið. Heimilt er þó að stytta eða lengja fræðsluskylduna
um eitt ár með samþykki réttra aðila.
í drögum að námsskrá, og að ég hygg í framkvæmd, er
svo mikill munur á námsefni og námskröfum í bóknáms-
deild og verknámsdeild, að ekki er framkvæmanlegt, að
nemendur beggja deilda njóti sameiginlegrar kennslu,
nema í fáum námsgreinum. Sérstaklega á þetta við seinni
veturinn. Af þessum ástæðum eru nokkrir erfiðleikar í
framkvæmd laganna, þar sem fáir nemendur eru í hvorri
deild. Það mun sjálfsagt þykja kostnaðarsamt að kenna
t. d. 5—10 nemendum í bekk. í fjölmennum skólum er
ólíklegt að nemendur skiptist svo ójafnt í deildir, að ekki
verði sæmilega fjölmennir bekkir. Þessu atriði þarf að
gefa meiri gaum en verið hefur. En hvað er þá hægt að
gera til þess að bæta úr þessu?
Skal hér bent á tvær leiðir, sem virðast geta komið til
greina, en þá er gert ráð fyrir, að skyldunámi ljúki í
heimaskóla, enda yrði annað óvinsælt og kostnaðarsamt
fyrir aðstandendur unglinganna.
1. Að starfrækja ekki báðar deildirnar árlega í smærri
skólum, heldur t. d. annað hvert ár. Það mundi þó
ekki reynast vinsælt hjá þeim nemendum, sem þyrftu
að bíða með að ljúka skyldunámi. Sérstaklega mundi
það ekki vera talið æskilegt af aðstandendum þeirra
nemenda, sem ætlað væri lengra nám.
2. Að breyta lögunum þannig, að skipting í bóknáms-
deild og verknámsdeild komi fyrst til framkvæmda
að skyldunámi loknu. Yrði þá að sameina og sam-
ræma þær námskröfur, sem nú eru gerðar í hvorri
deild og að sjálfsögðu að draga nokkuð úr þeim, þó
þannig að verklega námið yrði mun meira en nú er
gert ráð fyrir í bóknámsdeild. Mér þykir ótrúlegt, að