Menntamál - 01.12.1967, Blaðsíða 29
MENNTAMAL
217
aðeins um vísi að safni að ræða. Þegar lokið hefur verið við
að koma fyrir og skrásetja þær bækur, sem loforð hafa feng-
izt fyrir hér innanlands, verður hafizt handa um innkaup
erlendis frá.
í þessu sambandi skal vakin athygli á því, að hvers konar
rit um uppeldisfræðileg efni, gamlar kennslubækur og
harnabækur eru þakksamlega þegnar, ef kennarar hafa þær
aflögu og vilja unna bókasafninu að njóta þeirra.
The Touchstone Magazine
Stofnað hefur verið f Bandaríkjunum aljrjóðlegt tímarit, sem ætlað
er að flytja efni eftir börn á aldrinum 4—13 ára. Það mun koma út
4 sinnum á ári, fyrst um sinn á ensku, en gert er ráð fyrir útgáfu á
öðrum tungumálum síðar.
Ritstjóri er Richard Lewis, Bandaríkjamaður sem margt hefur
gefið út fyrir börn og eftir börn. Hann er kunnur fyrirlesari vestra
um Jjetta efni og hefur ferðast víða á vegum Unesco til að safna
barnaskáldskap.
Lewis hefur snúið sér til Menntamálaráðuneytisins nteð ósk um efni
eftir íslenzk börn í tímarit sitt. Ekki er jrörf á að Jrýða efnið á ensku.
þó það sé að sjálfsögðu þegið, en geta skal um nafn, heimilisfang og
aldur höfundar og hvenær samið var. Ef nngt barn les efnið fyrir,
skal geta nafns skrásetjara. Ef sent er frá skóla, skal nafn kennara
fylgja. Efnið skal vera nákvæmlega eins og barnið gekk frá jiví og
án leiðréttinga. Handrit verða ekki endursend. Utanáskriftin er:
Richard Lewis, 141 East 88 Street, New York City 10028, U. S. A.