Menntamál - 01.04.1970, Side 6

Nýja sænska námsskráin
Sérkennsla
í almennum skólum
Dæmi um hið fyrrneí'nda skal tekið frá Svíþjóð,
þar sem Skolöversíyrelsen hefur nýlega sent frá
sér endurskoðaða útgáfu af Laroplan för grund-
skolan, sem á að taka gildi í 1., 4. og 7. bekk haust-
ið 1970, en verður komið í framkvæmd í öllum
bekkjum 9 ára skólans starfsárið 1972-73. Kaflinn
um sérkennsluna befst á svohljóðandi inngangi:
„Sérkennslan er veigamikill þáttur í viðleitni
skólans til að búa hverjum einstökum nemanda
náms- og vinnuskilyrði í samræmi við hæfileika
hans og þarfir.
Þessi kennsla er ýmist skipulögð fyrir einstaka
nemendur eða fámenna hópa samhliða og sam-
ræmd annarri kennslu í venjulegum bekk (sant-
ræmd sérkennsla) eða fyrir nemendur í sérbekk.
Nemendur með samsetta skólaörðugleika eiga
kost fleiri en einnar tegundar af sérkennslu.
Sérkennslan er eðlileg hjálp, sem boðin er
þeim nemendum, sem eiga við sérstaka örðug-
leika að etja í skólanámi og þurfa fyllri kennslu
eða stuðningskennslu samhliða kennslu í venju-
legum bekk, svo og þeim nemendum, sem víkja
svo mjög frá venjulegum þroskaferli líkamlega
eða sálrænt, að umfang og eðli hjálparinnar er
slíkt, að henni verður aðeins við komið í sér-
stökum bekk.
Skólaörðugleikar, sem geta leitt til sérkennslu
í formi fyllri kennslu, stuðningskennslu eða sér-
bekkjarkennslu eru fyrst og íremst þessir: skertur
greindarþroski, liegðunarvandkvæði, örðugleikar
í sambandi við skólabyrjun, námsörðugieikar sér-
staklega í sambandi við móðurmál og stærðfræði,
sjóngallar, heyrnarskerðing, málgallar og hreyfi-
hömlun.
Sérkennsluna ber að framkvæma sem einstakl-
ingskennslu, í fámennum hópum og bekkjum;
þar sem því verður við komið, skulu sérmenntað-
ir kennarar annast kennsluna, sem skal grund-
vallast á niðurstöðum tiltcjlulega umfangsmikilla
rannsókna og langtímaathugana. Kennslan fari
fram með sérhæfðum aðferðum, kennslutækni
og kennslugögnum. A þann hátt skapast liagstæð
skilyrði til nemendaverndar í samræmi við geð-
MENNTAMÁL
44