Menntamál - 01.04.1970, Blaðsíða 21

aS endurskoðun fræðslulaganna, eftirfarandi
tillögu um breytingar:
Lög um fræðslu barna.
Niður falli úr 5. gr. c, d og e liðir.
í stað 6. gr. komi:
6. gr. Þeim börnum, sem víkja svo mjög frá eðlilegum
þroskaferli barna, líkamlega, vitsmunalega, geð-
rænt eða félagslega, að þau fá ekki notið venju-
legrar kennslu í einni eða fleiri námsgreinum,
skal séð fyrir sérkennslu við þeirra hæfi. Heimilt
er fræðslumálastjórn að ákveða þessum börn-
um námstíma einu eða tveimur árum lengri en
öðrum börnum.
Sérkennslan skal fara fram einstaklingslega, í
hópum, sérbekkjum eða sérskólum, eftir því sem
hentast þykir eftir afbrigðum nemendanna og
aðstæðum í skólahverfinu. Kennsluna skulu ann-
ast sérmenntaðir kennarar, þar sem því verður
við komið.
Fræðsluhéruðin skulu skipuleggja sérkennsluna
í samræmi við reglugerð, sem menntamálaráðu-
neytið setur, og er heimilt að verja allt að 10
stundum á kennslumánuði skóla á hvern nem-
anda í sérkennslu.
Lög um gagnfræðanám.
Niður falli c og d liðir 15. gr.
í stað 17. gr. komi:
17. gr. Þeim unglingum, sem víkja svo mjög frá eðli-
legum þroskaferli unglinga, iíkamlega, vits-
munalega, geðrænt eða félagslega, að þau fá
ekki notið venjulegrar kennslu í einni eða fleiri
námsgreinum, skal séð fyrir sérkennslu við þeirra
hæfi. Heimilt er íræðslumálastjórn að ókveða
þessum unglingum einu eða tveimur árum lengri
námstíma en öðrum unglingum.
Sérkennslan skal fara fram einstaklingslega, í
hópum, sérbekkjum eða sérskólum, eftir því sem
hentast þykir eftir afbrigðum nemendanna og
aðstæðum í skólahverfinu. Kennsluna skulu ann-
ast sérmenntaðir kennarar, þar sem því verður
við komið.
Fræðsluhéruðin skulu skipuleggja sérkennsluna
í samræmi við reglugerð, sem menntamálaráðu-
neytið setur, og er heimilt að verja allt að 10
stundum á kennsluménuði skóla á hvern nem-
anda í sérkennslu.
Þess er að vænta, að tillögurnar verði teknar
til greina og sérkennslunni þar með tryggður
nauðsynlegur lagagrundvöllur.
Kennararnir
Kennararnir, sem við sérkennsluna fást,
þurfa að vera menntaðir til starfans.
Auk þess að hafa reynslu af almennu
kennslustarfi þurfa þeir að kunna skil á helztu
tegundum þroskaafbrigða, eðli þeirra og or-
sökum; áhrifum fötlunarinnar á allt atferli ein-
staklingsins, viðbrögð hans við sjálfum sér og
umhverfi sínu, en þó sér í lagi áhrifum á náms
athöfnina og námsárangurinn. Þeir verða að
vita, hvaða möguleikum læknisfræðin býr yfir
í þessum tilvikum og hvers konar önnur með-
ferð og útbúnaður getur stuðlað að takmörk-
un eða útilokun áhrifa fötlunarinnar á nám
og starf. Þeir verða að hafa vald á nýjustu
sérhæfðum aðferðum við kennsluna og upp-
eldið og vera heima í þeirri uppeldisheim-
speki og sérkennslufræði, sem þær grund-
vallast á.
Sérkennaranám tekur eitt til tvö ár á Norð-
urlöndum, og á síðastliðnum vetri tók Fram-
haldsdeild Kennaraskóla íslands upp kennslu
í þessum fræðum. í vor var þráðurinn tekinn
þar upp á ný. Námið er í höfuðdráttum sniðið
eftir námsskrá fyrri ársdeildar norska sérkenn-
araskólans, og eiga nemendur kost á að halda
þar áfram námi, ef þeir æskja.
Nemendurnir
Val nemenda til sérkennslu ber að vanda,
eins og kostur er, svo tryggt sé, að allir njóti
kennslu og uppeldismeðferðar við hæfi. Nauð-
synlegar rannsóknir gerðar af samstarfshópi
starfmanna verða að liggja til grundvallar
ákvörðunum. Hverjir í þessum samstarfshópi
eru, fer auðvitað eftir eðli málsins hverju sinni,
og vísast til þess, sem áður er sagt um það,
aðeins skal minnt á lykilhlutverk skólasálfræð-
ingsins í hvers konar diagnostiskri vinnu. Þess
verður væntanlega ekki langt að bíða, að
skipulag sálfræðiþjónustu skólanna komist í
viðunandi horf hér á landi, svo hún verði þess
MENNTAMÁL
59